12
1 Onye a baru mba;
yọ nata iya;
yọ nata iya;
kwa mmamiphe b'ọ nataru.
Obenu l'onye jịkaru mba,
a baru iya; kwa onye éswè b'ọ bụ.
2 Ọkpobe madzụ atụbaja Ojejoje l'obu.
Obenu l'onye ẹregede;
bẹ ọonmaje ikpe.
3 Madzụ t'e gudeghekwa
ẹjo iphe buru.
ẹjo iphe buru.
Obenu l'onye doberu ẹka
ndoo b'ẹ ta vụ-ghekwa l'ọgvu.
4 Ọkpobe nwanyi bụkwa ùgvù nji iya.
Obenu l'ẹjo nwanyi dụkwa
l'ọ bụ ọkpu, tsụru ụme nọdu nji l'ẹhu.
5 Idzu, ndu doberu ẹka ndoo abụje k'ọma.
Obenu lẹ ntuzi-ẹka ndu
ẹjo iya ono abụkotaje ụgho.
6 Okfu, shi ẹjo madzụ l'ọnu
abụje ọnya nma onye, ookfuru iya.
Obenu l'ọnu onye obu iya
gụru iphoro adzọje madzụ.
7 Ndu ẹjo iya ono;
bẹ ee-mekochaa kwatsushia; ẹphe achịhu.
Obenu l'ọnu-ụlo onye
doberu ẹka ndoo a-kfụru gịdimu.
8 Ọ bụ ẹge madzụ mataberu iphe;
bụ ẹge aajatabeje iya.
Obenu lẹ ndu obu ẹ-ta
gụdu iphoro bẹ aakpọfu akpọfu.
9 Ọ kakwa mma l'ị bụ onye
ẹ-ta gụbedu iphe;
nggu ese ẹge ii-shi buru;
mẹ l'ị gụberu onwongu iphe
l'ẹ b'ọ dụ ẹge ọ haru ngu.
10 Onye doberu ẹka ndoo
akwabẹjeru elu iya ẹnya.
Obenu l'imiko, ẹjo madzụ
aphụje bụ ẹjo-obu.
11 Onye akọ alị iya enweje nri;
nwee ya k'etsutsu.
Obenu l'edegiri;
bụ onye eswe b'ọ bụ.
12 Ẹjo madzụ bụ iphe
a nataru lẹ nfụ bẹ ẹnya iya anọje.
Obenu l'onye doberu ẹka
ndoo anọduje aja pulapula.
13 Ẹjo madzụ bụ ẹjo okfu,
shi iya l'ọnu abụje ọnya; hata iya.
Obenu l'onye doberu ẹka
ndoo anahụje iphe-ẹhuka.
14 Ọ kwa madzụ egudeje
ọnu kfutaru onwiya iphe-ọma.
Ono kwaphu ẹge ooshije
l'iphe oogude ẹka iya eme;
metaru onwiya obunngo.
15 Iphe bụ iphe onye eswe eme
adụkotaje iya mma l'ẹnya nk'iya.
Obenu l'onye maru iphe
egeje nchị teke a kpọ-ziru iya ụzo.
16 A -kpatsua onye eswe iwe;
yo mewaphu t'a maru teke ono.
Obenu l'onye nweru egomunggo
eleswetaje iphe-phere,
e meru iya.
e meru iya.
17 Onye gude ire-lanụ
l'agba ekebe;
bẹ okfu iya ayịkoje ayịko.
Obenu l'ẹjo ekebe abụjeru ụgho.
18 Okfu, ẹ ta arịdu arịri kfua;
arụje kfụu l'ọ bụ ogu-mbeke.
Obenu l'okfu onye
maru iphe edokwaje iphe edokwa.
19 Ire-lanụ anọje jeye l'ojejoje.
Obenu l'ẹjo-ire te nwedu ẹge ọono-beje.
20 Iphe ejije ndu ẹjo idzu ọkpoma bụ ụgho.
Obenu lẹ ndu idzu-ọma;
bẹ ẹhu-ọtso-ẹna bụ nk'ẹphe.
21 Ẹjo iphe te emejekwa onye
doberu ẹka ndoo.
Obenu l'iphe-ẹhuka
bụ kẹ ndu ẹjo iya ono.
22 Onye ẹjo-ire adụje Ojejoje ashị.
Obenu lẹ ndu emeje iphe,
ẹphe kfuru adụje iya mma.
23 Onye nweru egomunggo
ta arakashijekwa iphe ọ maru arakashị.
Obenu lẹ ndu eswe
anọduje avọshi mkpọkoro okfu.
24 Onye gude ẹka iya esebashi;
e-mekochaa bụru ishi.
Obenu l'onye ẹnyiru
e-mekochaa bụru ohu.
25 Ọchi obu l'ẹka emeje
tẹ ike gvụ madzụ.
Obenu l'okfu-ọma emeje;
ẹhu atsọ iya ẹna.
26 Ọkpobe madzụ eduzije ọ̀nyà iya ụzo.
Obenu l'ẹjo-madzụ
eduphuje madzụ ụzo.
27 Onye ẹnyiru ta adụjedu ike
ọnu onwiya nri.
Obenu l'onye akanya;
bẹ iphe o nweru abụje iphe vu oke aswa.
28 Odobe-ẹka-ndoo bụ ụzo ndzụ;
oshiswe ụzo abụru ọnwu.