54
Nan Pumpabaddangan hi Abaliwan hinan Aton di Buhul
Heten psalm ya maskil*Bahaom nan gloss di Psalm 32 ta innilaom di aat ten hapit. an intudo' David hi aat di immalian nan tatagud Ziph hi awadan Saul an mananhan hi nipo"oyan David. Ya hay intud'ana ya nan ap'apun di muntudtuduh kanta, ya ma'innila an mahapul an tukalonyu nan instrumenton way gadengna.
(I Sam. 26:1-25)
1 Baliwana' ni', O Apo Dios, an dumalat nan abalinam,
ya He"ay mangipa'annung hinan amakulug'u.
2 Ya donglom ni' di luwalu', Apo Dios,
at ingaom tun hapito'
3 ti ten abohlana' hinan mumpahpahiyan tatagu,
ya tun adi mangngol ya pohdondan mamatoy ay ha"in ti adi da'a ahan e'gonan an Dios.
4 Mu immannung an hi Apo Dios di mamaliw ay ha"in
ti Hiyay Apu' an manalimun ay ha"in.
5 Hi Apo Dios di mangiballoh hi nappuhih nan mamuhul ay ha"in,
ya pogpogona dida ti nahamad Hiya.
6 At umamlonga' an mun'onong ay He"a, Apu,
ya ipabagbagtu' He"a ti nan amaphod di nangatmu
7 ti binadangana' hi an amin hinan nunligata',
ya tinnig'uy nangameham hinan buhul'u.