Ecclesiastes
Hay Aat Ten Liblu
Hay Nangitudo' eten Liblu: nan Alin hi Solomon.
Hay Nangitud'an Solomon eten Liblu: nan Hudyu.
Hay Pohdon nan Ngadan ten Liblun Ibaga: nan muntudtudu.
Hay Gutud hi Nangitud'anan ten Liblu: hidin numbattanan di 971 B.C. hi engganah din 931 B.C.
Hay Teman ten Liblu: itudun ten testimonyn nan Alin hi Solomon an mi'id hulbin nan numbino'ob'on an wah tun lutah un bo'on hi Apo Dios di itamuan tu'u.
Hay Outline ten Liblu:
Hay TEMAN ten testimonyn nan Alin hi Solomon an mid hulbin nan numbino'ob'on an wah tun lutah un bo'on hi Apo Dios di itamuan tu'u (1:1-11)
Hay NIPADDUNGAN ten testimonyn nan Alin hi Solomon an mid hulbin nan numbino'ob'on an wah tun lutah un bo'on hi Apo Dios di itamuan tu'u (1:12—4:16)
Hay ITUGUN ten testimonyn nan Alin hi Solomon an mid hulbin nan numbino'ob'on an wah tun lutah un bo'on hi Apo Dios di itamuan tu'u (7:1—12:8)
Hay HOGAT ten testimonyn nan Alin hi Solomon an mid hulbin nan numbino'ob'on an wah tun lutah un bo'on hi Apo Dios di itamuan tu'u (12:9-14).
1
Hay Ami'id Hulbin an Amin di Logom
Ha"in an nunhitud Jerusalem an Manudtudun* Nan hapit an Manudtudu ya Qoheleth hinan hapit di Hudyu ya Ekklesiastes hinan hapit di iGreece, at hay hapit di iGreece di nalpuwan nan ngadan ten liblu. lala'in holag David ya hiyatuy hinapit'u:
 
“An amin di ma'ma'at hitun luta ya hiyay gun ma'ama'at!
At paddungnay mi'id di hulbin an amin nan ma'ma'at. Heten verse ya teman ten adu"oy an mensahen Solomon ti kinulugnan amin nan ma'ma'at hitun luta ya paddungnay mi'id di hulbinah un tu'u adi e'gonan hi Apo Dios ti Hiyay dumalat hi punhulbian di hinohha.
 
At hay lagbun nin di tagun tumamutamu?
Ti ta"on unna ilapotan an muntamu mu mi'id damdamay ma'angang ay hiya.
Umat hinay tatagu an gunda mitungaw,
ya gunda goh matoy
ti an amin nan ma'ma'at hitun luta ya un hiyahiya.
Nan algaw ya gun bumuhu' ya gun ma'unug,
ya inhawangna goh hinan bimmuhu'ana.
Umat goh hinan dibdib an wa ayan ipluynah appit hi iggid hi un hagangon di buhu'an di algaw
ya awni ya hi appit goh hi agwan an un lumane"odan an hihidya.
Ya hana ay goh an danum hinan ginnaw unu wangwang ya umuydah nan baybay,
mu hihidya damdaman adi mapnuy baybay.
Awni ya nibangngad goh nan danum hinan nalpuwana.
Umat goh hinan amin nan ma'ma'at
an umat hinan mata ya inga an mi'id di humigaanah nan tigotigona ya donglodonglona.
Hiyay gun ma'ma'at hinan nitaguan
ti an amin din na'at hidin hopapna ya hiyay gun ma'at goh ad ugwan,
at mi'id ah naluman hinan ma'ma'at hitun luta.
10 Ini ya way mangalih, Wah di han nob'on!
Mu bo'on, ti nabayag an wadah din agguy tu'u pay nitungawan. Hay pohdon ten alyon ya ta"on unda alyon hi nat'on mu hiyah ne tuwaliy ninomnom Apo Dios.
11 Manu ay umat hina ya aliwan di tatagu nan na'at hidin penghana,
ya umat goh an la'tot ya aliwan ditu'un tatagun ehnodanda!”
Hay Ene'dam nan Manudtudu
12 Ha"in an Manudtudu din alin nan holag Israel hi ad Jerusalem. 13 Ya impadah'uy abalina' an mangadal ya manginnilah an amin hinan na'na'at hitun luta, ya na'innilaa' an hi Apo Dios ya nidugah di indatnah holholtapon nan tatagu! 14 Ya tinnig'un amin nan ina'inat di taguh tun luta, ya immannung an mi'id pohpohodna an un ay nan tuyup di pudpuduggon tu'u.
 
15 Ya umat hinan napiku an mi'id di abalinan an manguyad,
unu umat hinan mabilang hi un mi'id nan mabilang.
 
16 At hay ninomnom'u ya alyo' di, “Ten ha"in di nidugah hi nala'la'eng. Ti nidugah di inila' ya pinadah'u ya un nan udum an nun'ap'apuh tud Jerusalem.§ Hay ngadan di udum an nun'ap'apud Jerusalem ya un mun'alih Solomon ya (1) hi amanan hi David (II Sam. 4:9), ya (2) hi Melchizedek (Gen. 14:18), ya (3) hi Adoni-Zedek (Josh. 10:1), ya (4) hi Abdi-Khepa an agguy nitudo' hinan Biblia mu nitudo' di aatnah nan ma'alih Nan Numbino'ob'on an Tudo' an Nalpud Amarna. 17 Ti inhamad'un inada'adal di nun'abhiwan di aat nan anala'eng ya nan amanangpah. Ya na'innilaa' an mi'id nun'abhiwanda an un ay nan tuyup di pudpuduggon.
 
18 Ti ta"on un nidugah di anala'eng mu dumo'do"ol goh di numanomnoman,
ya do'do"ol ay goh di innilaon at iyal'allanay punligatan.”

*1:1 Nan hapit an Manudtudu ya Qoheleth hinan hapit di Hudyu ya Ekklesiastes hinan hapit di iGreece, at hay hapit di iGreece di nalpuwan nan ngadan ten liblu.

1:2 Heten verse ya teman ten adu"oy an mensahen Solomon ti kinulugnan amin nan ma'ma'at hitun luta ya paddungnay mi'id di hulbinah un tu'u adi e'gonan hi Apo Dios ti Hiyay dumalat hi punhulbian di hinohha.

1:10 Hay pohdon ten alyon ya ta"on unda alyon hi nat'on mu hiyah ne tuwaliy ninomnom Apo Dios.

§1:16 Hay ngadan di udum an nun'ap'apud Jerusalem ya un mun'alih Solomon ya (1) hi amanan hi David (II Sam. 4:9), ya (2) hi Melchizedek (Gen. 14:18), ya (3) hi Adoni-Zedek (Josh. 10:1), ya (4) hi Abdi-Khepa an agguy nitudo' hinan Biblia mu nitudo' di aatnah nan ma'alih Nan Numbino'ob'on an Tudo' an Nalpud Amarna.