75
Ebvu-ọma, Asafu deru nụ
onye-ishi ebvu; ishi ebvu iya
bụ “B'ekwekwa gẹ mu laa l'iyi”
onye-ishi ebvu; ishi ebvu iya
bụ “B'ekwekwa gẹ mu laa l'iyi”
1 Anyi ekele ngu ekele gụbe
Chileke;
anyi ekele ngu ekele.
Ndu eku ẹpha ngu atụ ọnu
iphe, dụ biribiri,
iimeje.
2 Ọo gụbedua, bụ Chileke sụru:
“Mu dobewaru teke mu e-kpe ikpe;
kpee ya nhamụnha.
3 Teke eliphe l'ophu; mẹ iphe,
bụ ndu nụ iya nụ
anma jiijiijii;
bụ yẹbedua bẹ egudeje itso
iya gudeshia ya ike.
4 Ndu eku onwophẹ bẹ ya
asụje: Unu hanaa
eku onwunu!
Ya asụ ndu ẹjo-iphe: Unu ta
malihẹ mpu unu imeli!
5 Unu ta amalishiru
igwe mpu!
Unu te ewoshinuru olu
pfụbe kanganaa
asa kpaakpaa!”
6 Ekutse amadụ te eshidu
l'ụzo ẹnyanwu-awawa;
ọphu o shidu l'ụzo
ẹnyanwu-adada;
ọphu o shikwaphọ
l'ụzo echiẹgu.
7 Ọo Chileke bụ onye
ekpeje ikpe.
Ọo ya ekudajẹ onye ọwa-a;
l'o kutsee onye ọzo.
8 Chipfu pa okoro l'ẹka.
Iphe, jiru iya nụ bụru mẹe,
ata kpịtikpiti, adụdu iphe,
e yedụru iya gude mee
ya o shihu ike.
Ọ nọdu abụjeru;
a -nọnyaa l'ọ wụshia ya.
Iphe, bụ ndu ẹjo-iphe,
kụru l'eliphe angụa ya
jasụ l'ọ bvụ.
9 Obenu lẹ mbẹdua a-nọdu
ete ẹswa jasụ
l'ojejoje.
Mu a-nọduepho agụ
ebvu etu Chileke kẹ
Jiékọpu ẹpha.
10 Mu a-swọshicha ndu
ẹjo-iphe mpu,
ẹphe gude eme ike;
wolia mpu kẹ ndu
pfụberekoto g'ọ
pfụru kanganaa.