48
Ozi ẹhu ndu Mówabu
1 A -bya l'opfu ẹhu ndu Mówabu; wakwa iphe, oopfu; mbụ Chipfu, bụ Ọkalibe-Kakọta-Ike; mbụ Chileke ndu Ízurẹlu:
“Nshịo Nebo; kẹle e meru iya;
ọ bụru ochobu.
Ndu Kiriyatayimu bẹ e
meru iphe-iphere;
bya akpụa phẹ
lẹ ndzụ.
Ụlo phẹ, bụ ẹka a kpụshiru
ike bẹ e meru
iphe-iphere tụkaa ya
nanụnanu.
2 A taa jaẹdu ndu Mówabu
ajaja.
Ọ bụru lẹ mkpụkpu
Hẹshibonu bẹ a chịru
phẹ ẹjo idzu sụ:
‘Unu bya g'anyi mee g'ọha
ono chịhu!’
Unubẹdua kwaphọ;
unubẹ ndu mkpụkpu
Madumenu
bẹ ee-mechakwaa laa
l'iswi.
Ogu-echi e-mechakwaa chịa
unu ẹjo ọso.
3 Unu ngabẹkpodapho
nchị nụma mkpu,
eechi lẹ mkpụkpu
Horonayimu;
mkpu alị arwụhu yẹe
oke ọla-l'iswi.
4 Ndu Mówabu bẹ e
mebyishiwaru.
Ụnwegirima iya chishiru
mkpu ike.
5 Ẹphe enyi obvu awụ eje l'ụzo
mkpụkpu Luhiti;
akwa ntụmatu eje atụgbu.
Mbụ l'ụzo ọkpa-úbvú
mkpụkpu Horonayimu
bẹ a nụmaru mkpu ẹkwa,
eechi ekpu iphemiphe ono,
larụ l'iswi ono.
6 Unu gbalaa! Unu gbaa ọso
ndzụ unu!
Unu je ebvuru g'irwu,
bvuru l'echiẹgu!
7 Eshinu unu kpọru obu ye
l'iphe, unu adụje ike mee;
yẹe ẹku unu bẹ
aa-kpụfukwaa unubẹdua
lẹ ndzụ.
Tẹme agwa unu, bụ Kemọshi
bẹ aa-kpụkwapho
lẹ ndzụ; yẹle ndu-uke,
agwajẹ iya nụ;
mẹ ndu-ishi iya.
8 Ee-mebyishi mkpụkpu lẹ
mkpụkpu.
Ọphu ọ dụdu mkpụkpu,
byaru anahụ nụ
mẹ nanụ.
Nsụda nsụda bẹ a-bụru
mkpurupyata.
L'e mebyishia ẹka dụ baswa;
kẹle ọo ẹgube ono bẹ
Chipfu pfuru iya.
9 Chibe ndu Mówabu ǹkù;
kẹle oo-mecha phelihu
phefu.
Mkpụkpu lẹ mkpụkpu phẹ
a-bụkotachaaru
ochobu.
Ọ tọ dụdu m'onye lanụ eburu
iya nụ.
10 Onye a tụru ọnu bẹ ọ bụ;
mbụ onye gude
ẹregede ejeru Chipfu
ozi!
A tụkwaru onye ono ọnu,
bụ onye te egudedu
ogu-echi iya egbu ọchi!
11 Eshi teke ọ bụ nwata
bẹ ndu Mówabu
nọkpoepho tụsaru ẹhu
g'ọhu-mẹe, dọru l'ite.
Ọphu a wụ-phedu iya
awụ-phe l'ite;
kẹle e teke akpụ-swee
ndu Mówabu lẹ ndzụ
lashịa alị ọzo.
Noo g'o gude ọ nọdu
atsọepho g'ọotso.
Ọphu ooshibuhudu
mkpọ eshibuhu.
