Betlehem Efrata, gäk Juda kome täŋo yotpärare päke unitäŋo täpuri ude itan. Upäŋkaŋ inken intäjukun äma pähap kubä api ahäwek. Ahäŋpäŋ näkŋaken äbot, Isrel ämawebe u näkŋo wäpna terak api yabäŋ yäwarek. Äma unitäŋo oraniye uwä bianinik umu ahäŋkuŋotä ahäŋ yäpmäŋ äbäkaŋ. 3 *Mat 12:50; Rom 9:23-28, 11:5 Unita Yawetä Isrel äbot iwan keri terak yepmaŋpän it yäpmäŋ kuŋtäko webe kubä Ekänitä iwoyäŋkuko unitä nanak api bäyawek. Kadäni uken intäjukun äma unitäŋo noriye ätu ämatä komeken komi epän terak itkuŋo u äbäŋpäŋ Isrel noriyekät äneŋi kubäkengän api itneŋ. 4 *Ais 40:11, 49:9-10; Ese 34:23-24; Jon 10:24; Sam 45:6; Mat 25:1; Efe 1:13 Täŋpäkaŋ intäjukun äma unitä yawakiye Yawe Anutuni täŋo kehäromi ba wäpi ba epmäget kudäni uterak watä kehäromi api it yämek. Watä it yämiŋirän säkgämän api itneŋ. Täŋkaŋ äma unitäŋo kehäromi ba wäp biŋam ärowanitä komeni komeni api kuŋ morewek. 5 *Ais 9:6; Luk 2:14; Jon 14:23; Efe 2:14-17 Ude täŋkaŋ bänep kwini täŋo mähemi ude api it yämek.