3
Eri Dévidi
(2 Sám 3:2-5)
1 Ọwaa bụ ụnwu Dévidi; ndu ọphu a mụshiru iya lẹ Hẹ́buronu:
Amụnonu bụ ọkpara.
Nwanyi, mụru iya nụ
bụ Ahinowamu kẹ Jézerilu.
Dánẹlu bụ otsota.
Nwanyi, mụru iya nụ
bụ Abigelu kẹ Kamẹlu.
2 Abusolomu bụ onye k'ẹto.
Nwanyi, mụru iya nụ
bụ Maaka. Maaka bụ
nwatibe Talumayi,
bụ eze ndu Geshu.
Adónịja bụ onye k'ẹno.
Nne, mụru iya nụ bụ Hagitu.
3 Shefatíya bụ onye k'ise.
Nne, mụru iya nụ bụ Abitalu.
Ituremu bụ onye k'ishingu.
Nne, mụru iya nụ bụ
nwanyi ọphu eeku Egula.
4 Ụmadzu ishingu-wa b'a mụtaru Dévidi lẹ Hẹ́buronu, bụ ẹke ọ nọdu chịa afa ẹsaa l'ọnwa ishingu.
Lẹ Jerúsalemu b'ọ chịru ụkporo afa l'afa iri l'ẹto. 5 Ọwaa bụ ndu a mụshiru iya lẹ Jerúsalemu: Shimeya; Shobabu; Nétanu; mẹ Sólomọnu. Nwanyi, mụshiru iya ụmadzu ẹno ono bụ Betusheba, bụ nwatibe Amiyẹlu.
6 Ụnwu iya ọdo bụ Ibuha; Elishama; Elifẹletu; 7 Noga; Nefẹgu; Jafiya; 8 Elishama; Eliyada; mẹ Elifẹletu; ẹphe tete. 9 Ndu ono l'ẹphe ha bụkota ụnwu Dévidi kẹ unwoke; t'a gụfukwa unwoke, o shi l'ẹka nnufu iya phẹ mụshia. Táma bụ nwunne ẹphe kẹ nwanyi.
Eri Sólomọnu
10 Réhobuwamu bụ nwatibe Sólomọnu; Abayíja abụru nwatibe Réhobuwamu. Ása bụ nwatibe Abíja; Jehoshafatu abụru nwatibe Ása. 11 Joramu bụ nwatibe Jehoshafatu; Ehezáya abụru nwatibe Joramu. Jowashi bụ nwatibe Ehezáya; 12 Amazáya abụru nwatibe Jowashi. Azaríya bụ nwatibe Amazáya; Jótamu abụru nwatibe Azaríya. 13 Éhazu bụ nwatibe Jótamu; Hezekáya abụru nwatibe Éhazu. Manásẹ bụ nwatibe Hezekáya; 14 Amọnu abụru nwatibe Manásẹ; Josáya abụru nwatibe Emọnu. 15 Ọwaa bụ ụnwu Josáya ndọ-ọ: Johananu bụ ọkpara iya; Jehoyakimu abụru otsota; Zedekaya abụru otsota, tsotaru ọkpara; Shalumu abụru onye k'ẹno. 16 Ndu ọwaa bụ ndu eri Jehoyakimu: Jekonaya bụ nwatibe Jehoyakimu; Zedekaya abụru nwatibe Jekonaya.
Eri Jekonaya
17 Ọwaa bụ ndu eri Jekonaya onanu, a kpụru lẹ ndzụ ono: Sheyalutiyẹlu; 18 Malukiramu; Pedaya; Shenaza; Jekamaya; Hoshama; mẹ Nedabaya. 19 Ụnwu Pedaya bụ Zerúbabelu; mẹ Shimeyi. Ụnwu Zerúbabelu bụ Meshulamu; mẹ Hananiya. Shelomitu bụ nwunne ẹphe kẹ nwanyi. 20 Ọ mụtakwaruphu Hashuba; Ohẹlu; Berekaya; Hasadaya; mẹ Jushabu-Hesedu; ẹphe ise.
21 Ọwaa bụ ndu eri Hananiya: Pelatíya; Jeshaya; ụnwu Refaya; ụnwu Ananu; ụnwu Obedáya; mẹ ụnwu Shekaníya.
22 Ọwaa bụ ndu eri Shekaníya: Shemáya mẹ ụnwu iya, bụ Hatushi; Igalu; Bariya; Neyaraya; Shafatu. Ẹphe tụko dụ ishingu.
23 Ụnwu Neyaraya bụ: Eliyowenayi; Hezekáya; mẹ Azurikamu. Ẹphe tụko dụ ẹto.
24 Ụnwu Eliyowenayi bụ: Hodaviya; Eliyashibu; Pelaya; Akubu; Johananu; Delaya; mẹ Anani. Ẹphe tụko dụ ẹsaa.