T'iphe bụ onye mini agụ

byakwa bya angụta mini!

T'onye ẹ-te nwedu okpoga

byakwa bya azụta nri; ria!

T'ọ byakwa bya agata mẹe;

zụta mini ẹra eswi,

ẹ te gudedu okpoga azụ;

to nwe ụgwo, aakfụ.

unu akpaphu okpoga

l'iphe ẹ-ta bụdu nri;

l'ese ẹza iphe te ejidu ẹpho?

Tẹ nchị rua unu alị l'iphe ya ekfu;

k'ọphu unu e-ri ọkpobe nri.

Unu ngbabe nchị l'iphe ya ekfu;

k'ọphu ndzụ e-dzu unu.

Unu l'iya a-gba ndzụ,

a-bụ 'agvụ agvụ;

Ya agọoru unu ọnu-ọma;

bụ ụkwa, ya kweru Dévidi.

ishi; mee ya onye a-nọdu

eleta iphe bụ mbakeshi;

bụru onye a-nọdu

agbaru iya ekebe l'ẹke ẹphe nọ.

ndu, ẹ tị madu;

ẹphe ta ma ngu; bẹ ii-ku oku;

ẹphe egude ọso l'agba abya;

kẹ l'ọo yẹbedua bụ Ojejoje;

mbụ onye nsọ kẹ Ízurẹlu;

kẹ l'o mewaru ngu; nggu adụ biribiri.”

Raku iya teke ọ nọkwadu ntse!

hakwaa ụzo, ootso.

Onye eme ẹji ahaa ẹjo ọriri iya.

T'onye ono lakfutachia Ojejoje;

phụ l'ọo-phụru iya-a imiko;

mbụ t'ọ lakfuta Nchileke;

phụ l'ọo gụru iya nvụ;

gụa ya kẹ etsutsu iya.

umere mu ta bụ umere unu.”

ote-ẹnya l'alị;

bụ ẹge ụzo mu nọ-beru

ote-ẹnya l'ụzo nke ngu.

Ọ kwaphu ẹge ono;

bẹ ọriri mu nọ-be ote-ẹnya l'ọriri nke ngu.

yẹle aka-mini eshije l'igwe achị;

tọo la azụ l'ẹke, o shi;
'abụdu l'o ruru alị;

mee iphe, e meberu emebe

t'o fushia; mịtaru ndu akọ iphe; iphe;

ndu eri eriri enweru iphe ẹphe eriri;

shi mu l'ọnu dụ.

Ẹ tọo gbakwa ẹka

alaphutaru mu azụ.

Oo-mefutaje iphe mu tụberu;

mekota iya ẹge mu sụru t'o mee ya.

wụfu; e dufu unu lẹ

domangu rimangu.

Iphe bụ ugvu l'ugvu ha

a-wata ọgu egvu l'ifu unu.

Iphe bụ oshi, nọ l'ẹgu akụru unu ẹka;

l'ọzori ọgarama-mbo;

o shi mịtulu awata efufu

l'ọzori ogvu uke.

Onanu abụru iphe Ojejoje
e-gude dee ude;

kẹ l'ọo-bụru iphe-ọhubama, a-nọ gbururu jeye;

ọphu a byadụ bya emebyi iya emebyi.”