7
1 A kpụ-ghechaa igbulọ ono; mu bya eyeshikọta iya mgbo. A bya ahọo ndu nche ọnu-ọguzo; mẹ ndu ebvu; mẹ ndu Lívayi. 2 Ndu mu meru ishi ndu Jierúsalẹmu bụ nwune mu Hanani; yẹle Hananaya, bụ onye-ishi ụlo-mgbobuta. Noo kẹle Hananaya bụ onye e gude ire iya ẹka; tẹme ọ ka atsụ Chileke ebvu eme l'igwerigwe ndu ọzo. 3 Iphe, mu pfuru phẹ bụ: “G'a ta agụhajekwa ọnu-abata Jierúsalẹmu ghebe ọnu l'ẹbe abụ l'ẹnyanwu gbakotaru. Ọ -bụru lẹ ndu nche nọkwadu lẹ nche; g'a gụ-chishije mgbo iya agụ-chishi swọbechaa ya mgbọrígwè. Unu shi lẹ ndu bu lẹ Jierúsalẹmu họta ndu nche; g'ẹphe cheje nche l'ẹka dụ k'eche nche; ndu ọphuu anọdu l'iphu ụlo phẹ eche.”
Ndu shi l'ẹka a kpụru phẹ lẹ ndzụ lwa
(Ẹzu 2:1-70)
4 Jierúsalẹmu bụ eze mkpụkpu, ha shii bya aha kẹ phorokotokongu; ọphu ndu nọ iya nụ abadụ nwishi; tẹme ọphu ọ dụdu ụlo, a kpụwaru iya. 5 Tọbudu iya bụ; Chileke mu yee mu iya l'obu gẹ mu kukọo ndu ono, a maru ẹpha phẹ ono; mẹ ndu-ishi; mẹwaro ndu ọzo g'e deshia ẹpha phẹ l'eri phẹ l'eri phẹ. Mu bya ahụma ẹkwo, e deshiru ẹpha ndu vu ụzo, shi l'ẹka a kpụru phẹ lẹ ndzụ lwa; mbụ ẹkwo, e deshiru phẹ l'eri phẹ l'eri phẹ. Iphe, mu hụmaru, e deru l'ẹkwo ono bụ:
6 Waa ndu Ízurẹlu ono, shi l'alị Bábilọnu lwa; mbụ ndu ono, a kpụjeru lẹ ndzụ laa alị ọzo, bụ iya bụ ndu Nebukadineza, bụ eze ndu Bábilọnu kpụkojeru laa Bábilọnu ono. Ẹphe lwarụ Jierúsalẹmu; mẹ Jiuda; onyenọnu lashịchaa mkpụkpu ẹka o shi. 7 Ndu ẹphe tso lwa bẹ bụ Zerúbabelu; mẹ Jieshuwa; mẹ Nehemaya; mẹ Azaríya; mẹ Ramaya; mẹ Nahamani; mẹ Mọdekayi; mẹ Bilishanu; mẹ Misupẹretu; mẹ Biguvayi; mẹ Nahumu; mẹ Bana.
Waa gẹ ndu Ízurẹlu ono ha
bụ ọwana:
8 Oshilọkpa Paroshi bẹ dụ
ụnu ise l'ụkporo ẹsato
l'ụmadzu iri l'ẹbo.
9 Oshilọkpa Shefataya dụ
ụkporo iri l'ẹsato l'ụmadzu
iri l'ẹbo.
10 Oshilọkpa Ara dụ ụnu
nemadzụ l'ụkporo iri l'ẹbo
l'ụmadzu iri l'ẹbo.
11 Oshilọkpa Pahatu-Mówabu,
bụ iya bụ ndu shi l'eri
Jieshuwa yẹle Jiowabu bẹ dụ
ụnu ẹsaa l'iri l'ẹsato.
12 Oshilọkpa Elamu dụ ụnu ẹto
l'ụkporo labọ l'ụmadzu iri
l'ẹno.
13 Oshilọkpa Zatu dụ ụnu labọ
l'ụkporo labọ l'ụmadzu ise.
