1 Yadda u-ungngan Levi ey hi Gerson, hi Kohat et hi Merari. 2 Nantanud hi Kohat et wada epat ni lakin u-ungnga tu e hi Amram, hi Ishar, hi Hebron et hi Ussiel. 3 Dewwa lakin u-ungngan Amram e di Aaron nan Moses. Hi Miriam hu biin u-ungnga tu. Wada epat ni lakin u-ungngan Aaron e hi Nadab, hi Abihu, hi Eleasar et hi Ithamar. 4 Nantanud hi Eleasar et wada hi Pinehas. Nantanud hi Pinehas et wada hi Abishua 5 e aman Bukki. Nantanud hi Bukki et wada hi Ussi, 6 e aman Serahiah e aman Meraiot, 7 e aman Amariah e aman Ahitub. 8 Nantanud hi Ahitub et hi Sadok e aman Ahimaas 9 Nantanud hi Ahimaas et wada hi Asariah e aman Johanan. 10 Nantanud hi Johanan et wada hi Asariah, e hi-gatu la eta-gey ni padid Tempol ni kinapyan Solomon di Jerusalem. 11 Hi Asariah hu aman Amariah e aman Ahitub 12 e aman Sadok e aman Sallum 13 e aman Hilkiah e aman Asariah 14 e aman Seraiah e aman Jehosadak. 15 Hi Jehosadak hu hakey etan idan iJudah niya iJerusalem ni in-abulut Apu Dios ni inlaw Nebukadnessar e patul di bebley tu.

16 Yadda lakin u-ungngan Levi ey hi Gerson, hi Kohat et hi Merari. 17 Nantanud hi Gerson et wada hi Libni et hi Simei. 18 Nantanud hi Kohat et wada hi Amram, hi Ishar, hi Hebron et hi Ussiel. 19 Nantanud hi Merari et wadad Mahli nan Mushi. Huyyadda helag Levi. 20 Huyyadda nehayhayned ni helag Gerson: Nantanud hi Gerson et wada hi Libni e aman Jehat e aman Simmah. 21 Nantanud hi Simmah et wada hi Joah e aman Iddo e aman Serah e aman Jeatherai. 22 Yadda dama nehayhayned ni helag Kohat. Nantanud hi Kohat et wada hi Amminadab e aman Korah e aman Assir 23 e aman Elkanah e aman Ebiasap e aman Assir 24 e aman Tahat e aman Uriel e aman Ussiah e aman Saul. 25 Dewwa u-ungngan Elkanah ni laki e di Amasai nan Ahimot. 26 Huyyadda nehayhayned ni helag Ahimot: Nantanud hi Ahimot et wada hi Elkanah e aman Sophai e aman Nahat 27 e aman Eliab e aman Jeroham e aman Elkanah e aman Samuel. 28 Hi Samuel ey wada dewwan lakin u-ungnga tu e hi Joel hu pengulwan et han hi Abijah. 29 Huyyadda dama nehayhayned ni helag Merari: Nantanud hi Merari et wada hi Mahli e aman Libni e aman Simei e aman Ussah e aman 30 Simea e aman Haggiah e aman Asaiah.

31 Huyyadda hu lalakkin pinutuk David ni mampaptek ni a-appeh niyadda usal di kapandeyyawid Jerusalem neipalpu eman ni nengilawwan dan Kaban Apu Dios diman. 32 Neipalpun nunman ingganah ni nengapyaan Solomon ni Tempol ey hi-gada nanhuluhulul ni nangngunud kapandeyyawin Apu Dios. 33 Huyyadda nahlagan idan nangngunud kapandeyyawi: hi Heman e u-ungngan Joel e helag Kohat hu kamengipappangngulun nemangulun grupuh ni kamampaptek ni a-appeh di kapandeyyawi. Hi Heman hu u-ungngan Joel e u-ungngan Samuel 34 e u-ungngan Elkanah e u-ungngan Jeroham e u-ungngan Eliel e u-ungngan Toah 35 e u-ungngan Sup e u-ungngan Elkanah e u-ungngan Mahat e u-ungngan Amasai e u-ungngan 36 Elkanah e u-ungngan Joel e u-ungngan Asariah e u-ungngan Sephaniah 37 e u-ungngan Tahat e u-ungngan Assir e u-ungngan Ebiasap e u-ungngan Korah 38 e u-ungngan Ishar e u-ungngan Kohat e u-ungngan Levi e u-ungngan Jacob. 39 Ya kamengipappangngulun meikkadwan grupuh ni kamemaddang nan Heman ni mampaptek ni a-appeh ey hi Asap e u-ungngan Berekiah e u-ungngan Simea 40 e u-ungngan Michael e u-ungngan Baaseiah e u-ungngan Malkijah 41 e u-ungngan Etni e u-ungngan Serah e u-ungngan Adaiah, 42 e u-ungngan Ethan e u-ungngan Simmah e u-ungngan Simei, 43 e u-ungngan Jahat e u-ungngan Gerson e u-ungngan Levi. 44 Ya kamengipappangngulun meikkatlun grupuh ey hi Ethan e helag Merari. Hi Ethan ey u-ungngan Kishi e u-ungngan Abdi e u-ungngan Malluk e u-ungngan 45 Hashabiah e u-ungngan Amasiah e u-ungngan Hilkiah e u-ungngan 46 Amsi e u-ungngan Bani e u-ungngan Semer 47 e u-ungngan Mahli e u-ungngan Mushi, e u-ungngan Merari e u-ungngan Levi. 48 Emin ida etan edum dan helag Levi ey hi-gada kamengingngunnun edum ni ngunud Tabernacle e baley Apu Dios.

