5
Nakima sun tuma hi Almasihu a nota sun tu mbu kika lunde kri gbangba ndina lah k'ma hi tie gran na. Toh mba, ime Bulus misi hla ni yiwu inde ba yo nji ni yiwu, Almasihu na he ni amfani ni yiwu na ko ni nkon ri. Nakima mi toh du indji wa ba you nji ni yu ahi dole ka hu tre tron wawu'u. Bi ka Almasihu don wawu mbi wa ba chu yi rju ni gran nitu tron, bi joku ni ndindi. Nakima ni Ibrji Tsatsarka nimi njanji ki si gben ni suron mbu ni njanji. Nimi Almasihu you gjin ko yo gji na he ana nitu koh. Njanji ni kangrji ma u ti ndu ni son, wawu i azan muhimmanci. Ni sen bana kru yi zi, ahi nha zu yi bubu hu najnji? Rijayi wa adu niti nayi, ana wa ba you yi na. Ai vi yisti fime ani du gbugbu mumu san. 10 Mi he ni wa i ni se kpa hle niyi ni mi Bachi bina ri mre inkon ri nkan na wa a du yi kma ani ti yah, ko ahi nha. 11 Mri ya inde hra zizan, bla tre you gji mi si bla, ingyen sa basi ti me yah? Inde naki ki kbu zah ni tita ngame ni giciye ka zie. 12 Mi yi fata biwa ba gyuru yi, ba kma tumbi ti na bana lilon na. 13 Mri ya don Irji you yi rju nimi gran. Bika na du rju nimi gran du kma hi ni kpa. Nakima ni mi son ki ka zo kpa mbu. 14 Nakima itron wawu'u du shu ni mi doka riri. Wu ka son indji u kutra kahlan me na tu me. 15 Inde bi tan kpambi ni mre kpambi, bi ka toh ndi na wuu kpambi na. 16 Mi tre du yi zren nimi Ruhu ndindima bina shu kpambi ni son u kpa na. 17 Naki ikpa ani you shishi u gbengblen ni Ruhu ndindi, Ruhu ndindi me ani yo shishi ni kpa. Naki ma bina ya tie kpe wa bi son na. 18 Inde Ruhu ndindi si zren ni yi, bina he ni mi tron na. 19 Zizan'a indu u kpa ahe ni rira me, baba i ba tie fah, tsatsar na he ni bana son kpa, 20 bi hu ibrji, bi tron, bi wa nyu, sen nyu, bi tie hwyu, bi tie nfu, bi rinra, biwa bana son si ni mri vayi mba na, bi ga kpamba, 21 bi tie ngu, bi hwa, ba hwa nda tsi, ni mbru kpi bi yi. Mi tre ni yiwu na mina tre ni yiwu ni sen, bi wa basi tie kpi biyi bana ri ni koh Irji na. 22 Naki mri Ruhu ndindi ahi son, kinklan suron, son si, vu suron, tie ndindi, suron ndindi ni njanji, 23 katu grji, vutu, itron na he ni mi kpi bi yi na. 24 Biwa ba u Almasihu Yesu ba klo halin kpa ni titan kpi bi meme yah. 25 Inde ki sun nimi Ruhu ndindi ki ka zren nimi Ruhu ndindi. 26 Kina he na biwa ba nzutu mba na, ko kina ta w nyu ni kpa mbu na, kina ta tie hwyu ni kpa mbu na.