2
Jiona epfu anụ Chileke
1 Tọbudu iya bụ; Jiona bya anọdu l'ime ẹpho okazụ l'ẹka ono wata epfu anụ Chipfu, bụ Chileke iya. 2 O pfua sụ:
Teke mu eje eze iphe-ẹhuka
bẹ mu rakuru Chipfu.
Ọ nụma olu mu.
Ọ bụru l'ime alị-maa bẹ mu
chiru g'a gbaaru mu
mkpu.
Ị nụma mkpu, mu echi.
3 Ị parụ mu chie l'ime
ogbu-mini;
mbụ l'ọhu-alị eze-ẹnyimu.
Utso gbaa gbapyabẹ mu.
Akparamini ngu mẹ
gborogboro,
ọoso nọdukota awụ
mu awụwu.
4 Mu pfua sụ: A chịfuakwaru
mu l'atatiphu ngu.
Ọle mu a-dabẹkwa-a ẹnya
l'ụzo eze-ụlo ngu,
dụ nsọ ọzo.
5 Gẹ mini meru g'o ria mu
rimia;
ogbu-mini lwee mu
kawọmu.
Ẹlwubara mini kwechia mu
ishi.
6 Mu dalahụkpoepho l'ọhu
l'ọhu eze úbvú.
Ọhu alị woru mu tụa mkpọro
ojejoje.
Obenu l'ị gụtaru ndzụ mu
l'iduma;
mbụ gụbe Chipfu,
bụ Chileke mu.
7 Teke mu shi abyawaa
atụ-buhu unme bẹ
mu nyatarụ gụbe
Chipfu.
Mu pfuahaa opfu nụahaa
ngu;
opfu mu rwua ẹka ị
nọ l'eze-ụlo ngu,
dụ nsọ.
8 “Ndu bụ mkpọkoro ntẹkpe
bẹ ẹphe tụru swịswia
bẹ o too rwuẹdu ẹka;
mbụ eze-iphe-ọma ono,
e gege meru phẹ ono.
9 Obenu lẹ mbẹdua
a-nọduepho agụ
ebvu-ekele gude
agwa ngu.
Iphe, mu kweru ukwe
ememe bẹ mu e-mekọta.
Ndzọta bụkwa onye ooshije
l'ẹka bụ Chipfu!”
10 Tọbudu iya bụ;
Chipfu bya atụaru okazụ
ono ekemu; o je agbọfu
Jiona l'alị ọkponku.