14 Oshilọkpa Zakayi dụ ụnu
nemadzụ l'ụkporo iri l'ẹsato.
15 Oshilọkpa Binuyi dụ ụnu
l'ụmadzu ụkporo iri l'ẹbo
l'ụmadzu ẹsato.
16 Oshilọkpa Bebayi dụ ụnu
l'ụmadzu ụkporo iri lẹ
nanụ l'ụmadzu ẹsato.
17 Oshilọkpa Azụgadu dụ ụnu
ise l'ụkporo iri l'ishii
l'ụmadzu labọ.
18 Oshilọkpa Adonikamu dụ
ụnu l'ụkporo iri l'ẹto
l'ụmadzu ẹsaa.
19 Oshilọkpa Biguvayi dụ
ụnu ise l'ụkporo ẹto
l'ụmadzu ẹsaa.
20 Oshilọkpa Adinu dụ ụnu
ụkporo iri l'ẹbo l'ụmadzu
iri l'ise.
21 Oshilọkpa Ateya, bụ iya bụ
ndu shi l'eri Hezekáya bẹ dụ
ụkporo ẹno l'ụmadzu iri
l'ẹsato.
22 Oshilọkpa Hashumu dụ
ụkporo iri l'ishii l'ụmadzu
ẹsato.
23 Oshilọkpa Bezayi dụ ụkporo
iri l'ishii l'ụmadzu ẹno.
24 Oshilọkpa Harifu dụ ụkporo
ise l'ụmadzu iri l'ẹbo.
25 Oshilọkpa Gibiyọnu dụ
ụkporo ẹno l'ụmadzu iri
l'ise.
26 Unwoke, shi lẹ Bẹtulehemu
mẹ Netofa bẹ dụ ụkporo tete
l'ụmadzu ẹsato.
27 Ndu kẹ Anatọtu dụ ụkporo
ishii l'ụmadzu ẹsato.
28 Ndu kẹ Bẹtu-Azụmavetu
bẹ dụ ụkporo labọ
l'ụmadzu labọ.
29 Ndu kẹ Kiriyatu-Jiarimu;
mẹ Kefira; mẹ Berotu dụ
ụnu l'ụkporo iri l'ẹsaa
l'ụmadzu ẹto.
30 Ndu kẹ Rama; mẹ Geba dụ
ụnu l'ụkporo iri lẹ nanụ
l'onye lanụ.
31 Ndu kẹ Mikumashi dụ ụkporo
ishii l'ụmadzu labọ
32 Ndu kẹ Bẹtelu; mẹ Eyayi dụ
ụkporo iri lẹ nanụ l'ụmadzu
ẹto.
33 Ndu kẹ Nebo ọphunapho
bẹ dụ ụkporo labọ l'ụmadzu
iri l'ẹbo.
34 Ndu kẹ Elamu ọphunapho bẹ
dụ ụnu ẹto l'ụkporo labọ
l'ụmadzu iri l'ẹno.
35 Ndu kẹ Harimu dụ ụkporo iri
l'ishii.
36 Ndu kẹ Jieriko dụ ụkporo iri
l'ẹsaa l'ụmadzu ise.
37 Ndu kẹ Lodu; mẹ Hadidi;
mẹ Ono bẹ dụ ụnu l'ụkporo
iri l'ishii l'onye lanụ.
38 Ndu kẹ Senaa dụ ụnu tete
l'ụkporo iri l'ishii l'ụmadzu
iri.
39 A bya lẹ ndu-uke Chileke:
Oshilọkpa Jiedaya, bụ iya bụ
ndu shi l'ọnu-ụlo Jieshuwa
bẹ dụ ụnu labọ l'ụkporo
ẹsato l'ụmadzu iri l'ẹto.
40 Oshilọkpa Ima dụ ụnu labọ
l'ụkporo iri l'ẹbo l'ụmadzu
iri l'ẹbo.
41 Oshilọkpa Pashọ dụ ụnu ẹto
l'ụkporo labọ l'ụmadzu ẹsaa.
