1 ኦማ አካማ ደይ ዲንቂ ቤሶ ሳማስታክ ቢን፤ ሀኦሲ ግእአ ኮኡናክ ዛጉኒ ኮእኒ ናፉን ቤቶሶን ኤጶ ሀኦኒ ዎሲያ ናፉኖን ቢን።

2 ኤሴን ኦርፎ ጌያ ዎእቶ ቡርጩቆነ ፋ ባሃሪ ቢን። ኤሲስማቶ ጎኞሶንናዋ ጎኞሲ ሱራኖንና፤ ደይ ሱንባሲ ፋዳኖን ኔቤሬ ሜሬ ባሶትን ቢን፤ ሀኦስ ባሶክ እምና ካማሶን ኤጳት ቡርጩቆነ ፋ ባሃሪሲ ቴሻ የርሴፌር። 3 ሀኦሲ ዎስትኛ ስና ሙሴኒ ጋማሶንናዋ ፋንቱሳ ጋማኖንና፦

5 ኤሴን ኦርፎ ደይ ቢን፤ ዛልኒ ዱርካኒ ስና ቤቴሜቅደሲስ ደን ሳማክ ጋችቼ። 6 ናፉን ቤቶሶን ኤጶ ሀኦሲ ናፉን ዎሲያኒክቶ ቤቴሜቅደሲሲን ኬሲ፤ ካይማ ፎሮ ፓልፓሉ ላይሎንኒ ማማ ማዮ። ንቤሲሶን ደይ ዋርቄኒ ታልፋክ ታርኤራ ፌሴቴር። 7 አቼች ካባሬሬ ዉዛሲክቶስን እሳይስ ሀኦኒ ናፉን ዎሲያሲክቶክ ኮእባኔን ኮእባ ፎንቶኖን ካርአ ፎኒ ሀኦሲ ግእአ ቱምማ ፋና ናፉን ዋርቄኒ ቶፎሶን እሚ። 8 ቤቴሜቅደሲስ ደይ ሀኦሲ ኡልፍናታንናዋ ሁግናታንና ካብ ቾዋ ቹዋክ ቱሚ። ሀኦሲ ናፉን ዎሲያኒክቶ ኤጴና ናፉን ቤቶሲክቶ ኮኡናኔን ኦኑ ቤቴሜቅደሲሲ ግሩናክ ኣነ ችሜ።