12 Wakwa iphe, Chipfu epfu
baa:
O nwenụru-a mbọku,
abya nụ, bụ mbọku,
mu e-ye ndu
awụ-phe mẹe l'ite.
Ẹphe awụfuta iya l'ite ono,
ọ dọru ono.
Ẹphe awụfuta iya l'ite ọbu;
woru ite ono,
o shi dụ ono tsukpọshia.
13 Noo teke iphere Kemọshi
e-gude ndu Mówabu;
ẹgube ono,
iphere Bẹtelu guderu
ndu Ízurẹlu, bụ iphe,
ẹphe shi dakobe ono.
14 ?Dẹnu g'unu e-shi sụ l'ọkpehu
dụ unu;
l'unu bụ ndu dụ ike l'ọgu?
15 Ndu e-mebyishi Mówabu;
yẹe mkpụkpu, nọgbaa
ya nụ bẹ nọwaa anọno.
Unwoke phẹ, kachaa
agba mkparawa bẹ
ee-gbukọta egbugbu.
Nokwa iphe, oopfu;
mbụ Eze ono,
ẹpha iya bụ Chipfu;
bya abụru
Ọkalibe-Kakọta-Ike.
16 Teke ndu Mówabu a-la l'iswi
dụkwaa tsọkere.
Eze iphe-ẹhuka a-dapfukwa
phẹ ẹgwegwa.
17 Unu jekwa akpọru phẹ iphu;
unubẹ ndu unu l'ẹphe
bukubegbaa!
Mbụ unubẹ ndu maru ẹpha
phẹ.
Unu sụ phẹ-a: ‘?Dẹnu g'ọ nwụru
a gbajiru mgbọro-eze,
shihuru ike;
tẹme ọ bụru mgbọro,
ama ntụmatu-a?’
18 Unubẹ ndu bu lẹ mkpụkpu
Dibọnu;
unu shinụ lẹ biribiri unu
nyizeta
bya anọdu l'alị, dụ jakpọro
jakpọro;
kẹle onye emebyi ndu
Mówabu byapfutaru
unu bya egwepyaa
mkpụkpu lẹ mkpụkpu
unu ono,
a kpụshiru ike ono.
19 Unu pfụkpodarupho l'agụga
gbororo gee ngge;
unubẹ ndu mkpụkpu Arowa!
Unu jịa unwoke, agba ọso;
yẹe ụnwanyi,
nahụru nụ!
Unu jịa phẹ sụ phẹ:
‘?Bụ gụnu meru?’
20 Ndu Mówabu bẹ e meakwaru
iphe-iphere kpua;
kẹle ẹphe dakashịhuwaru.
Unu rwua erwubvu;
chishia mkpu ike!
Raa ya arara lẹ nggele Anọnu
lẹ Mówabu bẹ e
mebyishiwaru!
21 Ndu bu lẹ mbarabata bẹ ikpe
dapfuakwaru;
mbụ ndu Holọnu;
yẹe ndu Jiahazu;
waa ndu Mefahatu;
22 dapfu ndu Dibọnu;
yẹe ndu Nebo;
mẹkpoo ndu
Bẹtu-Dibulatayimu;
23 dapfu ndu Kiriyatayimu;
yẹe ndu Bẹtu-Gamulu;
yẹe ndu Bẹtu-Meyọnu;
24 dapfu ndu Keriyotu;
yẹe ndu Bọzura;
dapfukọta mkpụkpu
lẹ mkpụkpu ndu Mówabu
l'ophu;
ndu ọphu bu ẹnya mẹ
ndu ọphu bu ntse.
25 Mpu ndu Mówabu bẹ e
chikwashịakwaru.
Tẹme e chikwoshiwa iya ẹka.”
Nokwa iphe, Chipfu eepfu
bụ ono.
26 “Unu chegharu iya mẹe ẹka;
kẹle ọo Chipfu bẹ o koru
ọkpa l'ishi.
