27
Ndu sọja l'ọgbo l'ọgbo
1 Ọwaa bụ ẹpha ndu Ízurẹlu, bụtsua ishi l'ẹnya-ufu l'ẹnya-ufu; mẹ ndu bụtsua ishi ụnu ndu sọja labụ l'ụkporo iri iri; mẹ ndu bụtsua ishi ndu sọja ụkporo ise ise; mẹ ndu bụtsua ndu ishi, ejeru eze ozi l'iphe, laru l'ibyiya ọphu e ketaru ẹphe ye. Yọo bụje; ndu ọphu eje; ndu ọphu ala l'ọnwa l'ọnwa jeye afa asụgba ishi. Ndu ọphu nọnu dụtsua ụkporo ụnu ugbo ẹto ẹto.*27:1 Iphe ọ bụ bụ 24,000.
2 Onye ishi ndu sọja k'ivuzọ; mbụ ndu k'ọnwa ọdungu bụ Jashobeyamu Zabudiyẹlu. Ndu e keru yeru iya dụ ụkporo ụnu ugbo ẹto.†27:2 Iphe ọ bụ bụ 24,000. 3 Jashobeyamu shi l'eri Pẹ́rezu. Yọ bụru iya bụ onye ishi ndu ishi sọja l'ọnwa k'ivuzọ.
4 Onye ishi ndu sọja l'ọnwa k'ẹbo bụ Dodayi, bụ onye eri Ahohi. Mikulọtu tsokwaphu bụru ishi. Ndu nk'iya dụ ụkporo ụnu ugbo ẹto.‡27:4 Iphe ọ bụ bụ 24,000.
5 Onye ishi ndu sọja k'ẹto; mbụ l'ọnwa k'ẹto bụ Benáya Jehoyada, bụ onye achịjeru Nchileke ẹja. Ndu nk'iya dụ ụkporo ụnu ugbo ẹto.§27:5 Iphe ọ bụ bụ 24,000. 6 Benáya tso lẹ ndu sọja ụkporo l'iri phụ; bụru iya bụ onye ishi ndu sọja ụkporo l'iri ono. Nwatibe iya; mbụ Amizabadu bụ ishi lẹ ndu sọja, e keru yeru iya.
7 Onye ishi ndu sọja k'ẹno; mbụ l'ọnwa k'ẹno bụ Ásahẹlu; nwunne Jóabu. Nwatibe iya; mbụ Zebadaya bẹ mekochaaru bụru onye ishi l'ọzori iya. Ndu nk'iya dụ ụkporo ụnu ugbo ẹto.*27:7 Iphe ọ bụ bụ 24,000.
8 Onye ishi ndu sọja k'ise; mbụ l'ọnwa k'ise bụ Shamuhutu, bu onye eri Izura. Ndu nk'iya dụ ụkporo ụnu ugbo ẹto.†27:8 Iphe ọ bụ bụ 24,000.
9 Onye ishi ndu sọja k'ishingu; mbụ l'ọnwa k'ishingu bụ Ira Ikeshi, bụ onye eri Tékowa. Ndu nk'iya dụ ụkporo ụnu ugbo ẹto.‡27:9 Iphe ọ bụ bụ 24,000.
10 Onye ishi ndu sọja k'ẹsaa; mbụ l'ọnwa k'ẹsaa bụ Helẹzu, bu onye eri Pelọnu l'ikfu Ífuremu. Ndu nk'iya dụ ụkporo ụnu ugbo ẹto.§27:10 Iphe ọ bụ bụ 24,000.
11 Onye ishi ndu sọja k'ẹsato; mbụ l'ọnwa k'ẹsato bụ Sibekayi, bụ onye eri Husha lẹ Zera. Ndu nk'iya dụ ụkporo ụnu ugbo ẹto.*27:11 Iphe ọ bụ bụ 24,000.
12 Onye ishi ndu sọja kẹ tete; mbụ l'ọnwa kẹ tete bụ Abiyéza kẹ Anatọtu; onye ikfu Bénjaminu. Ndu nk'iya dụ ụkporo ụnu ugbo ẹto.†27:12 Iphe ọ bụ bụ 24,000.
13 Onye ishi ndu sọja k'iri; mbụ l'ọnwa k'iri bụ Maharayi kẹ Netofa, shi l'eri Zera. Ndu nk'iya dụ ụkporo ụnu ugbo ẹto.‡27:13 Iphe ọ bụ bụ 24,000.
14 Onye ishi ndu sọja k'iri 'ẹ nanụ; mbụ l'ọnwa k'iri lẹ nanụ bụ Benáya kẹ Piratonu; onye ikfu Ífuremu. Ndu nk'iya dụ ụkporo ụnu ugbo ẹto.§27:14 Iphe ọ bụ bụ 24,000.
15 Onye ishi ndu sọja k'iri l'ẹbo; mbụ l'ọnwa k'iri l'ẹbo bụ Heludayi kẹ Netofa, shi l'ẹnya-ufu Ọtuniyelu. Ndu nk'iya dụ ụkporo ụnu ugbo ẹto.*27:15 Iphe ọ bụ bụ 24,000.
Ndu bụgbaa ishi l'ikfu ikfu ndu Ízurẹlu
16 Ọwaa bụ ndu bụgbaa ishi l'ikfu ikfu ndu Ízurẹlu:
Onye bụ ishi l'ikfu Rúbẹnu bụ Eliyéza Zikiri.
Onye bụ ishi l'ikfu Símiyọnu bụ Shefatíya Maaka.
