8
Nan Anabagtun Apo Dios ya nan Abalinan di Tagu*Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
Hete ya psalm an intudo' David, ya hay intud'ana ya nan ap'apun di muntudtuduh kanta, ya gittith†Nan hapit an gittith ya hapit di Hudyu, ya ad ugwan ya mid nanginnilah pohdonan ibaga. Mu mid mapto' ya hiyah ohan aat di aton an muntukal an umat hinan panglotan, unu mahaluyud, unu ul'ulodyon, unu gagalan. di style hi matukal.
1 Apo Dios an Apumi, nidugah di anabagbagtum an nundongol hi an amin an tataguh tun luta,‡Psa. 8:9.
at idaydayaw da'a ti mid nipaddungan nan anabagbagtum an ta"on hinad abuniyan!
2 Ya ta"on nan ung'ungungnga ya nan pa'ittungaw ya idaydayaw da'a goh§Mat. 21:16.
ti pinogpogmu nan buhulmu an ngungumhay ay He"a.
3 Ya wa ay ta tangado' ad daya ta tigo' nan limmum
an nan bulan ya nan bittuan an inhinam hinan wadanda
4 ya manoh'aa' ti anaad ta pa'annomnomom ya pa'ipapto'om
nan tataguh tun luta an un mi'id di hulbida?*Psa. 144:3; Heb. 2:6.
5 Limmum dida an na'ampa ya un nan a'anghelmu,
ya indatmuy a'e'gonanda†Heb. 2:7.
6 ti indatmuy biyangda ta diday okod an mangipapto' hinan numbino'ob'on an limmum‡I Cor. 15:27; Heb. 2:7-8.
7 an umat hinan kalnilu, ya baka, ya gandeng, ya nan udumnan a'animal,
8 ya nan hamuti, ya an amin nan numpunhituh nan danum an umat hinan ekan,
ya dolog, ya dalit, ya nan udumnan munhituh nan danum.
9 Apo Dios an Apumi, immannung an nidugah di anabagbagtum an nundongol
hi an amin hinan tataguh tun luta!
*^ Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
†^ Nan hapit an gittith ya hapit di Hudyu, ya ad ugwan ya mid nanginnilah pohdonan ibaga. Mu mid mapto' ya hiyah ohan aat di aton an muntukal an umat hinan panglotan, unu mahaluyud, unu ul'ulodyon, unu gagalan.
‡8:1 Psa. 8:9.
§8:2 Mat. 21:16.
*8:4 Psa. 144:3; Heb. 2:6.
†8:5 Heb. 2:7.
‡8:6 I Cor. 15:27; Heb. 2:7-8.