53
Ẹ́vù, Dévidi raru nụ onye ishi egvu. T'e gude olu-aphụ gụa ya
1 Onye eswe anọduje arị lẹ Nchileke ta nọdu.
Ẹphe mebyishiwaru onwẹphe.
Iphe ẹphe eme abụru akpamara.
Ẹ to nwedu m'ọo onye lanụ,
eme iphe dụ mma.
2 Nchileke nọ l'imigwe l'ele
ndiphe ẹnya lẹ mgboko-a.
Oole tẹ ya maru;
?o nweru onye maru iphe:
?o nweru onye achọ Nchileke?
3 Ẹphe l'ẹphe ha jephuhuwaru.
Ẹphe l'ẹphe ha eyifuwa.
Ẹ to nwedu ẹphe; onye eme iphe dụ mma;
mbụkwa m'ọo onye lanụ.*53:3 Egvu 14:1-3; Róm 3:10-12.
4 ?Ẹphe te nwedu egomunggo tọo.
Ẹphe anọduje avụ ndu
kẹ Nchileke avụvu l'ọ bụ ndu avụ nri;
ọphu ẹphe 'ekfudu anụ Nchileke ono;
?ẹphe te nwedu egomunggo tọo.
5 Ọ bụ l'ẹke ono; b'e jeberu;
egvu egude ẹphe k'ẹji;
l'ẹke ẹ to nwedu iphe ọtsu egvu nọ iya nụ.
Nchileke a-tụkashi ọkpu
ndu tsoru ndibe iya ọgu nanụ nanụ;
bya ekpua ẹphe ifu l'alị;
kẹle ọ jịkawaru ẹphe.
6 Ọ dụ mu t'e shi lẹ Záyọnu;
bya adzọfuta ndu Ízurẹlu.
Jékọpu e-te ẹswa;
ẹhu atsọo Ízurẹlu ẹna
teke Nchileke e-me tẹ ndibe
iya, a kpụru lẹ ndzụ lata.