Gẹ ndu Mówabu watanụ
ebvuka ẹgbo, ẹphe gbọru;
g'ẹphe abụru iphe,
ee-gude agba mgbọnu.
27 ?Tọbudu ndu Ízurẹlu bẹ
unu shi egudeje agba
mgbọnu?
?Bụ ẹphe lẹ ndu-oshi shi
nọdu teke ono tọo;
mekwanụru g'o gude unu
shi atụje ụka l'ishi
ekweru iya une
mẹ unu -nọdu epfu opfu
ẹhu iya?
28 Unu gwọbechaa mkpụkpu
unu je eburu
l'agbara-mkpuma;
unubẹ ndu Mówabu!
Unu dụepho gẹ kparaka,
bụ l'ọnu ọgba bẹ
ọokpaje ẹpfune iya!
29 Anyi nụmakwaru gẹ Mówabu
gude ekube onwiya.
Mbụ l'o kunukaru onwiya;
tẹme ọ nọdu etsenụka
etsetse.
Mbụ l'eku-onwonye ọbu
mẹkpoo etsetse iya
ọbu;
mẹkpoo mkpọfu-ọkpoma
iya ọbu bẹ parụ ẹka.”
30 Wakwa iphe, Chipfu epfu
baa:
“Mu makwarụ oke ẹhu-eghu
iya;
ọle ọ bụkwanu kẹ
mmanụ.
Tẹme ekuku, ooku onwiya
bụkwarupho iphe-mmanụ.
31 Noo g'o gude mu nọdu
erwu erwubvu l'opfu
ẹhu ndu Mówabu.
Mbụ l'ọo ndu Mówabu l'ophu
l'ophu bẹ mu echi
mkpu iya.
Ọ bụru ndu mkpụkpu
Kiru-Harẹsetu bẹ mu agụ
aphụ phẹ.
32 Mu kakwa ara ẹkwa gụbe
opfu-vayịnu kẹ mkpụkpu
Sibuma eme lẹ kẹ Jiaza.
Ị jaru àjàjà jarwuchaa
k'ọphu ẹkali ngu rwuchaaru
eze-ẹnyimu;
jerwuchaa eze-ẹnyimu,
nọ-kube mkpụkpu Jiaza.*48:32 Ọo Eze-ẹnyimu Únú bẹ epfu opfu iya l'ẹka-a.
Ọle e mebyishiwaru iphe,
bụkpoo akpụru ngu.
33 E wofuwarụ ẹhu-ụtso yẹe eme
ẹmereme l'ẹgu oshi-ọmi
ndu Mówabu yẹle
alị phẹ.
Mẹe bẹ mu mewaru g'a ba
kụtajehe l'ẹka aakụje
mẹe.
Ọphu ọ dụedu onye
anọdujekwadu akwa
ẹvu mẹ a -nọdu akụ iya.
A makwarụ-a l'aanọduje anụ
olu l'ẹka ono;
ọle ọ tọ bụedu olu onye
akwa ẹvu.
34 Mkpu, ẹphe echi
ngakọtaakwaru.
E shi lẹ Hẹshibonu chikọta
mkpu ọbu;
je akpaa lẹ Eleyale;
mẹkpoo lẹ Jiahazu.
E shi lẹ Zowa chia ya jasụ
lẹ Horonayimu;
waa Ẹgulatu-Shelishiya;
noo kẹle mini
tashihụchaaru je
akpaa lẹ kẹ Nimurimu.
35 L'alị ndu Mówabu bẹ mu
e-me g'a gwabuhu iphe
l'ẹnya ẹka aagwajẹ iphe;
mee g'a ta akpọjehe
ụ̀nwù-isẹnsu ọku nụ
agwa phẹ.”
Nokwa iphe, Chipfu eepfu
bụ ono.