42 Oshilọkpa Harimu dụ ụnu
labọ l'ụkporo iri l'ụmadzu
iri l'ẹsaa.
43 A bya lẹ ndu Lívayi:
Oshilọkpa Jieshuwa; mẹ
Kadụmelu, bụ iya bụ
ndu shi l'eri Hodavaya bẹ
dụ ụkporo ẹto l'ụmadzu iri
l'ẹno.
44 A bya lẹ ndu agụje ebvu:
Oshilọkpa Asafu bẹ dụ
ụkporo ẹsaa l'ụmadzu ẹsato.
45 A bya lẹ ndu nche ọnu-abata:
Oshilọkpa Shalumu; mẹ
oshilọkpa Ateya; mẹ oshilọkpa
Talụmonu; mẹ oshilọkpa
Akubu; mẹ oshilọkpa Hatita;
mẹ oshilọkpa Shobayi bẹ
tụkoru dụ ụkporo ishii
l'ụmadzu iri l'ẹsato.
46 Ndu anọduje eje ozi l'eze-ụlo
Chileke bụ:
Oshilọkpa Ziha; mẹ
oshilọkpa Hasufa;
mẹ oshilọkpa Tabayotu;
47 mẹ oshilọkpa Kerosu;
mẹ oshilọkpa Siya; mẹ
oshilọkpa Padọnu;
48 mẹ oshilọkpa Lebana;
mẹ oshilọkpa Hagaba; mẹ
oshilọkpa Shamụlayi;
49 mẹ oshilọkpa Hananu;
mẹ oshilọkpa Gidẹlu;
mẹ oshilọkpa Gaharu;
50 mẹ oshilọkpa Reyaya;
mẹ oshilọkpa Rezinu; mẹ
oshilọkpa Nekoda;
51 mẹ oshilọkpa Gazamu;
mẹ oshilọkpa Uza; mẹ
oshilọkpa Paseya;
52 mẹ oshilọkpa Besayi;
mẹ oshilọkpa Meyuni;
mẹ oshilọkpa Nefisimu;
53 mẹ oshilọkpa Bakụbuku;
mẹ oshilọkpa Hakufa;
mẹ oshilọkpa Hahuru;
54 mẹ oshilọkpa Bazulutu;
mẹ oshilọkpa Mehida;
mẹ oshilọkpa Hasha;
55 mẹ oshilọkpa Bakọsu;
mẹ oshilọkpa Sizera;
mẹ oshilọkpa Tema;
56 mẹ oshilọkpa Nezaya;
mẹ oshilọkpa Hatifa.
57 A bya lẹ ndu bụ oshilọkpa
ndu-ozi Sólomọnu bụ:
Oshilọkpa Sotayi;
mẹ oshilọkpa Sofẹretu;
mẹ oshilọkpa Perida;
58 mẹ oshilọkpa Jiala; mẹ
oshilọkpa Dakọnu; mẹ
oshilọkpa Gidẹlu;
59 mẹ oshilọkpa Shefataya;
mẹ oshilọkpa Hatilu; mẹ
oshilọkpa Pokẹretu-Hazebayimu;
mẹ oshilọkpa Amọnu.
60 Ndu eje ozi l'eze-ụlo
Chileke g'ẹphe ha; mẹ oshilọkpa
ndu-ozi Sólomọnu bẹ dụ
ụkporo iri lẹ tete l'ụmadzu iri
l'ẹbo.
61 Ndu ọwana bụ ndu ọphu shi lẹ mkpụkpu Tẹlu-Mela; mẹ lẹ mkpụkpu Tẹlu-Hasha; mẹ lẹ mkpụkpu Kerubu; mẹ lẹ mkpụkpu Adọnu; mẹ lẹ mkpụkpu Ima lwa. Ọle ndu ono ta adụdu ike goshi ọnu-ụlo, ẹphe shi fụta; mẹ oshilọkpa onye ẹphe bụ; k'ọphu ee-shi nno maru ?ẹphe bụa ndu Ízurẹlu? 62 Oshilọkpa Delaya; mẹ oshilọkpa Tobaya; mẹ oshilọkpa Nekoda bẹ dụ ụnu l'ụkporo iri l'ẹbo l'ụmadzu labọ.
