Bikoro bu kirau in nu witu Tare
Ma buki we tize ta nyimo, abanga a birangara ko uya uganiya. Katti wa kuri inna dumo. Innu gusa, “Anyumo nire nipin ure unu urusa tize ma zo meni biyau ba Aere ba dāā ma hiri anu in tice ani ce ba. Ure ukoro ma rani a nyimo ani pin ma ziki innu eze ahira a meme, unnu gusa, “Ben kim in kem in suri a tari ti nu ukara um. A tiye joko ma zunusu ma benki meba, kamarka tiye cin magu nice nimeme, inda zom biyau ba Asere ba nannu hira anabu gu imum ba. Barki ukoro ugeme ma hum nipum. Asere magu, “kunna imum ige sa unu rusa itize ma buki. A ana Asere mada ayen kadundere a hira anu zonka sa wa zin na so innu wui nan niye ba? Ma buka shi agi madi e in kadundere debe. anime ani, inka vana Asere ma aye, madi kem u inko iriba a ma nyanga? Monno ma kuri mabuki tize tanyimo a ayesa wa inki iriban agi wa zi lau wa izi aye. 10 Anu are wa ha udenge ASere abiringara, anu bezi urusa nan nu kabsa ukirfi. 11 Unu bezi ursa ma tonno in biringara anice nimeme, akari, anu imum ibur, anu tozoin na ney nani gu unu imum ibur, anutozo in na ney nani gu unu ukabsa ikirfi igeme. 12 In kee in gam ure imum are kare ka tiya tiye sunare, in nyiza udukym anyimo ukirau vatimum sa ma kem. 13 Senke unu kabsa ikirfi me, maa turi put, ma yeze aje a sere senke ma vavi nihenu ni meme, unnu gusa, Asere kunna ugogoni um una maa dini”. 14 Ma gu imme, unun ugeme makuri a kura ameme lau, ma teki uroni me, barki vat unu uge sa ma yeze nice nimeme adi yeze me. 15 Anu me wa kuri wa e inna hana cincin, barki wa dari we, senke anu tarsa wa iri waa gwarika me. 16 Senke Yeso ma titi me, innu guna, cekini mu hana mu cincin wa e a hira am, kati ikarti weba akura Asere awe ani. 17 Kadundere ma bukashi, unu yesa ma nyari me ukaba a kura Asere gu vana cingilin, madaa ribe a nyimo ba. 18 Ure unu ugomo ma iki me, u nyettike, indi wu aneni in kem urai wa Asere? 19 Yeso magu imme, nyani utisam unu uriri? unu uriri mazoni senke Asere cas. 20 Urusa udungurka me, kati utoti unni ney u uye ba, kati u huu uye, kati uwuzi nikari, kati u wu moco, wuza aka coo uwe me imum iriri. 21 Ugomo ma gu, “Vat timumum me ma wuzi dati innu ti nyani tum. 22 Sa Yeso maa kunna magu imme, imum ineisa wa dira. udi zizi vat imum sa uzin u nya anu dira, u kabi ya zesere, u e u tarsim. 23 Senke sa ugomo ma kunna timumun me, ma kunna iriba kang, barki ikirfi imeme. 24 unnu ira umeme maa kunna iriba, magu, a ikunna. Unnu ikirfi maribe akura Asere. 25 me inna banga ba U Pakumi uribe anyimo anije ni alira, unnu guna una kirfi ma ribe Akura Asere. 26 kunna wagu, “Ani aveni madi suburka?” 27 makabirka, imum sa idaa hem anu ba idi hem a hira Asere. 28 magu, “Ba, ta ceki tirunga tiru vat ti tarsa we?” 29 magu in weh, kadundere maguna si, daki uye sa ma ceki akura ameme, uney, a henu nan aka coo, nan na hana, barki akuru Asere, 30 madaa kaba ige sa iteki uneh nannu uney u eze, urai wa Asere. 31 ma ori anu tarsa a hira ameme, magu in we ira, ti haza urshalima, vat unyettike wa na kadura me abanga vana unubu idi Ngwinca. 32 nya me atari alumai, Wadi Wuzi me nieru, wa nya me mu ih wa wu me tobi. 33 wa maari utira ume, we hu me, rono utaru ma hiri. 34 rusi timumum ba, a hunze Wen, daa wa rusi ba imum sa abuki ba. 35 Yeso ma eh mamu nan uyeriko, ure urubo ma ciki upuru una unnu nyara. 36 ma kunna nigoh nanu wa aaki, ma iki, 37 izi?” Wa gu imme, Yeso u Nazeret ma aka. 38 Me ma Yeze nigwiran, magu, “Yeso, vana u Dauda, kuma ngogoni um”. 39 Sa wa haaki aje wa gwangirka urobo me, wa gu 'imme ma ingara tik. Senke ma ru aje innu hunu kang, Vana U Dauda! Kunna ugogoni um”. 40 Yesu ma tonno dang ma dungurka a eh innu nu me a hira a meme. 41 U nyara u wu we?” Magu, “Una kura, in nyara in hiri a hira?” 42 Ma gu imme, kaba uhira, u inko iriba uwe me wa nya we ni huma. 43 Me maa huma, matarsi me, unnu nonzo Asere. Anu vat sa wa iri, wa nonzo Asere.