27
Äma kubätä nadäkiniki yäŋahäŋkuk
1 ✡Sam 118:14; Ais 33:2, 60:20; Mai 7:8 Ekäni uwä näkŋo peŋyäŋekna. Unitägän täŋkentäŋ namiŋpäŋ watä it namik täyak. Unita netäta umuntäwet?
2 ✡Sam 9:3, 14:4 Anututä täŋkentäŋ namiŋirän äma wakiwakitä gupna awähutta täŋpäwak täkaŋ. Ba iwantä näka kokwawak nadäŋpäŋ nutna yäŋkaŋ äbä Anutu kaŋ-umuntaŋ ämetpeŋ päŋku yewä kwäpäŋ maŋdäpmäk täkaŋ.
3 ✡Jop 4:6; Sam 3:6 Nadäkaŋ? Irit kuŋat-kuŋatna Anutu-kengän pek täyat unita iwan äma äbot pähaptä nutna yäŋkaŋ näk it gwäjineŋo upäŋkaŋ nämo umuntäwet. Nämoinik!
4 ✡Sam 18:6, 23:6, 90:17 Näk Anutuken imaka kubätagän yäŋapiŋkut. Ŋode täŋ namikta gäripi-inik nadäŋpäŋ yäŋapiŋkut; Anutu, gäk nadäŋ namiŋiri gäkŋa eŋi-kengän ittäŋgän kaŋ paora. Eŋikaken itkaŋ dapun taŋpäŋ gabäŋgärip täk täyiwa.
5 ✡Sam 17:8, 31:20, 40:2, 50:15 Näk ŋode nadätat; Kadäni waki ahäŋ namayäŋ täyak upäŋkaŋ Anututä yäŋnäkŋat päŋku tähani gänaŋ nepmaŋpäŋ yäma ukätpäŋ watä säkgämän api it namek. Ude täŋirän näk tägagän api iret.
6 ✡Sam 3:3, 107:22 Watä säkgämän it namiŋirän iwan näk it gwäjinayäŋ täkaŋ u yärepmitpäŋ kehäromini api yäpmäŋ äpet. Täŋpäŋ bänep pidäm nadäŋpäŋ oraŋ imiŋpäŋ Anututä ini eŋi gänaŋ kap terak wäpi biŋam api yäpmäŋ akwet.
7 ✡Sam 4:3, 13:3, 61:1 O Ekäni, näkä gäkken gera yäwayäŋ täyatken u butewaki nadäŋ namiŋkaŋ täŋkentäŋ nam.
8 ✡Sam 34:4, 105:4; Amo 5:6 Näkken äbi yäŋ näwetkuno udegän Ekäni, gäk ganiŋ oretta äretat.
9 ✡Sam 6:1, 40:17, 69:17, 94:14 Äreŋira näka käbop nämo iren. O Anutu, näk piä ämaka unita täŋkentäŋ nam! Näka kokwawak nadäŋ namiŋpäŋ nämo näwat kirewen. Nämo nepmaŋpen ba mäde nämo ut namen.
Kadäni kadäni täŋkentäŋ namik täŋkuno udegän täŋkentäŋ namik täyi.
10 ✡Ais 40:11, 49:15; Jon 16:32, 2Ti 4:16-18 Meŋnaye nanayetä mäde ut namineŋo upäŋkaŋ Ekäni gähä täga nabäŋ näwaren.
11 ✡Sam 5:8, 25:4, 86:11 Unita Ekäni, imaka kaŋ tä yäŋ nadätan udegän näwoŋäreŋiri kaŋ täŋpa. Iwanaye mäyap itkaŋ unita kädet kukŋi kädagän kaŋ yäŋnäkŋat yäpmäŋ ku.
12 ✡Lo 19:18; Mat 26:60; Apos 9:1 Ekäni, iwan yabäŋ äwaräkuk täŋiri näk nämo nepmäŋitneŋ. Iwan uwä näka jop manman yäŋit umun man näwerit täk täkaŋ.
13 ✡Sam 31:19; Jer 11:19 Bureni-inik nadätat! Itkaŋ kämi Ekänitä ämawebeniye täŋkentäŋ yämiŋirän api yabäwet.
14 ✡Sam 62:5; Snd 20:22; Ais 25:9 Unita ämawebenaye, ŋode täwera nadäwut; In Anututa nadäkinik täŋpäŋ Anututä ini täŋkentäŋ tamekta kaŋ itsämbut. Nadäwätäk pähap nämo täneŋ. Nämoinik! Kehärom taŋpäŋ kaŋ irut.
✡27:1: Sam 118:14; Ais 33:2, 60:20; Mai 7:8
✡27:2: Sam 9:3, 14:4
✡27:3: Jop 4:6; Sam 3:6
✡27:4: Sam 18:6, 23:6, 90:17
✡27:5: Sam 17:8, 31:20, 40:2, 50:15
✡27:6: Sam 3:3, 107:22
✡27:7: Sam 4:3, 13:3, 61:1
✡27:8: Sam 34:4, 105:4; Amo 5:6
✡27:9: Sam 6:1, 40:17, 69:17, 94:14
✡27:10: Ais 40:11, 49:15; Jon 16:32, 2Ti 4:16-18
✡27:11: Sam 5:8, 25:4, 86:11
✡27:12: Lo 19:18; Mat 26:60; Apos 9:1
✡27:13: Sam 31:19; Jer 11:19
✡27:14: Sam 62:5; Snd 20:22; Ais 25:9