1 Pinaychipeh da san Pilisteo tabo saw bōyot da do Apek. As siraw no Israelita saw, ki nagkampo sa do masngen do akbod do Jesreel. 2 Do nakapangidaōlo daw no pangōlwen da saw no Pilisteo siras bōyot daw a ginasgasot kan rinibrībo, si Dabid kan bonggoy na saw a mahahakay, ki nagmarcha sa met do dichodan daw da Āri Akis. 3 Inyahes, dan komander saw no Pilisteo saw a kon da, “Na, āngo parinen dan nya saya Hebreo dya?”

Ki tominbay si Akis a kāna, “Namna, iya abawriw nyas Dabid, iyaw no pachirawatanaw ni Saulo a āri no Israel? Nachirapa danaw dyaken so nasorok a asa katawen. As nakayapo do arawaw a kinarwan nas Saulo a mandas changori, ki abayaw naboya ko a pakapilāwan na.”

4 Ki siraw no komander saw no Pilisteo saw, ki nakasoli sa dya, kan binata da a kon da, “Paybidihen mo na do idyaw a inkeddeng mo a ngayan na! Basta dya machangay dyaten do paggogobatan. Āngwan paybadiwen na yaten a kalabānen anchan madamaw gobat. Ta aryoriw maganaganay a pangay-āyo nas āpohen naw an dya iyaw no kahap nas oho dan rārayay ta saya mahahakay? 5 Iyabawriw nya Dabid inkankanta daw do katatāda da a kon da,

6 Sinpangan na, inpatawag ni Akis si Dabid, kan binata na dya a kāna, “Ta akmas kasigorādo no kasibibyay ni ĀPO, nāw mwaya mapodno, kan mahwahok ako an makapagsīrbi ka dyaken do bōyot ko. Nakayapo do arawaw a nakangay mo dyaken manda sichangori, abayaw naboya ko a pakapilāwan mo, ki chaskeh daya imo no papangōlwen saya. 7 Dawa, maybidi ka na, kan komaro ka na sitatalna tan dyi mo sa mapasoliw papangōlwen sayan Pilisteo.”

8 Inyahes ni Dabid a kāna, “Na, āngo pinarin kwaya madi? Āngo naboya mo dyaken a pachirawatan mo a maikontra dyimo makayapo do arawaw a nakangay ko dyimo a mandas changori? Āngo ta dyi ako a makangay kan makapachigobat dyirad kabōsor saya no āpo ko a āri?”

9 Inatbay ni Akis a kāna, “Chapatak ko a abaw pakapilāwan mo do kapanyideb ko, ta akma kay anghil no Dyos. Ki siraw no papangōlwen saw no Pilisteo, ki inbahey da a kon da, ‘Basta dya machangay dyamen do paggogobatan.’ 10 Changori, omhep kamonchi a maybangon kan bōyot mo saya a pachirawatan ni āpo mo a si Saulo, as komaro kamo apāman a maysēsedang.”

11 Dawa, minhep a naybangon sa Dabid kan bonggoy na saw a mahahakay, as komnaro sa do kamabekas a naybidi do tana daw no Pilisteo. As siraw Pilisteo saw, ki somnonget*29:11 Siraw Pilisteo, ki omyan sa do masngen do kanayan. As siraw Israelita, ki omyan sa do paytoytokonan kan katokotokonan. dana sa met do Jesreel.