4
Kẹ nwoke asụ:
1 Ị dụ ugvu nggụbe nwanyi mbeke!
Ọwaa iphe ịima amama!
Ẹnya ngu, i gude ụlari-ifu kpuchia;
dụlephu l'ọ bụ kẹ ndo.
Ẹgbushi ngu dụlephu l'ọ bụ ẹji eghu, dzeberu;
shi l'eli ugvu Gíledu
awụ-zita.
awụ-zita.
2 Eze ngu achalẹphu l'ọ bụ ìgwè atụru,
e byishiru ẹji k'ọphungu; saa ya asasa;
yo shi l'ẹke a sacharu iya l'awụfuta;
chịgbaaru ụnwu ẹbo ẹbo.
Ẹ to nwedu m'ọo nanụ, yị nkịnyi iya.
3 Ụgbo-ọnu ngu tụko nwua kfụu l'ọ bụ òwúú uswe.
Ọnu ngu ama ntụmatu;
dụ ugvu.
dụ ugvu.
Ishi-agbagba-nchị ngu,
i gude ụlari-ifu kpuchia
dụlephu l'ọ bụ
ụtara-okumu,
ụtara-okumu,
e gbujahuru ẹbo.
4 Olu ngu degeru l'ọ bụ ụlo-eli
Dévidi ẹke eedobeje
ngwa-ọgu.
ngwa-ọgu.
Ọ bụ l'ụpho-mkpuma iya b'e
koru iphe eegudeje
egbochita onwonye l'ọgu,
dụ ụnu ẹbo l'ụkporo iri,
bụ ndu mkparawa egudeje
iya egbochita onwẹphe l'ọgu.
5 Ẹra ngu ẹphe ẹbo dụ l'ọ bụ ụnwu umoro labụ;
mbụ l'ọ bụ ụnwu umoro, a mụru ejima,
bụlephu l'ẹke okfukfulike nọ;
bẹ ẹphe akpajẹ nri.
6 Mu e-je anọdu l'ugvu mẹeru;
mẹ l'ugvu ínsẹnsu;
jeye lẹ gbẹregbede;
teke nwonyonyo ta nọhedu.
7 Ị bụ nwọdu-geru nggụbe nwanyi mbeke.
Ẹ to nwedu ẹke ọ phọduru ngu m'ọo nanụ.
8 Nwamgbọko mu;
tsoru mu t'ayi shi lẹ Lébanọnu lụfuta;
tsoru mu t'ayi shi lẹ Lébanọnu lụfuta;
haa ọnungonu ugvu Amana;
nggu ahaa ọnungonu ugvu Seniru;
mẹ kẹ Hẹmonu nyizita.
Shi l'iduma-agụ nyizita;
nggu eshi l'ugvu ẹke
oduma edomije onwiya nyizita.
9 I riakwaru mu obu;
nwunne mu;
nwunne mu;
mbụ nggụbe nwamgbọko mu.
I gudeekwa ẹnya,
i leru mu ugbo lanụ;
mẹ iphe-olu ngu tọta mu meji.
10 Lewaru iphe n-yemobu ngu
atsọ atsọtso; nwunne mu;
mbụ nggụbe nwamgbọko mu.
N-yemobu ngu kakwa mẹe ọtso ẹna.
Ẹge ono bẹ mkpọ manụ senti ngu
kakọtakwaphu iphe ọdo ọdo, oshi mkpọ.
11 Nggụbe nwamgbọko mu;
okfu, shi ngu l'ọnu atsọ ẹna
l'ọ bụ manụ-ẹngu, shi l'ẹbaku-ẹngu.
Iphe shi ngu l'ire bụ mini
ẹra-eswi; mẹ manụ-ẹngu.
Uwe ngu eshikota
kwẹkwekwe l'ọ bụ
ugvu ugvu Lébanọnu.
12 Nwunne mu; mbụ nggụbe nwamgbọko mu;
ị dụlephu l'ọ bụ mgbabu,
a tụ-chiru atụ-chi;
a tụ-chiru atụ-chi;
dụ l'ọ bụ nwogvu,
a gụ-chiru agụ-chi;
mbụ l'ọ bụ ọgba, a dachiru adachi.
13 Ọ bụ ụtara-okumu,
a mịshi akpụru dụ mma bụ
iphe jiru mgbabu ngu.
Oshi hena; mẹ nadụ
jikwaruphu mgbabu ngu ejiji;
14 mẹ nadụ; sáfarọnu;
kalamọsu yẹle sinamọnu;
mẹ l'iphe bụ ínsẹnsu, dụ iche iche;
mẹwaru mẹeru; alosu;
mẹwaru iphe bụ oshi,
eegudeje eme iphe eshi mkpọ.
15 Ị bụ ọgba-mini, nọ lẹ mgbabu;
bụru wẹlu mini, anụ ndzụ; bụru nggele,
shi l'ugvu ugvu Lébanọnu atsọshi atsọshi.
Kẹ nwanyi asụ:
16 Wata ephephe; nggụbe
phẹrephere, shi l'ụzo isheli!
Nggu abya; nggụbe
phẹrephere ọphu shi l'ụzo ọhuda!
Bya bya epheshi iphe mu
kụru lẹ mgbabu mu;
tẹ mkpọ iya ngashịa mgboko!
Tẹ nwoke ono bata lẹ mgbabu iya;
bya awọta akpụru iphe a kụru iya;
ọphu katsụa mma; ria.