2 Bokon'a athidi te he''ay apgohan hi abinbinabai te mipaddung'a hinan habhabung an nigawwah nadan pagat.

3 Atbohdin he"a an he"ay kaguwapuwan hi alinlinala'i.

Te nipaddung'a hinan bungbunga"an an nigawwah nan muyung an maphod hi punhiduman nan pu"una ya maphod hi anon nan bungana.

4 Te inyeya' i han na'na"ohhan bale.

Ot ipali'nam di naminhodmun ha"on.

5 Ot hanat idattana' bahan hi resin*2:5 Nan resin ya hidiye nan namaganan an greyp ya mansanas ta ano' te tehtu tayyan kimmapuy di adol'u an gapuh pamhod'un he''a.

6 Hidin iniping'u hi iniggid di pu'olmu ya inyawalmun ha"on nan winawwan an ta'lem.

7 Ot da'yun binabaih tun ad Jerusalem ya hanat adi ayu umaptun mi'gayyum.†2:7 Hay ohan ibalinana ya hanat adiyu bahbahon nan numpohhodananmi.

8 Tuwe nan lala'in popohdo' te dingngol'uy hapitna.

Ot dayya tatawwa an miyoha"ohay da"angnan mangali.

9 Hiya ya ay ulha an ma'awiging.

Ot nee tatawwan wahnah dola an ihidhidipa' hinan tawa.

10 Indani ya himmapit an alyonay, Ma'a'e an apgohan an popohdo' ta mi'uyug'an ha''on.

11 Ta'ommanot adi mo kottokottol te nalpah moy lowang.

12 Ya ad uwani nan humabungan di habhabung ya atbohdin ad uwaniy pangngolan hi nat'onat'on an kalin di hamutih tun numboblayan ta'u.

13 Ya ad uwani bo nan naluman nadan namangulun bungan di fig ya mumpunhabungda nadan greyp ta mapmaphod di hunghungda.

Ot agam an apgohan an pohpohdo' ta mi'uyug'a nimpe i ha"on.

14 Na'alligat'a nayyan datngon te umat'ah palluma an e nipa"eh nan nadha' an batu.

Daan mo bahan ta mumpatigo'a te pinhod'un tigon nan mapmaphod an angahmu.

Ya pinhod'un donglon nan umipa'amlong an hapitmu.

15 O, ta'omman mo ta eta damdama dopapon nadan amunin an puma"ih nadan himmabung an greyp.

16 Ha"on ya pa'appohpohdon da'a ya innila' an atbohdiy naminhodmun ha"on.

Ta hiya tee nan nunhiglay amlongmun mangalah tudan ha'ha'lung hitun awada'.

17 Ot hanat umohnong'ahtu ta ingganah mun'awiwi''it ya ahi'a nangimbubuwah an bumtik an patom hi pamtik di ulha hinadan nabillid.