II John
Hay Aat Ten Liblu
Hay Nangitudo' eten Liblu: hi Apostoles John.
Hay Nangitud'an John eten Liblu: nan hin'ina an pinilin Apo Dios (1:1).
Hay Pohdon nan Ngadan ten Liblun Ibaga: ma'ma'ullay hi Apo Dios.
Hay Gutud hi Nangitud'anan ten Liblu: hidin 85 A.D. nin.
Hay Teman ten Liblu: hay aat di makulug an mitudtudu.
Hay Outline ten Liblu:
Hay NIPAꞋINNILAH aat di temanah aat di makulug an mitudtudu (1:1-3)
Hay MITUDTUDUH aat di temanah aat di makulug an mitudtudu (1:4-11)
Hay HOGAT di temanah aat di makulug an mitudtudu (1:12-13).
1
1 Ha"in an ohan apuyu*Unu mun'endog. ya muntudo'a' ay da'yun hin'ina†Duway kulugon nan tataguh aat ten babai ya nan imbabaluyna (1) ti alyon nan udum an diday udum an kimmulug an nunhituh nan Provinciad Asia, (2) mu alyon nan udum di dida nan pangitigan hi aat di a'ap'apuh nan himba'an ya nan numbino'ob'on an membroh nan ohan himba'an. an pinilin Apo Dios. Ongol di pamhod'un‡Heten kalahin di pamhod ya agape hinan hapit di iGreece. da'yu. Ya bo'on ha"in ya anggay di namhod ay da'yu ti popohdon da'yu goh an amin hinan nanginnilah nan Makulug an Tugun. 2 Ya manu ay pohdon da'yu ti dumalat hinan pangulugan tu'uh nan Hapit Apo Dios an hiyah ne bumadang hi enggana ay ditu'u.
3 Odowon tu'u ni' di pangipadutu', ya homo', ya lenggop an malpun Apo Dios an hi Ama tu'u ya nan Imbaluynan hi Jesu Kristu ta mihamad di pangulug tu'u ya mumpopohhodan tu'u.§Inusal Apostoles John nan tulun apngah din amataguna. Nan nahhun an inalina an pangipadutu' an malpun Apo Dios (unu charis) ya apngan di iGreece, ya nan netob an inalina an homo' an malpun Apo Dios ya apngan di kimmulug, ya nan miyatlun inalina an lenggop an malpun Apo Dios (unu shalom) ya apngan di Hudyu.
Hay Aat di Pamhod
4 Ma"amlonga' hi nanginnilaa' an waday udum hinan imbabaluymu an mangun'unud hinan intugun Ama tu'un ditu'uh aat nan Makulug an Tugun. 5 At ten ihamad'un alyon ay he"an mumpopohhodan*Heten kalahin di pamhod ya agape. tu'un amin. Ya heten Tugun an itudo"u ya bo'on pa'ittugun ti nitutugun ay ditu'uh din hopapna.†Jn. 14:15. 6 Hay pamhod tu'u ya mipattig hi pangun'unudan tu'uh nan Tugun Apo Dios. Ya dengngodengngol tu'u tuwalih ten Tugun an mumpopohhodan tu'un nete"ah din nangulugan tu'un Kristu.
7 Ya do'olday ahilalayah an hay nibahhaw di itududah nan abablubabluy hitun lutan immaya'ayanda. Ya didan buhul Jesu Kristu ya adida abuluton an Hiya ya nitungaw, at numbalin hi tagu.‡Hiyah ne intudun nan ohan kulton ma'alih Gnosticism an bimmuhu' hidin amatagun Apostoles John (bahaom nan footnotes di Col. 2:4, ya I Tim. 2:18, ya II Tim. 2:18, ya Tit. 1:14, ya II Pet. 1:2, ya I Jn. 4:2, ya I Jn. 5:8, ya I Jn. 5:16 ta innilaom di udumnah aat ten kulto). Nan tagun bumalbali ya umat ay AntiKristu! 8 Ya tigonyu ta waday hulbin din gunmi intuddutuddun da'yu ta odowonyun amin nan idat Apo Dios. 9 Ti nan tagun adi manginaynayun an mangun'unud hinan intudtudun Kristu ti nan nomnomnomonay un'unudona ya bo'on tagun Apo Dios. Mu nan tagun mangun'unud hinan intudtudun Jesu Kristu ya hiyay tagun da Ama tu'un hi Apo Dios ya hi Jesu Kristun Imbaluyna. 10 Nan tagun umalih abungyu an bo'on nan intudtudun Jesu Kristuy itudtuduna ya adiyu pahi'umon, ya adiyu apngaon dida. 11 Ti gulat ta haggungonyuy umat hinan tagu ya paddungnay binadanganyuh nan layah an itudtuduna, at omod un ayu mi'bahol ay hiya.§Mu siempre, badangan tu'u didah unda immannung an kimmulug (III Jn. 1:5-8, 10).
Hay Angunuh di Intudo' John
12 Do'ol di pohdo' an alyon ay da'yu, mu odolnah un'u adi itudo' ad ugwan ti penhod'un umalih na ta un tu'u munhahhahapit ta mun'am'amlong tu'un amin.
13 Ya inalin han a'amuno'om an imbabaluy han agim an babain pento' Apo Dios hi tataguna*Mid mapto' hi unda immannung an tatagu unu dida nan pangitigan hi aat di a'ap'apuh nan himba'an ya nan ma'amu'amung hidi (bahaom goh nan footnote di 1:1 hi bagtuna). goh di apngaon da'yun amin.

*1:1 Unu mun'endog.

†1:1 Duway kulugon nan tataguh aat ten babai ya nan imbabaluyna (1) ti alyon nan udum an diday udum an kimmulug an nunhituh nan Provinciad Asia, (2) mu alyon nan udum di dida nan pangitigan hi aat di a'ap'apuh nan himba'an ya nan numbino'ob'on an membroh nan ohan himba'an.

‡1:1 Heten kalahin di pamhod ya agape hinan hapit di iGreece.

§1:3 Inusal Apostoles John nan tulun apngah din amataguna. Nan nahhun an inalina an pangipadutu' an malpun Apo Dios (unu charis) ya apngan di iGreece, ya nan netob an inalina an homo' an malpun Apo Dios ya apngan di kimmulug, ya nan miyatlun inalina an lenggop an malpun Apo Dios (unu shalom) ya apngan di Hudyu.

*1:5 Heten kalahin di pamhod ya agape.

†1:5 Jn. 14:15.

‡1:7 Hiyah ne intudun nan ohan kulton ma'alih Gnosticism an bimmuhu' hidin amatagun Apostoles John (bahaom nan footnotes di Col. 2:4, ya I Tim. 2:18, ya II Tim. 2:18, ya Tit. 1:14, ya II Pet. 1:2, ya I Jn. 4:2, ya I Jn. 5:8, ya I Jn. 5:16 ta innilaom di udumnah aat ten kulto).

§1:11 Mu siempre, badangan tu'u didah unda immannung an kimmulug (III Jn. 1:5-8, 10).

*1:13 Mid mapto' hi unda immannung an tatagu unu dida nan pangitigan hi aat di a'ap'apuh nan himba'an ya nan ma'amu'amung hidi (bahaom goh nan footnote di 1:1 hi bagtuna).

© 2018 WBT