2
Nan Alin Pento' Apo Dios*Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece). †Intudun Apostoles Peter an nan Alin hi David di nangitudo' eten psalm (Ac. 4:25).
1 Anaad ta ninomnom nan tatagun mi'bohhol?
Undan hay ipatukan nan ninomnomda?‡Ac. 4:25.
2 Ti nuntutulag nan a'alih tun luta ya nan tatagun ipapto'day
atondan mamuhul ay Apo Dios ya nan Pento'nan Nidawat§Ac. 4:26. Nan ma'alih Pento'nan Nidawat ya hi Jesu Kristu.
3 an alyonday,
“Pogpogon tu'uy abalinandan mamaligat ay ditu'u
ta bo'on mahkay diday mun'ap'apun mangipapto' ay ditu'u!”
4 Mu abatlan nan mumpapto' ad abuniyan didah nan aat di ninomnomdan aton,
5 ya nidugah an ma'abbungot hi Apo Dios ay dida,
ya pinadanana didan inalinay,
6 “Nunhaado' nan Pento"un Ali
ta Hiyay mumpapto' ad Jerusalem an nan me'gonan an siudad.”
7 Ya inalin nan Baal Apo Dios an alid Jerusalem di,
“Ipa'innila' nan inalin Apo Dios ay Ha"in an inalinay,
He"ay Imbaluy'u, at mete"ad ugwan ya Ha"in hi Amam.*Ac. 13:33; Heb. 1:5; 5:5.
8 At wa ay di odowom hinan Hentil hinan abablubabluy
at umannung an idat'un He"a ta hiyay umat hi banohmu,
ya bagim an amin nan wah tun luta.
9 Ya nidugah di abalinam an mun'ap'apun dida,†Rev. 19:15. Mipa'annung heten psalm hinan angunuh di Punligatan di Tatagu.
ya ag'agay pangabakam ay didan umatdah nan bangan luta an ag'agah maphe'.” ‡Rev. 2:27.
10 At hiyanan ihamadyun manginnilah nan ipadan'un da'yun a'alih tun luta,
11 ya mahapul an itamuanyu ya e'gonanyuh Apo Dios,
ya mumpa'ampa ayun mangunud hinan pohdona!
12 Ya mahapul an e'gonanyu Hiya
ti ngohoyonyu ay at bumungot ya un himbumaggay atonan mumpamatoy ay da'yu.
Immannung an mundenol nan tatagun mumpabaliw ay Hiya!
*^ Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
†^ Intudun Apostoles Peter an nan Alin hi David di nangitudo' eten psalm (Ac. 4:25).
‡2:1 Ac. 4:25.
§2:2 Ac. 4:26. Nan ma'alih Pento'nan Nidawat ya hi Jesu Kristu.
*2:7 Ac. 13:33; Heb. 1:5; 5:5.
†2:9 Rev. 19:15. Mipa'annung heten psalm hinan angunuh di Punligatan di Tatagu.
‡2:9 Rev. 2:27.