1 Nunhigla tayyay inomnoma' Apu Dios.

Ta hiya nan mumpahmo'a' an mumpaboddang i he"a.

2 Ot hanat donglom bahan tun dasal'u ta boddangana'.

3 Innila' Apu Dios an onha nonomnomom an namin nadan numbahulanmi ot undan nin waha adi madusa.

4 Mu maphod ahan ta pinakawan da'mi ta wan tumakut amin adi mangunud i he"a.

5 Ot madinola' Apu Dios an manmannod hi pamoddangam i ha''on te mundinola' hinan hapitmu.

6 Hanan guwalyah nan mahdom ya hihimlonay abigatana.

Ot namama i ha"on an hihimlo' di pamoddangam i ha"on.

7 Ot dita'un tinanud Israel ya hanat mundinol ta'un Apu Dios te munnananong di pamhodna i dita'u ya nundadaan an mangihwang i dita'u hinadan punligatan ta'u.

8 Ot immannung an hiyay mangihwang i dita'un tinanud Israel hi e ta'u adusaan an gapuh bahul ta'u.