5
Kwangarɨra abharɨndu bha Mungu
1 Nangʉ nɨragambana na niimwɨ abhiimiiririri abhakɨndichanɨ. Inyɨ nɨrʉʉzɨ kʉmɨɨsʉ gaanɨ chɨmbu Kiriisitʉ aanyaakiibhwɨ. Kwikɨ, inyɨ ni‑mugwatani ʉmʉkɨndichanyu wʉ ʉbhʉgʉngʉ bhʉnʉ bhʉraarorekanɨ. Nɨrabhiisasaama imwɨ, 2 mʉbhɨ abhaangariri abhazʉmu bha risengerero rɨnʉ mwahɨɨrwɨ na Mungu. Muririibhɨ kwa kwenda imubheene chɨmbu Mungu akwenda, ɨtabha kwa kʉhatɨkwa. Mʉtakora emeremo janyu kʉnamba ya zimpirya, nawe kumwʉyʉ gʉmwɨ. 3 Mʉtabha abhaangariri abhahaari kwa bhanʉ mʉkʉkangata, nawe mʉbhɨ ekerenjo ɨkɨzʉmu kwabhʉ. 4 Na hanʉ Umwangariri Ʉmʉkʉrʉ wa risengerero*Umwangariri Ʉmʉkʉrʉ wa risengerero newe Yɨɨsu Kiriisitʉ. akororekana, mʉrabhanurwa ʉmʉbhanʉ gwʉ ʉbhʉgʉngʉ gʉnʉ gʉtakʉsarɨka kemerano.
5 Muryamurya na niimwɨ abhamura, mʉsʉʉkɨ abhakaruka. Imwʉsi moreenderwa kʉbha bhanyʉʉhu mʉtʉrɨ kohokeranʼya. Mokorebhu, kʉ kʉbha Amaandɨkʉ Amarɨndu garabhuga,
“Mungu araanga bhanʉ bhakwiyʉnga,
nawe, ahaabharorera abhanyʉʉhu ɨbhɨgʉngi.”†Rora Mesaari 3:34.
6 Mungu arabhagʉnga kwibhaga ryazɨ, arɨɨbhɨ muriiyicha iyaasɨ wʉ ʉbhʉnaja bhwazɨ ʉbhʉkʉrʉ, 7 ku kumutigɨra zɨnyaakʉ zaanyu zʉʉsi, kʉ kʉbha arɨ haguhɨ bhʉkʉngʼu na zɨnyaakʉ zaanyu.
Kwanga Shɨtaani ku kwisirirya Mungu
8 Mwiyangarɨrɨ na mʉbhɨ mɨɨsʉ ribhaga ryʉsi, kʉ kʉbha umubhisa waanyu, Shɨtaani,‡Shɨtaani. Kʉmaragɨrɨra bhʉkʉngʼu, rora Ikiniibhasa. aragendagenda nchɨ ɨɨka yɨnʉ ekomohya ʉmʉʉtʉ imuryɨ. 9 Mmbe, mwangɨ Shɨtaani, mwimɨɨrɨrɨ bhwɨma kwisirirya Mungu. Momenye kʉbha, abhiisirirya abhakɨndichanyu mʉʉsɨ yʉʉsi, bharanyaaka ncha niimwɨ.
10 Mungu umuhurucha wɨ ɨbhɨgʉngi bhyʉsi, akabhabhɨrɨkɨra imwɨ, korereke mugwatanɨ nawe mʉbhʉgʉngʉ bhwazɨ kemerano, hamwɨmwɨ na Kiriisitʉ. Hanʉ mʉkʉnyaaka kwibhaga isuuhu, ewe arabhakongʼya, arabhaha amanaga, na kʉbhamenyeekererya. 11 Mungu akangatɨ kemerano! Garamɨ.
Amangʼana gʉ ʉkʉraga
12 Kʉbhʉsakirya bhwa Sirwanʉ,§Sirwanʉ arabhirikirwa Siira mʉkɨtabhʉ cha Amahocha ga Abhatumwa. ʉmʉkɨndichanɨ omoheene chɨmbu nimwɨzɨ, nɨbhaandikiirɨ ɨnyarʉbha nguhɨ yɨnʉ, korereke nɨbhahɨ umwʉyʉ na kʉbhamenyeekererya kʉbha, maheene amangʼana ganʉ nɨ‑bhɨgʉngi bhya Mungu. Mwimɨɨrɨrɨ bhwɨma kʉbhɨgʉngi bhiyo! 13 Abhiisirirya bha risengerero rɨnʉ rɨrɨ Bhaabhɨɨri,*Bhaabhɨɨri ni‑riina rɨnʉ abhaatʉ abhandɨ bhaarɨ bharabhɨrɨkɨra kutiga ryʉ ʉrʉbhɨri rwa Ruumi. abharobhorwa abhakɨndichanyu, bharabhakeerya. Na Maaroko umwana waanɨ arabhakeerya. 14 Mwikeerye kʉbhʉsɨɨgi bhwa Kiriisitʉ.
Omorembe gʉbhɨ na niimwɨ imwʉsi, bhanʉ mʉrɨ kwa Kiriisitʉ.
*5:4 Umwangariri Ʉmʉkʉrʉ wa risengerero newe Yɨɨsu Kiriisitʉ.
†5:5 Rora Mesaari 3:34.
‡5:8 Shɨtaani. Kʉmaragɨrɨra bhʉkʉngʼu, rora Ikiniibhasa.
§5:12 Sirwanʉ arabhirikirwa Siira mʉkɨtabhʉ cha Amahocha ga Abhatumwa.
*5:13 Bhaabhɨɨri ni‑riina rɨnʉ abhaatʉ abhandɨ bhaarɨ bharabhɨrɨkɨra kutiga ryʉ ʉrʉbhɨri rwa Ruumi.