1 Hedin hi Sargon e patul ni Assyria ey immandal tu etan ni ap-apun sindalu tu et gubaten da Asdod e et-eteng ni bebley di Pilistia et sakupen da. 2 Yan nunman hu nanghelan Apu Dios ni hi-gak e hi Isaiah e u-ungngan Amos e e-kalen ku patut ku niya balwasik ni langgusih et nak mandaladalan. *20:2 Yan nunman ey kae-kaladdan sindalu hu balwasin balud da ma-lat kebabba-ingan da. Hi Isaiah ey an nandaladalan ni tellun toon e eleg mambalwasi et peang-ang tu e meapput idalli iEgypt di gubat et mambalin idan balud ni iAssyria. Inu-unnud ku humman ni inhel tu et ipahding kun tellun toon.

3 Yan nunman ni nansakupan ni Assyria ni Asdod ey kan Apu Dios ey “Hi Isaiah e bega-en ku ey an nandaladalan ni tellun toon e endi balwasi tu niya endi patut tu. Humman immatun ni mekapkapyallid Egypt niyad Kus. 4 Ellan idallin patul ni Assyria ida iEgypt niyadda iKus et pambalin tuddan balud, anin idan u-ungnga, yadda nangkea-amma niyadda nangkei-inna. Eleg idalli mampettut niya endilli balwasida †20:4 Micah 1:8 et meang-ang ali sipeda ma-lat kebabba-ingan ni Egypt. 5 Umhulun ali humman ni meippahding, ey medismayah idalli niya umtakut ida kamengiddinnel ni tutu-ud Kus ‡20:5 Ya bebley ni nengadanan ni Kus ni nunman ey humman hu Sudan e sakup ni Ethiopia ni nunya. et yadda etan kamengippahhiyan Egypt et meendilli namnamah da. §20:5 Yan nunman ey inapput ni Assyria hu appit ni north ni Israel (722-721 B.C.) ey dakel ida hu aap-apud Judah ni kamenegdeg nan Hesekiah ni an mekihhummangan idan iEgypt et bumaddang idan mengubbat ni Assyria. Nem inhelan nan Isaiah hi Hesekiah niyadda tutu-u tu et eleg ida mandinel idan iEgypt ni umbaddang ni hi-gada tep endi kabaelan da. (Ang-ang yu hu Isaiah 30:1-2 et ya 31:1.) 6 Yan nunman alin aggew, ey kan idallin nunman ni nambebley di gilig ni baybay di Pilistia ey ‘Ang-ang tayu kedi neipahding idan tutu-un tayu kapandinnelin umbaddang ni mengihwang ni hi-gatsun pehding ni patul ni Assyria! Hipa makkaw law inna-nu tayun meihwang?’ ”