3
Ubhwera bhwa abhaangariri bha risengerero
1 Ringʼana rɨnʉ nɨ‑rya amaheene, “Ʉmʉʉtʉ wʉnʉ areenda emeremo jʉ ʉkʉbha umwangariri wa risengerero, wuyo igʉmbirɨ emeremo ɨmɨzʉmu.” 2 Mmbe, umwangariri wa risengerero, abhɨ ʉmʉʉtʉ wʉnʉ ataana isoro. Abhɨ musubhɨ wa mʉkari wʉmwɨ, abhɨ we ekerengo, naatu wa amangʼɨɨni, ʉmʉʉtʉ wʉnʉ akusuukwa, mwerya koro, nʉ ʉmʉʉtʉ wʉnʉ yɨɨzɨ kwija. 3 Atabha munywi, atabha mwʉmani, abhɨ mʉnyʉʉhu wʉ ʉkʉsɨɨga omorembe. Na atabha mʉsɨɨgi wa mpirya. 4 Abhɨ ʉmʉʉtʉ wu ukwimɨɨrɨrɨra bhwaheene inyumba yaazɨ, wʉnʉ yɨɨzɨ kotongera abhaana moteemwa yu ubhwisirirya nu ubhusuuku. 5 Arɨɨbhɨ ʉmʉʉtʉ aratamwa kwimɨɨrɨrɨra inyumba yaazɨ umwene, aranajabhwɨ kuriibha abhaatʉ bha risengerero rya Mungu? 6 Na atabha ʉmʉʉtʉ wʉnʉ isiriiryɨ Mungu haguhɨbhu, ataaza kwiheema. Kuyo kʉramokora atinirwɨ chɨmbu Shɨtaani*Shɨtaani. Kʉmaragɨrɨra bhʉkʉngʼu, rora Ikiniibhasa. aatiniirwɨ. 7 Nawe, abhɨ ʉmʉʉtʉ wʉnʉ akomenyeekererwa bhwaheene nʉʉrʉ na abhatamenya Mungu, bhataaza kuririirirwa na kʉhaatibhwa mwiheto rya Shɨtaani.
Ubhwera bhwa abhasakirya bha risengerero
8 Abhasakirya bhʉʉsi, bhabhɨ bha teemwa nzʉmu, bhabhɨ bhagʉrʉrʉku, bhatabha bhanywi, bhatabha bhasɨɨgi bha mpirya. 9 Nawe, bhabhɨ abhaatʉ bhanʉ bhakugwatɨrɨra amaheene gu ubhwisirirya bhwɨtʉ kwa koro nzɨrʉ. 10 Bhayo hinga bhagemwe. Na bharaarorekanɨ bhataana isoro, neho bhakore emeremo giyo.
11 Kwikɨ abhakari bhaabhʉ†Abhakari bhaabhʉ, ʉbhʉgaruri ʉbhʉndɨ bhʉratʉra kʉbha, abhasakirya abhakari. bhabhɨ bha teemwa nzʉmu, bhatabha bhagʉbhi bha abhaatʉ, bhabhɨ ne ekerengo no obhoronge mʉmangʼana gʉʉsi. 12 Abhasakirya bhabhɨ nʉ ʉmʉkari wʉmwɨ, na bhabhɨ bhariimɨɨrɨrɨra bhwaheene abhaana bhaabhʉ na abhandɨ bhanʉ bhari munyumba yaabhʉ. 13 Bharya bhakokora emeremo jʉ ʉbhʉsakirya bhwaheene, bharabha bharasuukwa. Hayo bharabha nʉ ʉbhʉkararu bhwʉ ʉkʉraganʼya ɨngʼana yu ubhwisirirya bhʉnʉ bhʉrɨ kwa Yɨɨsu Kiriisitʉ.
Amaheene gu ubhwisirirya bhwɨtʉ
14 Nɨrakwandɨkɨra amangʼana gayo, nangabha niriisega kuuza kwa naawɨ haguhɨbhu. 15 Nawe nɨraakeezere, ʉramenya ganʉ gakobheenda abhaatʉ kokora munyumba ya Mungu. Abhaatʉ bhayo nebho risengerero rya Mungu wʉ ʉbhʉhʉru, na risengerero neryo ɨmbɨrʉ nʉ ʉbhʉrʉsa bhwa amaheene. 16 Amaheene ganʉ Mungu ɨɨrɨkiryɨ, nɨ‑ga amateemo, nego nɨ‑ganʉ:
Kiriisitʉ akiiyerekenʼya kʉmʉbhɨrɨ,
akɨɨrɨkɨnibhwa ne Ekoro kʉbha moronge.
Akarorekana kwa bhamaraika,‡Bhamaraika. Kʉmaragɨrɨra bhʉkʉngʼu, rora ringʼana maraika muKiniibhasa.
akarwazibhwa mubhyarʉ bhyʉsi.
Akiisiriribhwa kʉʉsɨ yʉʉsi,
akagegwa kuja igʉrʉ mʉbhʉgʉngʉ.