142
Anôtô ênam aêac sa aŋga gêŋwapac ŋalêlôm ŋamec
1 Aê aoc gêjac Apômtau kapôêŋgeŋ,
gamôêc kapôêŋ gêdêŋ Apômtau.
2 Aê kasêwa ŋoc taŋi gêc eŋ laŋônêmŋa,
kasôm ŋoc gêŋwapac lasê gêdêŋ eŋ.
3 Gêdêŋ taŋ ŋoc ŋalêlôm ŋagogo naŋ,
mago aôm kôjala lêŋ, taŋ aê kasa naŋ.
Sêwa lakô kelecgeŋ
gêc ŋoc intêna, taŋ kasa naŋ.
4 Aê matoc geso gêmu anôŋa,
mago katap ŋac teŋ gebe ênam aê saŋa sa atom.
Aê gabe jaê lamu gêŋ teŋ, mago katap sa atomanô
ma ŋac teŋ gebe ênam aê saŋa gêmoa atomanô.
5 O Apômtau, aê aoc gêjac aôm.
Aê kasôm gebe ŋoc lamu aôm to ŋoc gêŋlênsêm, taŋ gawê kaiŋ aŋga lau mateŋ jali nêŋ gamêŋ naŋ.
6 Ojae, ôŋô ŋoc taŋiboamaŋ gebe aê katuc gêbac su.
Ônam aê kêsi aŋga lau, taŋ sêlêsu aê naŋ, gebe nêŋ ôliŋ walô kêlêlêc aê su.
7 Wê aê sa aŋga kapoacwalô
gebe jalanem aômnêm ŋaê.
Aôm embe ômoasiŋ aê,
oc lau gêdêŋ sêkac sa sêwiŋ aê.
gêŋgôŋ poclabu naŋ. *Dawid gêga wê tonaŋ gêdêŋ taŋ