22
1 Ọkpobe ẹpha kakwa oke ẹku.
Ugvu aka mkpọla-ọcha;
mẹ mkpọla-ododo.
2 ?Bụ ngụnu jikoru onye
nweru iphe; mẹ onye ụkpa.
Ọ bụ Ojejoje keru ẹphe ẹbo.
3 Onye nweru egomunggo
aphụje iphe-emeka;
zeeru iya.
zeeru iya.
Obenu l'onye egomunggo
swehuru ejeje
dukpudukpuu
dukpudukpuu
je adalahụ l'iphe-ẹhuka.
4 Obunggo, etsoje onye dụ agu;
l'atsụ Ojejoje egvu bụ
iphe-enweru; ugvu; mẹ nka.
5 Iphe nọ l'ụzo ẹjo madzụ bụ
ógvú; mẹ ọ́nyà.
ógvú; mẹ ọ́nyà.
Obenu l'onye eche ndzụ iya
nche ebujeru ụba yeru iphe ono.
6 Zụfuta nwata l'ụzo, oo-shi;
o -vufutalephu; tọo hadu iya.
7 Onye ụkpa bụ ohu onye nweru iphe.
Onye ji ụgwo abụru ohu, onye ooji ụgwo.
8 Onye wotaru ẹjo ikpe dzabẹ
l'ọ bụ oshi kwa iphe-ẹhuka;
bẹ ọo-wọta;
bẹ ọo-wọta;
egvu, aatsụ iya alaa.
9 Ọnu-ọma bụ k'onye bụ
o-me-l'uko;
o-me-l'uko;
kẹle ookejeru ndu ụkpa nri iya.
10 A -chịfu onye ụru-ọnu;
okfu alaa;
okfu alaa;
ụswo; mẹ ọko-ọnu agvụ.
11 Ọ bụ onye obu gụru iphoro;
okfu iya adụ bẹlebele; e-shitaghe eze ọnya.
12 Ojejoje arụbeje ẹnya lẹ mmamiphe.
Obenu l'okfu onye ẹ te gudedu
ire iya ẹka;
bẹ oomeje t'ẹ b'ọ dụ iphe ọo-bụ.
13 Onye ẹnyiru asụje:
“L'agụ nọkwa l'etezi.
Lẹ ya -lụfu;
bẹ ọo-tagbukwa iya l'esu-ụzo.”
14 Ọnu nwanyi, eri ogori kwa iduma b'ọ bụ;
Onye, a-dalahụ iya nụ;
kwa onye kpatsuru Ojejoje iwe.
15 Umere ụnwegirima;
bụ umere ụnwegirima.
Obenu l'ọo ẹchachi,
bẹ eegudeje hụzita iya.
16 Onye adzọ ndu ụkpa ọkpa l'ishi;
k'ọphu ya a-ka onweru
iphe; mẹ onye, bụ ndu
nweru iphe; bẹ ọonuje iphe;
e-mekochakwaa bụru onye ụkpa.
Ụkporo akpụru okfu l'iri,
shi l'ọnu ndu maru iphe
shi l'ọnu ndu maru iphe
17 Ngabẹ nchị; nụa okfu onye maru iphe;
nggu ezia obu l'iphe mu ezi ngu.
18 Kẹ l'ọo-dụru ngu lẹ mma;
m'i woru iya ye l'ọkpoma;
chịru iya l'ẹka tekenteke;
19 k'ọphu obu ngu a-nọ l'ẹke Ojejoje nọ;
Mu meekwaru t'o doo ngu
ẹnya ntanụ; nggụbedua l'onwongu.
20 Mu deekwaru ụkporo ẹtu
l'ẹtu iri doberu ngu.
Ẹtu ono bụ ẹtu, a-nọdu alọ
ngu ẹka lẹ nchị;
l'ezi ngu mmamiphe.
21 Ọ bụ ẹtu, a-nọdu ezi ngu
iphe bụ ire-lanụ;
bụru ẹtu, ii-dakobe;
k'ọphu ịi-maru iphe ịi-nọdu
edoru onye ziru ngu nụ.
22 Be egudekwa kẹ lẹ madzụ
bụ onye ụkpa; naa ya iphe o nweru.
Ọphu iimejekwa t'ẹnya
nyịhu onye ẹ te nwedu
ẹge ọ harụ iya l'ụlo-ikpe;
23 kẹle Ojejoje
e-mekochakwa-a
e-mekochakwa-a
gbaaru ẹphe ọdzori;
nalata ndu ono ụgwo iphe ono,
ẹphe narụ ẹphe ono.
24 Tẹ nggu l'onye obu-ọku;
be eshikwa ọ̀nyà;
ọphu nggu l'onye
ẹhu-ọnwuu 'ejekwa ayịyi;
25 e menyaa; yo chia ngu umere iya ono;
nggu eshi ẹge ono baa l'ẹnu, ẹ tị tụdu.
26 Ba anajẹkwa madzụ mkpalẹka;
ọphu ịinodukwaru madzụ l'itumo;
27 kẹ l'i -nwedu iphe ii-gude kfụa ya;
bẹ aa-pakwa paa paa
oshi-azẹe ngu.
oshi-azẹe ngu.
28 Ba afọfukwa ékpè,
e gude kpaa oke-alị l'oge ndiche.
29 ?Ị phụru onye ọru iya doru ẹnya ọhuma.
Ọ bụ onye ono bụ onye
e-jegheru ndu eze ozi.
Ẹ too jegheduru ndu ẹ ta
madu ẹpha ẹphe ozi.