1 Ikitak dagiti matak kenka, sika nga agturturay kadagiti langit. 2 Kitaem, kas kadagiti mata dagiti adipen a kumitkita iti ima dagiti apoda, kas kadagiti mata iti babai a babaonen a kumitkita iti ima ti apona a babai, kasta met nga ikitatayo dagiti matatayo kenni Yahweh a Diostayo agingga a maasian isuna kadatayo. 3 Kaasiannakami, O Yahweh, kaasiannakami, ta napnoankami iti pakababainan. 4 Napnapnoankami iti pananguy-uyaw dagiti awan panagraemna ken pananglais ti natangsit.