49 Ebuh ida helag Aaron ni nepilin mampeddin mengi-appit idan bangbanglu niyadda kagihheban kamei-appit nan Apu Dios di altar. Ey hi-gadan ebuh hu dammutun umlaw di kuwaltuh ni kad-an Apu Dios ni an mengi-appit ni kake-kalin liwat idan helag Israel. Pehding dan emin huyya meippuun di tugun Moses e bega-en Apu Dios. 50 Huyyadda nehayhayned ni helag Aaron: Hi Aaron hu aman Eleasar e aman Pinehas e aman Abishua e aman 51 Bukki e aman Ussi e aman Serahiah 52 e aman Meraiot e aman Amariah e aman Ahitub e aman 53 Sadok e aman Ahimaas.

54 Yadda helag Aaron ni nahlag nan Kohat hu nemangulun neidwatan ni pambebleyan da. 55 Neidwat ni hi-gada hu Hebron di Judah niyadda nanlinikweh ni kudal diman. 56 Nem yadda papayyew niyadda ekka-ket ni bebley ni neihnup diman ey neidwat dedan nunman nan Kaleb e u-ungngan Jephunneh. 57 Huyyadda bebley ni neidwat idan helag Aaron: ya Hebron e bebley ni keihhikkugan, ya Libnah, ya Jattir, ya Estemoa, 58 ya Hilen, ya Debir 59 ya Ashan, ya Juttah niya Bet Semes e neunnudan idan kudal. 60 Yadda bebley idan helag Benjamin ni indawat dan hi-gada ey ya Gibeon, ya Geba, ya Alemet niya Anathot e neunnudan idan kudal. Ya nga-mut emin ni bebley ni indawat dan hi-gadan pambebleyan ni pamilyah da ey hampulut tellu. 61 Yadda bebley ni indawat ni kagedwah ni helag Manasseh idan edum ni helag Kohat ey hampulun bebley. 62 Ya indawat idan helag Issakar, helag Asher, helag Naptali niyadda kagedwah ni helag Manasseh ni nambebley di Bashan idan helag Gerson ey hampulut tellun bebley. 63 Ya dama indawat idan helag Reuben, helag Gad niyadda helag Sebulun idan helag Merari ey hampulut dewwan bebley. 64 Humman idan bebley ni neunnudan ni kudal hu indawat idan edum ni helag Israel idan agi dan helag Levi. 65 Neidwat ni hi-gada ida humman ni bebley idan helag Judah, helag Simeon niyadda helag Benjamin meippuun di binnunut. 66 Yadda bebley ni indawat idan helag Epraim idan edum ni helag Kohat 67 ey ya Sekem e duntuduntug ni bebley di Epraim ni keihhikkugan, ya Geser, 68 ya Jokmeam, ya Bet Horon, 69 ya Aijalon niya Gath Rimmon e neunnudan idan kudal. 70 Yadda bebley ni indawat idan kagedwah ni helag Manasseh ey ya Aner ni ya Bileam e neunnudan idan kudal. Indawat dadda huyyad edum ni helag Kohat. 71 Yadda bebley ni indawat idan kagedwah ni helag Manasseh idan helag Gerson ey ya Golan di Bashan ni ya Astarot e neunnudan idan kudal. 72 Yadda bebley ni indawat idan helag Issakar ey ya Kedes, ya Daberat, 73 ya Ramot et ya Anem e neunnudan idan kudal. 74 Yadda bebley ni indawat idan helag Asher ey ya Mashal, ya Abdon, 75 ya Hukok niya Rehob e neunnudan idan kudal.

76 Yadda bebley ni indawat idan helag Naptali ey ya Kedes di Galilee, ya Hammon niya Kiriathaim e neunnudan idan kudal. 77 Yadda bebley ni indawat idan helag Sebulun idan helag Merari e helag Levi ey ya Jokneam, ya Kartah, ya Rimmono niya Tabor e neunnudan idan kudal. 78-79 Yadda bebley ni indawat idan helag Reuben ey ya Beser e wadad gilig ni eleg mebebleyi, ya Jahsah, ya Kedemot niya Mephaat e neunnudan idan kudal. Ya nambebleyan idan helag Reuben ey yad appit ni kasimmilin aggew di Wangwang e Jordan e demang ni Jericho. 80 Yadda bebley ni indawat idan helag Gad ey ya Ramot di Gilead, ya Mahanaim, 81 ya Hesbon niya Jaser e neunnudan idan kudal.