1 Hi Apu Dios di numpilih nan nangibangonanah nan ma'alih boblena hidih nadan nabillid an niyappit i hiya.

2 Te hidih ad Zion di pinpinhodna hinadan boblen di tinanud Israel.

3 Ya dakol di mibaga hi amaphod diyen ma'alih boblen Apu Dios.

4 Ya alyon Apu Dios di, Iddum'u nadan i Egypt ya i Babilon hi pangitudo'a' hinadan umun'unud i ha"on ya ta'on on hanadan i Pilistia ya i Tael ya i Etiopia ta hiya nan wadaday ibilang'un dida hi i Jerusalem.

5 Te ha"on an na'abbaktun Dios ya pumbalino' hi ma"aphod an boble ta mundongol ta ahi way ohaon alyonay, Niyayyama' hi ad Jerusalem.

6 Ot hitun pangitudo'an Apu Dios hi ngadan nadan ibilangnah tataguna ya itudo'nan hidiy niyayyamanda.

7 Ta an naminda ya ma''amlongdan manayo ya mungkantadan alyonday,

An namin di umipa'amlong i dita'u ya malpuh tun ad Zion.