12
Ndu eze, Mósisu lụtaru
1 Ọwaa ndu eze alị ono, ndu Ízurẹlu lụ-gbushiru; naa alị ẹphe l'ụzo ẹnyanwu-ahata Ẹnyimu Jọ́danu azụ iya ọphu. Alị ono shi lẹ nsụda nsụda Amọ́nu je akpaa lẹ Ugvu Hẹmonu. Ẹphe lụkwaruphu iphe, bụ alị, nọ l'ụzo ẹnyanwu-ahata ẹke iya kẹ Araba. Ndu eze ọphu bụ:
2 Sihọnu, bụ eze ndu Amọru. Ẹke o shi buru bụ lẹ Hẹ́shibonu. Ẹke o shi achị abụru Árowa, nọ lẹ nsụda nsụda Amọ́nu. O shi l'ẹke ono nọo jeye l'ẹ Ẹnyimu Jábọku, bụ ókè-alị ndu Amọnu, bụ iya bụ nkere-ẹbo Gíledu. 3 Ọ chịkwaruphu ụzo ẹnyanwu-ahata Araba; shi l'ẹke ono chịa jeye lẹ Eze Ẹnyimu Kínẹretu; je akpaa lẹ Eze Ẹnyimu Araba. Ọ chịkwaruphu jeye lẹ Bẹ́tu-Jeshimọtu; ruwaru l'ọkpa-ugvu Pishiga.
4 Ẹphe lụkwaruphu alị Ogu, bụ eze ndu Báshanu. Ogu tso lẹ ndu wafụru nụ lẹ ndu ikfu Réfa. Ọ bụ iya shi bụru eze ndu Ashụtarotu; mẹ kẹ ndu Edereyi.
5 Ndu, o shi achị bụ ndu Ugvu Hẹmonu; ndu Saleka; ndu alị Báshanu kpamukpamu; je akpaa l'ókè-alị ndu Geshu; mẹ kẹ ndu Maaka. Nkere-ẹbo alị ndu Gíledu jeye l'ókè-alị Sihọnu, bụ eze ndu Hẹ́shibonu bụkota ẹke o shi achị.
6 Ọ bụ nwozi Ojejoje; mbụ Mósisu yẹle ndu Ízurẹlu lụ-gburu ndu eze labụ ono. Mósisu, bụ nwozi Ojejoje abya eworu alị ono nụ ndu ikfu Rúbẹnu; ndu ikfu Gádu; mẹ nkere-ẹbo ndu ikfu Manásẹ.
Ndu eze ọphu Jóshuwa lụ-gburu
7 Ọwaa bụ ndu eze ọphu, bu l'ụzo ẹnyanwu-arịba Ẹnyimu Jọ́danu, bụ Jóshuwa yẹle ndu Ízurẹlu lụ-gburu ẹphe. Alị ndu eze ono shi lẹ Bálụ-Gádu, nọo jeye lẹ nsụda Lébanọnu; je akpaa l'ugvu Halaku, nọru jeye l'e gude ala Séyi. Jóshuwa abya eworu alị ono keeru ndu Ízurẹlu l'ikfu l'ikfu t'ọ bụru òkè-iphe ẹphe. 8 Alị ono bụ alị ugvu; mẹ nsụda ụzo ẹnyanwu-arịba; mẹ Araba; mẹ alị, nọ lẹ mgbazita ugvu ugvu; echi-ẹgu; mẹ ụzo ọhuda. Mbụ l'alị ndu Hetu; kẹ ndu Amọru; kẹ ndu Kénanu; kẹ ndu Pẹ́rezu; kẹ ndu Hevu; mẹ kẹ ndu Jebusu.
9 Ndu Ízurẹlu lụ-gburu
onye eze kẹ ndu Jériko;
onye eze kẹ ndu Eyayi,
nọnyabe Bẹ́telu;
10 onye eze kẹ ndu Jerúsalemu;
onye eze kẹ ndu Hẹ́buronu;
11 onye eze kẹ ndu Jamútu;
onye eze kẹ ndu Lakíshi;
12 onye eze kẹ ndu Egulọnu;
onye eze kẹ ndu Géza;
13 onye eze kẹ ndu Débi;
onye eze kẹ ndu Geda;
14 onye eze kẹ ndu Họma;
onye eze kẹ ndu Áradu;
15 onye eze kẹ ndu Libina;
onye eze kẹ ndu Adulámu;
16 onye eze kẹ ndu Makéda;
onye eze kẹ ndu Bẹ́telu;
17 onye eze kẹ ndu Tapúwa;
onye eze kẹ ndu Hefa;
18 onye eze ndu Afẹku;
onye eze kẹ ndu Lasharọnu;
19 onye eze kẹ ndu Madọnu;
onye eze kẹ ndu Házọ;
20 onye eze kẹ ndu
Shimurọnu Merọnu;
onye eze kẹ ndu Akụshafu;
21 onye eze kẹ ndu Ténaku;
onye eze kẹ ndu Megido;
22 onye eze kẹ ndu Kedeshi;
onye eze kẹ ndu Jọkuníyamu,
nọ lẹ Ugvu Kamẹlu;
23 onye eze kẹ ndu Dọo,
nọ lẹ Nafotu Dọo;
onye eze kẹ ndu Goyimu Gíligalu;
24 mẹ onye eze kẹ ndu Tíza.
Iphe, ẹphe tụko dụ bụ ụkporo ndu eze lẹ ndu eze iri lẹ nanụ.