1 Huyya impeamtan Apu Dios ni mekapkapyad Moab: Mebahbah ida bebley di Moab, e Ar niya Kir, ni hakey ni hileng. *15:1 Yadda iMoab ey nebayag ni buhul idan helag Israel. (Ang-ang yu hu 2 Kings 13:20.) 2 Yadda iDibon di Moab ey umlaw idallid daka pan-appisin duduntug et ida mannannangngih diman. Umlelemyung idalli et kep-uhan dalli iming da niya bewek da ey nannangngihan dadda iNebo niyadda iMedeba tep ya neipahding ni hi-gada. 3 Mambalwasiddan langgusih niya mannannangngih ida, anin ni attu kad-an da, yaddad keltad niyaddad baballey da. 4 Medngel alid neidawwi ingganah di Jahas hu nangih idan iHesbon †15:4 Ya bebley e Hesbon ey umlaw di hampulut hakey ni kilometroh di appit ni kasimmilin aggew meippalpud Netey ni Baybay. Huyyan bebley hu nampatulan nan hi Sihon eman ni nansakupan ni Israel. (Ang-ang yu hu Numbers 21:23-36.) niyadda iElealeh. Anin idallin sindalud Moab et nemahhig ali takut da et manggegeygey ida.

5 Nak ida kahehhemekan peteg hu iMoab. Ida kamemsik di Soar ‡15:5 Ya bebley e Soar ey wadad appit ni south ni Netey ni Baybay. (Ang-ang yu hu Genesis 14:2, ya 19:23 et ya 19:30.) niyad Eglat Selishiya. Daka pedalladallan nangih da ey menyed idad keltad ni mampellaw di Luhit. Yadda edum ey ida kamemsik di Horonaim. Daka nangnangihi nebahbahan ni bebley da. 6 Natduk ida kulukul di Nimrim. Nakling ida helek et endi law kameang-ang ni neitnem. 7 Namsik ida tutu-un nan-ale da emin hu limmu da et man-agwat idad Kulukul e Willows. 8 Ya nangih idan iMoab ey kamedngel di bebley da meippalpud Eglaim ingganah di Beer Elim. 9 Ya wangwang di Dibon ey nambalin ni madlang tep napnun kuheyaw ni nangketey ni tutu-u. Nem wada nehalhalman ni pehding Apu Dios idan iMoab tep anin ni wada metdaan ni hi-gada et peunnud tuddalli layon ni memdug ni hi-gada et pampateyen tudda.