17 Onye bụ ishi l'ikfu Lívayi bụ Hashabaya Kemuwẹlu.
Onye bụ ishi l'ẹnya-ufu Érọnu abụru Zadọku.
18 Onye bụ ishi l'ikfu Júda bụ Elihu; nwunne Dévidi.
Onye bụ ishi l'ikfu Ísaka abụru Omuri Máyikelu.
19 Onye bụ ishi l'ikfu Zébulọnu bụ Ishumaya Obedáya.
Onye bụ ishi l'ikfu Náfutali abụru Jeremọtu Azụriyelu.
20 Onye bụ ishi l'ikfu Ífuremu bụ Hosáya Azaziya.
Onye bụ ishi lẹ nkere-ẹbo ikfu Manásẹ abụru Jówẹlu Pedaya.
21 Onye bụ ishi kẹ nkere-ẹbo ndu ikfu Manásẹ ọphu, bu l'alị Gíledu bụ Ido Zekaráya.
Onye bụ ishi l'ikfu Bénjaminu abụru Jasiyẹlu Ábụna.
22 Onye bụ ishi l'ikfu Dánu bụ Azarẹlu Jerohamu.
Ono ndu bụtsua ishi l'ikfu ikfu ndu Ízurẹlu.
23 Dévidi bẹ ta gụdu ndu ọphu nọwaru ụkporo afa; mẹe ndu ọphu ẹ-ta nọ-rudua ẹge ono; kẹle Ojejoje bẹ kweru ụkwa lẹ ya e-me tẹ ndu Ízurẹlu hatabe l'igwe l'ọ bụ mkpọ-kpodo, nọ l'igwe. 24 Jóabu Zeruya bẹ wataru ọgu ọgu ono; tọ gụ-ge iya. Yọ bụru kẹ ọgu ono, a gụru ono bẹ Ojejoje gude tukoshi ndu Ízurẹlu oke ẹhu-eghughu iya. Ọgu ono b'ẹ te dekwa l'ẹkwo, e deshiru iphe, e meru nụ l'oge kẹ Dévidi.
Ndu ishi lẹ kẹ eze
25 Onye bụ ishi l'ụlo-ẹku eze, akwakọbeje ẹku eze bụ Azụmavetu Adiyẹlu. Onye bụ ishi ụlo, aakwakọbeje ẹku k'alị ono abụru Jonátanu Uzáya; mbụ ụlo ẹku, nọtsua lẹ mkpụkpu lẹ mkpụkpu; edukfu l'edukfu; mẹ l'ụlo-eli ụlo-eli.
26 Onye ishi ndu eje ozi ẹgu, bụ iya bụ ndu akọ okfu bụ Ezuri Kelubu.
27 Onye bụ ishi mgbo vayịnu bụ Shimeyi kẹ Ráma.
Onye bụ ishi, k'omefuta mẹe lẹ mgbo vayịnu; mẹ k'ẹke aakwakọbeje iya bụ Zabudi kẹ Shifamu.
28 Onye iphe k'oshi olivu; mẹ oshi sikamo ọkpa ugvu l'ụzo ẹnyanwu-arịba, nọ l'ẹka bụ Bálụ-Hananu kẹ Geda.
Onye bụ ishi, l'ẹke eedobeje manụ abụru Jowashi.
29 Onye ishi, eleta elu, akpa nri lẹ Sharọ́nu bụ Shiturayi kẹ Sharọ́nu.
Onye bụ ishi, eleta ẹku ọphu nọ lẹ nsụda nsụda abụru Shafatu Adụlayi.
30 Onye bụ ishi, eleta ịnya-ivu bụ Obilu k'eri Ishimẹlu.
Onye bụ ishi, eleta nkakfụ-ịgara abụru Jehudéya kẹ Meronọtu.
31 Onye bụ ishi, eleta eghu; mẹ atụru bụ Jazizi kẹ Héga.
Ndu ono l'ẹphe ha bụkota ndu eleta iphe Dévidi ẹnya.
32 Nwunne nna Dévidi, bụ Jonátanu bẹ bụ agbarike iya. Ọ bụ onye ẹnya ruru alị; bya abụru o-de-ẹkwo. Ọ bụ yẹle Jehiyẹlu Hakumonu eletaje ụnwegirima eze ẹnya. 33 Ahitofẹlu bụ yẹbedua shi anọduje agbaziru eze ụzo. Hushayi kẹ Aki bụ ẹgiri ọnya eze. 34 Jehoyada Benáya yẹle Abiyáta bụ ẹphe nọchiru ẹnya Ahitofẹlu ẹka.
Jóabu bụ iya bụ onye ishi ndu sọja eze.
*27:1 27:1 Iphe ọ bụ bụ 24,000.
†27:2 27:2 Iphe ọ bụ bụ 24,000.
‡27:4 27:4 Iphe ọ bụ bụ 24,000.
§27:5 27:5 Iphe ọ bụ bụ 24,000.
*27:7 27:7 Iphe ọ bụ bụ 24,000.
†27:8 27:8 Iphe ọ bụ bụ 24,000.
‡27:9 27:9 Iphe ọ bụ bụ 24,000.
§27:10 27:10 Iphe ọ bụ bụ 24,000.
*27:11 27:11 Iphe ọ bụ bụ 24,000.
†27:12 27:12 Iphe ọ bụ bụ 24,000.
‡27:13 27:13 Iphe ọ bụ bụ 24,000.
§27:14 27:14 Iphe ọ bụ bụ 24,000.
*27:15 27:15 Iphe ọ bụ bụ 24,000.