63 A bya l'oshilọkpa ndu-uke Chileke: oshilọkpa Hobaya; mẹ oshilọkpa Hakọzu; mẹ oshilọkpa Bazịlayi; nwoke ono, lụru nwada Bazịlayi k'alị Giladu; a nọdu ekuwa iya rọ ẹpha ala l'ẹpha iya. 64 Ndu ono bẹ a chọru ẹpha phẹ l'ẹkwo, e deru g'e gude nwụshia phẹ; ọle a ta ahụmaduru ẹpha phẹ l'ẹkwo ono. Ọo ya bụ; e wofu phẹ g'ẹphe ta abụheru ndu-uke Chileke; dobe phẹ gẹ ndu aasọ nsọ. 65 Ọchi-ọha bya asụ g'ẹphe ta ayịjeshiru ria nri, kakọta adụ nsọ jasụ teke ee-nweru onye uke Chileke, e-gude ido Urimu; waa Tumimu kpata Chipfu ishi.
66 A -kpakọta igwe-ọha ono bẹ ẹphe dụ ụkporo ụnu ise l'ụnu ise l'ụkporo iri l'ẹsato;*7:66 Bụ iya bụ 42,360 lẹ mbekee. 67 a -gụfukwa ndu-ozi phẹ unwoke; mẹ ụnwanyi, ndu dụ ụnu iri l'ẹsato l'ụkporo ishii l'ụmadzu iri l'ẹsaa. Ẹphe nwekwarụpho ụkporo ụmadzu iri l'ẹbo l'ụmadzu ise, bụ unwoke yẹle ụnwanyi, anọduje agụ ebvu; 68 bya enweru ịnya, dụ ụnu l'ụkporo iri l'ishii l'ịnya iri l'ishii. Ẹphe nweru ịnya-mulu, dụ ụkporo iri l'ẹbo l'ịnya-mulu ise. 69 Ịnya-kamẹlu phẹ dụ ụnu l'ụkporo l'iri l'ise; bya enweru nkapfụ-ịgara, dụ ụnu iri l'ishii l'ụkporo iri l'ishii.
70 O nweru ndu-ishi l'ẹnya-unuphu ibe nna phẹ, nụru iphe g'e gude yeta ẹka jee ozi ono. Ọchi-ọha bẹ yeru ẹkpa mkpọla-ododo iri l'ụlo-ẹku; mẹ gbamụgbamu, dụ ụkporo labọ l'iri; mẹ uwe ndu-uke Chileke, dụ ụnu uwe l'ụkporo ishii l'iri. 71 Ndu bụgbaa ishi l'ẹnya-unuphu ibe nna phẹ harụ woru mkpọla-ododo, dụ ụkporo ụnu ugbo labọ l'ụnu iri; nụ g'e dobe l'ụlo ẹku, ee-gudeje jee ozi ono; bya anụ mkpọla-ọchaa, dụ ụkporo ụnu ugbo iri l'ẹto l'ụnu iri l'ise. 72 Mkpakọ iphe, ndu ọzo nụru bụ mkpọla-ododo, dụ ụkporo ụnu ugbo labọ l'ụnu iri; mẹ mkpọla-ọchaa, dụ ụkporo ụnu ugbo iri l'ẹbo l'ụnu iri; mẹ uwe ndu-uke Chileke, dụ ụkporo ẹto l'ẹsaa.
73 Tọbudu iya bụ; ndu-uke Chileke; mẹ ndu Lívayi; mẹ ndu nche ọnu-ọguzo; mẹ ndu agụje ebvu; mẹ ndu eje ozi l'eze-ụlo Chileke; mẹwaro ndu ọzo; mẹ ndu Ízurẹlu g'ẹphe ha tụko buchaaru lẹ mkpụkpu lẹ mkpụkpu phẹ.