36 “Ọo ya bụ l'obu mu aphụ
swooswooswoo
agụ aphụ ndu Mówabu
g'onye aphụ ototo;
ọ nọdu agụ aphụ ndu
Kiru-Harẹsetu g'onye
aphụ ototo; kẹle urwu,
ẹphe ritaru bvụwaru.
37 Onyemonye kpụshiwaru ishi.
Onyemonye kpụshia ẹ́jí-agba.
Ọ́nyá-mma dụkota
onyemonye l'ẹka.
Onyemonye gbaphukọta
uwe-aphụ l'upfu.
38 Mbụ l'iphe, ada l'ọma
ụlo-eli,
nọgbaa l'alị ndu
Mówabu;
mẹ l'edupfu l'edupfu l'ophu
ta adụkwa iphe ọzo,
gbahaa ụzu-ẹkwa;
noo kẹle mu tsukpọshiwaru
ndu Mówabu g'ite,
adụdu onye ọ dụ ree.”
Nokwa iphe, Chipfu eepfu
bụ ono.
39 “Waa g'a tụkashiru phẹ
nanụnanu!
Waa g'ẹphe atụ ụzu-ẹkwa
wọowoowoo!
Waa gẹ ndu Mówabu gude
iphere ghaa azụ!
Ndu Mówabu bụakwaa iphe,
e gude agba mgbọnu.
Mbụ l'iphe, bụkpoo ndu
nọ phẹ ntse bẹ ọonyi
ishi ẹdzu.”
40 Wakwa iphe, Chipfu epfu baa:
“Lenu! Ugo ephekwa raa
ephezeta l'alị.
O woru ǹkù iya jashịa l'eli alị
ndu Mówabu.
41 Mkpụkpu, nọgbaa ya nụ bẹ
aa-lwụtachaa.
L'a natachaa phẹ ụlo,
ẹphe edomije onwophẹ.
Lẹ mbọku ono bẹ obu ndu
Ojọgu ndu Mówabu
a-dụepho g'obu nwanyị,
ime eme.
42 Ndu Mówabu l'ophu bẹ
ee-mebyishi
kẹle ẹphe koru Chipfu
ọkpa l'ishi.
43 N-yemebvu; yẹe iduma iduma;
yẹe ọ̀nyà nọgbakwa echeru
unu echeru;
unubẹ ndu Mówabu!”
Nokwa iphe, Chipfu eepfu
bụ ono.
44 “Onye nahụru n-yemebvu;
l'ọodaba l'iduma.
Onye nyifutaru l'iduma;
ọ́nyà a-nmata iya.
Noo kẹle ọo iphe ono bẹ
mu e-gude byapfuta
Mówabu l'apha,
aa-nọdu anụ iya aphụ.”
Nokwa iphe, Chipfu eepfu
bụ ono.
45 “Lẹ mgboru mkpụkpu
Hẹshibonu bẹ ndu
agba ọso ọgu pfụru
nyẹgenyege.
Noo kẹle ọku kpụfuru
lẹ Hẹshibonu.
Mbụ l'onwu phuruphuru ọku
etsu l'ime mkpụkpu
Sihọnu.
Ọ bụerupho l'echi ishi bẹ
otsu ndu Mówabu.
Mbụ ọkpu-ishi ndu ono,
shi anọduje aba
hanyịhanyi ono.
46 Nshịo unubẹ ndu Mówabu!
Ndu Kemọshi bẹ e
mebyishiakwaru.
Ụnwu unu nwoke bẹ a
kpụakwaru lẹ ndzụ laa
alị ọzo.
Tẹme ụnwada unu phẹ bụru
ndu a lwụtaru l'ọgu laa
alị ọzo.
47 Ọle mu e-mechakwaa dophu
ndu Mówabu azụ l'ọnodu phẹ
lẹ mbọku, dụ l'iphu.”
Nokwa iphe, Chipfu eepfu
bụ ono.
Nokwa g'ikpe, e kperu ndu
Mówabu jeberu
bụ onoya.