126
Ebvu, aagụje mẹ a -nọdu
eje Jierúsalẹmu
eje Jierúsalẹmu
1 Teke Chipfu duphutaru ndu
ono, a kpụru lẹ ndzụ
ono azụ lẹ Zayọnu bẹ ọ
dụ anyi g'ọ bụ lẹ nrwọ
bẹ anyi arwọ iya.
2 Ọnu-ọchi kojachaa anyi
asha ekoja.
Ire pfụru anyi ọto l'agụ
ebvu ẹhu-ụtso.
Ndu ọhozo wata epfu sụ:
“Chipfu meakwaru phẹ iphe,
parụ ẹka.”
3 Chipfu meakwaru anyi iphe,
parụ ẹka.
Ọ bụru iya meru g'o gude
ẹhu nọdu atsọ anyi
ntụmatu.
4 Jiko Chipfu; duphunu anyi
azụ l'ọnodu anyi ono;
ẹgube ono, i meru;
nggele sọahaa gborogboro
l'echiẹgu ndọhali ono;
5 k'ọphu ndu gude
ẹnya-mini kụa iphe l'alị
e-gude ebvu ẹhu-ụtso
kpata iya akpata;
6 mbụ l'onye ono,
gude ẹnya-mini akụ
iphe l'alị bẹ a-gụru ebvu
ẹhu-ụtso lwa;
vuru wọpfula-wọpfula iphe,
o metaru l'opfu iya.