1 Siraw pōtotaw ni Noyi a sa Sem, Ham, kan Japet, ki myan pōtot da a nayanak do nakatayokaw no layos.

2 Siraw kapotōtan ni Japet, ki siraw tawotawo a Gomer, Magog, Maday, Jaban, Tobal, Mesek, kan Tiras. 3 Siraw kapotōtan ni Gomer, ki siraw tawotawowaw no Askenas, Ripat, kan Togarma. 4 Siraw kapotōtan ni Jaban, ki siraw tawotawowaw no Eliseo, Tarsis, Kittim, kan Rodanim. 5 Siraw nya tabo a kapotōtan ni Japet, ki kapoonan dan omyanaw do payis no kanayan kan siraw porporwaw. Minyan sa do bōkod da saw a gropo do matatarek a tana, as kan myan bōkod da a kapaychirin.

6 Siraw kapotōtan ni Ham, ki siraw tawotawo no Kos, Egipto, Pot, kan Kanaan. 7 Siraw kapotōtan ni Kos, ki siraw tawotawo no Seba, Habila, Sabtah, Raamah, kan Sabteka. Siraw kapotōtan a mahahakay ni Raamah, ki siraw tawotawowaw no Sheba*10:7 Do chirin Hebreo, maytarek “Seba” a siraw kapotōtan ni Kos kan “Sheba” a siraw kapotōtan ni Raama. kan Dedan. 8 Si Nimrod, ki asa kapotōtan ni Kos. Iyaw nanōma a nagdināmag a mabīleg a machigobat do tanaya. 9 Maynamot do sidong ni Āpo, nayparin a maganay a manganop. Dawa, nyaw nakayapwan panyinyirinaya a, “Payparinen pakono ni Āpo a maganay a manganop a akmas Nimrod.” 10 Do dāmo, no pagāryan ni Nimrod, ki nairāman Babel, Erek, kan Akkad. Tabo nya, ki myan do tana no Babilonya.†10:10 Mana “tana no Sinar”. 11 Yapo do dawri a tana, nangay si Nimrod do Assirya, kan iyaw napatnek siras syodadaw a Ninebeh, Rehobot-ir, kan Kala. 12 Pinatnek na paw Resen do payawan no Ninebeh kan Kala, iyaw mabīlegaw a syodad.‡10:12 Masigorādo aba an iyaw syodad no Kala mana Resen mana Ninebeh iyaw kararakohan kan kasisitaan. Ki siraw naibaheyaya a apat a syodad, ki nayparin a asa rakoh a syodad. Jon. 3:3

13 Siraw kapotōtan ni Egipto, ki siraw tawotawo no Lydia, Anam, Lehab, Napto, kan 14 siraw tawotawo no Patros, Kaptor, kan Kaslo a nakayapwan dan Pilisteo.

15 Siraw kapotōtan saw ni Kanaan, ki sa Sidon,§10:15 “Sidon” mana “siraw Sidoneo a tawotawo”. iyaw katotonngan, kan Het a ādi na, 16 kan siraw tawotawo saw a Jeboseo, siraw Amoreo, siraw Girgaseo, 17 kan siraw Hibeo, siraw Arkeo, siraw Sineo, 18 siraw Arbadeo, siraw Semareo, kan siraw Hamateo. Naychawpit saw nyaya do bōkod da a gropo a yapo do kapotōtan ni Kanaan. 19 As no tana dan kapotōtan ni Kanaan, ki yapo do Sidon a nandad Gerar do abagātan a masngen do Gasa, as kan nandad Sodoma, Gomorra, Adma, kan Seboyim do dāya a masngen do Lasa. 20 Siraw nya kapotōtan ni Ham, ki minyan sa do bōkod da saw a gropo do matatarek a tana, as kan myan bōkod da a kapaychirin.

21 Si Sem, ki iyaw ākang ni Japet,*10:21 Mana “Si Sem a iyaw ākang na, ki si Japet.” as kan iya paw kapoonan dan tabo Eber mana Hebreo saw a tawotawo. 22 Siraw pōtot ni Sem, ki sa Elam, Assor, Arpaksad, Lod, kan Aram. 23 Siraw pōtot ni Aram, ki sa Os, Hol, Gitir, kan si Mesek. 24 Si Arpaksad, ki āmang ni Sela a āmang ni Eber. 25 Siraw pōtot ni Eber, ki dadwa sa. Iyaw asa, ki mayngaran so Peleg,†10:25 Iyaw ōni no Peleg do chirin Hebreo, ki nagistayan parihas kan “maycharwa” mana “maysyay”. ta do dāwri a chimpo, naycharwaw tawotawo do tanaya.‡10:25 Mana “naysisyay tanatana do tanaya”. As no kakteh na, ki mayngaran so Joktan. 26 Siraw kapotōtan ni Joktan, ki siraw tawotawo no Almodad, Selep, Hasarmabet, Jera, 27 Hadoram, Osal, Dikla, 28 Obal, Abimael, Sheba, 29 Opir, Habila, kan Jobab. Sira tabo, ki kapotōtan ni Joktan. 30 Iyaw yanan da, ki yapo do Mesa a manda do Separ do mamandāya a katokotokonan. 31 Siraw nya kapotōtan ni Sem, ki minyan sa do bōkod da saw a gropo do matatarek a tana, as kan myan bōkod da a kapaychirin.

32 Siraw nya a naibahey, ki tabo sa a kapotōtan ni Noyi sigon do bōkod da a partīdos a nayparin a nasnasyon. Katayokan layosaw, tabo saw nasyon do tanaya, ki nakayapo sad pōtot saw ni Noyi.