149
1 Madayaw hi Apo Dios!†Hete ya hapit di Hudyu an hallelujah.
Ikantaanyuh baluh kantan pundayawyun Hiyah nan a'am'amunganyun tatagunan un'unnud ay Hiya.
2 Da'yun holag Israel ya umamlong ayun dumalat hinan Diosyun nunlumun da'yu
ya maphod ahan un ayu mun'am'amlong an iZion an dumalat hinan Aliyu.
3 Ya manayaw ayu, ya paganghonyu nan ganghayu,
ya nan tambourine, ya nan alpah pundayawyun Hiya.
4 Hi Apo Dios ya pun'amlongana nan tataguna,
ya pangabakona nan mumpa'ampa.
5 Mun'am'amlong ayun mangun'unud ay Hiya an dumalat hi nangabakanyu,
ya mun'am'amlong ayun mungkantah nan mahdom.
6 Dayawonyuh Apo Dios an o'odnanyuy hinalungyun
7 usalonyun mangabak hinan abablubabluy ya nan mummoltah nan tatagu
8 ta bangkilinganyuy alida ya a'ap'apuda,
9 ya moltaonyuy tataguh nan abablubaluy ti hiyah ne moltadan nitudo'.
Hiyah ne ipabagbagtuan nan tatagunan mangun'unud ay Hiya.
Madayaw hi Apo Dios!‡Hete ya hapit di Hudyu an hallelujah.
*^ Heten psalm ya niddum hinan kalahin di psalm an ma'alih Hallel an Psalms ti hallel (unu hallelujah) di mahhun an mahapit hinan mahhun an nalammung an hapit (verse 1) unu hiyay angunuh an mahapit hinan angunuh an nalammung an hapit (verse 9).
†149:1 Hete ya hapit di Hudyu an hallelujah.
‡149:9 Hete ya hapit di Hudyu an hallelujah.