4
Hay Ingkantan nan Lala'i:
1 “Ma"apgohan'a ahan an ahawa'!
Ma"apgohan'a ahan!
Ta"on hi un nahu'yungan di angahmu
mu nan matam ya ma"aphod an umat hinan kalapati!
Ya ma"aphod nan buu'mun maduyuh ya ma"ang'angitit an umat hinan ma"ang'angitit an gandeng
an lumanatlattu' an mundadyuh nan Duntug an Gilead!
2 Nan babam ya ma'appaha' an umat hinan pa'ammoh ya pa'appukis an kalnilu,
ya nadada"it an mi'id ah napengawan!
3 Ma"aphod ahan di timidmu ti nan pingitna an ma"ablah ya nan tamelmun mumpepengla
ya umat hinan numpaddung di natomanganan bungan di pomegranate!
4 Ma"aphod goh nan adu"oy an bagangmu an nabuungan hinan numbino'ob'on an ahileletaa'
an umat hinan pa"ata'nang an din nun'ihabluyan din do'ol ahan an hapiaw!
5 Ma"aphod goh nan huhum an umat hinan nunduppel an ulbun an ulha
an wah didah nan way ha'ha'lung!
6 At padutu'a' an umalin nen duwan duntug
an awadan nan ma"aphod di hunghungna ya un mawa'ah.
7 Ma"apgohan'a ahan
an mi'id di ganitmun ahawa'!
8 At uya'a mah ya adi'a meheggon ay ha"in ti hay punle'na' ya niyadagwi'a
an paddungnay un'a wah nan Duntug an Lebanon unu hinan Duntug an Hermon
an nipo"oyan nan layon ya nan lepard.*Hiya ya umat hinan ongol an puha, ya mabi'ah ahan.
9 Nan aatmun ahawa' di nalmuwan di anidugah an pamhod'un he"a
ti gunna' liigon an tigon,
ya ta"on goh nan mun'aphod an buungmu ya umipa'amlong ay ha"in!
10 Uya'ana an nidugah ahan di pamhodmun ahawa' an nidugdugah ya un nan bayah!
Ya ma"aphod goh di hunghung nan lanam
an nidugdugah ya un nan numbino'ob'on an ma"aphod di hunghungna an middum hinan mihaang.
11 Ya ta"on hi un nan hunghung di lubungmu ya umat hinan hunghung di ayiw an cedar hi ad Lebanon!
Ya nan ungngum ya umat hi danum di alig ya gatas!
12 Hi ahawa' ya umat hinan niyohhan galden ya obob
an na'ati'ub hi allup an un ohay ad bagi.
13 Ya malubong an amin nan nitanom an umatdah nan ayiw an pomegranate,
ya mun'aphod di bungada,
ya wada goh di henna†Ohan kalahin di ayiw an ma'ahhunghung ahan di habhabungna. ya nard,‡Ohan kalahin di nitanom an mahunghung, ya inusal nan tataguh din penghana ta miyammah agah.
14 ya saffron,§Habhabung an ma'alih crocus, ya munggudla (unu purple) di kololna. ya calamus,*Ohan kalahin di lamut, ya mahunghung. ya cinnamon,†Ohan kalahin di gudah di ayiw, ya brown di kololna, ya waday it'ittang an paktiwna. ya myrrh,‡Hiyah ne nan libu an nalpuh nan ohan kalahin di nitanom, ya ma'usal ta miyammah incense, ya na'abbanglu. ya aloe,§Nalpuh nan habhabung di ha'ha'lung an ma'alih lily, ya ma'usal ta miyammah agah di dogoh di up'up.
ya wah di goh di numbino'ob'on an nitanom an ma"aphod di hunghungna.
15 Ya umat'ah nan obob an munnononnong di danumna
an gun umayu'ayuh hinan dudunduntug ad Lebanon!”
Hay Ingkantan nan Babai:
16 “Da'yun tuyup hi immapit hi iggid hi un hagangon di buhu'an di algaw ya paddungnay bumangon ayu,
ya umat goh ay da'yun wah immapit hi agwan hi un hagangon di buhu'an di algaw
ta ipluyyuh nan galden'u ta mihinap nan maphod an hunghung nan nun'itanom,
ta umali ay nan ahawa' hinan galden an mangan hinan mun'aphod an bungan nan nun'itanom ya hinunghungna.”
*4:8 Hiya ya umat hinan ongol an puha, ya mabi'ah ahan.
†4:13 Ohan kalahin di ayiw an ma'ahhunghung ahan di habhabungna.
‡4:13 Ohan kalahin di nitanom an mahunghung, ya inusal nan tataguh din penghana ta miyammah agah.
§4:14 Habhabung an ma'alih crocus, ya munggudla (unu purple) di kololna.
*4:14 Ohan kalahin di lamut, ya mahunghung.
†4:14 Ohan kalahin di gudah di ayiw, ya brown di kololna, ya waday it'ittang an paktiwna.
‡4:14 Hiyah ne nan libu an nalpuh nan ohan kalahin di nitanom, ya ma'usal ta miyammah incense, ya na'abbanglu.
§4:14 Nalpuh nan habhabung di ha'ha'lung an ma'alih lily, ya ma'usal ta miyammah agah di dogoh di up'up.