54
Ya impeminhed Apu Dios idan helag nan Israel
1 Hi-gam ni bebley e Jerusalem ey heni ka etan ni biin endi u-ungnga tu. Nem yan nunya ey itkuk mu a-appeh mu tep ya amleng mu. Tep daddakkel kaya law u-ungngam nem ya etan biin eleg hi-yanen ni ahwa tu. *54:1 Galatians 4:27
2 Hi-gam ni nambebley, pambalin mun mahkang niya ihammad mu pambebleyan mu. †54:2 Yallin pengi-ennamutan Apu Dios idan helag Israel ni nalpuan dad Babilon ni neihbutan da ey et-eteng ali kabaelan da niya mambalin alin mahkang hu bebley da. 3 Sekkupen mulli niyaddalli helag mu hu edum ni bebley di nambinbina-hil niya pambebleyan muddalli nangkebahbah ni etta-teng ni bebley.
4 Entan takut mu. Eleg kalli law kaya mebe-ingi niya eleg ka law medismayah. Meliwwan idalli law etan anggeba-ing ni impahding mun eman ni keu-ungngam niyadda anggehemmek ni biyag yun henin biyag ni nebalun bii. 5 Ya namyuh ni hi-gam hu heni ahwam e hedin ya ngadan tu ey hi Apu Dios e Kabaelan tun emin. Hi-gatu e Kayyaggud ni peteg ni Dios ni Israel hu mengihwang ni hi-gam. Hi-gatu hu Dios ni Ap-apun emin ni bebley eyad puyek.
6 Heni ka la ni etan ni kat-agun biin nelahin e nemahhig ni kaumlelemyung tep hini-yan ni ahwa tu. Nem bangngaden daka kaya law nan Apu Dios e kantuy 7 “Hini-yan daka nin nekemtang, ‡54:7 Ya keibbellinan na-mun nunya ey yan eman ni in-abulut Apu Dios ni illaw idan iBabilon hu helag Israel di bebley da et mambalin idan balud diman. nem bangngaden daka tep ya et-eteng ni impeminhed kun hi-gam. 8 Bimmungettak ni peteg et iwalleng dakan nekemtang, nem peang-ang ku law hu eleg mepappeg ni impeminhed ku niya hemek kun hi-gam.” Huyya kan Apu Dios e nengihwang ni hi-gam.
9 “Yan eman ni ketaggun Noah ey hinammad kun inhel e eggak law lelbenga puyek. §54:9 Genesis 9:11 Yan nunya ey hammaden ku mewan ni e-helen e eggak law umbunget ni hi-gam niya eleg daka law kastigua. 10 Anin ni mangkegday duntug et mannananeng hu impeminhed kun hi-gam. Eggak kekyata etan hinammad kun inhel ni hi-gam e kangkuy pelinggep daka.” Huyya kan Apu Dios e et-eteng impeminhed tun hi-gam. *54:10 [4-10] Yadda helag Israel ey imbilang Apu Dios idan ahwatu. Et humman hu, yan keillawwan dad Babilon et meidawwiddad bebley da, ey heni hi-yanen Apu Dios ida tep ya liwat da. Nem hinammad Apu Dios ni inhel e ibbangngad tu mewan pekiddagyuman ni helag Israel ni hi-gatu.
Ya meippahding ni Jerusalem ni edum ni aggew
11 Immehel mewan hi Apu Dios ey kantuy “Hi-gam ni bebley e Jerusalem, hi-gam e kamanhelheltap ni bebley ni endi mengellubyag ni hi-gatu, iyayyaggud daka e ussalek ida nangkenginan babattu. Ya tu-unam ey ikkapyak hu sapphire. 12 Hanniman mewan hu eta-gey ni pangguwalyaam e ikkapyak hu ruby e madlang ni nenginan batu. Ey ikkapyak hu kamammussi-lak ni babattud eheb mu niya ikkapyak di luhud mu hu gamgam.
13 Hi-gak hu menuttudduddallin tutu-um niya iddawtan kuddallin et-eteng ni panyaggudan da niya linggep da. 14 Ya meandeng niya neiptek ni pehding hu mengippa-let ni hi-gam niya meihwang kallid mengippelilligat ni hi-gam niyaddad hipan anggetakkut. 15 Eggak peelli mengubbat ni hi-gam, nem hedin hipa et wada um-alin mengubbat ni hi-gam ey peapput kudda.
16 Hi-gak nanletuddan kaman-e-dih ni kamengapyan almas, niya hi-gak hu nanletuddan sindalun kamengussal idan nunman ni pemettey da. 17 Nem endilli almas ni manlipput ni hi-gam, niya kabaelam alin hummangen hu pebehhul dan hi-gam. Hi-gak ey nakka i-ehneng hu bega-en ku ma-lat mengapput ida.” Huyya inhel nan Apu Dios.
*54:1 54:1 Galatians 4:27
†54:2 54:2 Yallin pengi-ennamutan Apu Dios idan helag Israel ni nalpuan dad Babilon ni neihbutan da ey et-eteng ali kabaelan da niya mambalin alin mahkang hu bebley da.
‡54:7 54:7 Ya keibbellinan na-mun nunya ey yan eman ni in-abulut Apu Dios ni illaw idan iBabilon hu helag Israel di bebley da et mambalin idan balud diman.
§54:9 54:9 Genesis 9:11
*54:10 54:10 [4-10] Yadda helag Israel ey imbilang Apu Dios idan ahwatu. Et humman hu, yan keillawwan dad Babilon et meidawwiddad bebley da, ey heni hi-yanen Apu Dios ida tep ya liwat da. Nem hinammad Apu Dios ni inhel e ibbangngad tu mewan pekiddagyuman ni helag Israel ni hi-gatu.