122
Ya a-appeh nan David ni pantetyedan di Jerusalem
1 Immamlengngak ni nanghelan dan hi-gak e kanday “Elaw itsud baley nan Apu Dios.”
2 Et deh e immali kami et kami kaman-eh-ehneng eyad eheb ni Jerusalem.
3 Huyyan bebley di Jerusalem ey neiyayyaggud hu nengapya da niya nanhehennup hu baballey.
4 Ida kaum-alidyan emin hu helag Israel ni tutu-un Apu Dios ni menaydayaw *122:4 Ya edum ni neitudek ey kanday “mansalamat”. ni hi-gatu, tep humman hu intugun tun pehding da.
5 Ey yadya kapanha-adiddan kamanhuluhulul ni patul ni helag David ni menuwet idan tutu-u dan helag Israel.
6 Idasali tayu hu Jerusalem ma-lat luminggep. Ya pinhed ku ey emin ida hu neminhed ni nunyan bebley ey umyaggud hu biyag da.
7 Em, ya kayyaggud ey umlinggep hu Jerusalem, anin idad baley ni patul.
8 Ey gapuh idan aaggik niya gagayyum ku ey kangkuy “Linggep ka e bebley di Jerusalem.”
9 Ey gapuh ni baley ni Ap-Apu e Dios tayu ey nakka iddasal e ya kayyaggud hu mekapkapyad Jerusalem.