1 Ruhu Alaye Isalan dǝgana duwon, Isa bǝrǝm Jordaniye kolje Ruhu Alaye tia simojiye karaa dǝɍiro culuwe 2 kawu fidewuro Yiwulis tia jarapci kǝrga. Yim anin Isa awima juwunni, ngawo adǝyen kǝna tia kida. 3 Daji Yiwulisse tiro: «Ni Tada Alayea, dongur kauye adǝro wulgǝne kǝmboro waljo!» yeno. 4 Isaye: «A’a, kitawulan ruwuwada: “Kam kǝmbo baslan gǝni dǝgai,”»†4.4 SK 8.3 yeno.

5 Koro Yiwulis tia na toɍi laaro cade samdǝn tiro larduwa duniaye sammaa fǝleyeyenniya, tiro: 6 «Kǝnduwo-a daraja-a larduwa ani sammayedǝa niro njikki. Awo ania wuro sadǝna, wu ye kam raakkǝnaro tayia yikki. 7 Wuro sujada sǝddǝmia, ani samma kaanǝmbo waljai,» yeno. 8 Isaye: «A’a, kitawulan ruwuwada: “Ala Kǝmandero sujada yidde, ti tilonjuro ambǝtkǝgǝne!”»†4.8 SK 6.13 yeno.

9 Koro yaye Yiwulis tia Jerujalembo cade loiloiram Fado Alayen gǝnayenniya, tiro: «Ni Tada Alayea, na adǝn sǝktǝne cidiro yukkure! 10 Awoa kitawulan ruwuwada: “Ala malaiyawanjuro wada ce nia njaɍiwi,” 11 koro: “Nia mukkonjan kamnjagai bare sinǝm kauro gǝmdǝgǝnniro,”»†4.10-11 Jaw 91.11-12 yeno. 12 Isaye tiro kalakciye: «A’a, kitawu ye wuljǝna: “Bare Ala Kǝmandea rijammǝmmi!”»†4.12 SK 6.16 yeno. 13 Tia jarapce kerǝnniya, Yiwulis tia har sa gade laaro kolyeno.

14 Daji Isa kǝnduwo Ruhu Alayea cidi Galileyero wallada. Lawarnju ye lardu sammaro tatargaada. 15 Dandal dandallo leje jamaa alamgenniya, wunduso tia jajakkeno.

16 Ngai duwon Isa Najarat bǝla wurajǝnadǝro kadio. Kǝla adanjuyen yim tustuyea dandallo ngaye jamadǝro kǝra njǝddoro cije dayeno. 17 Tiro kitawu Nawi Ishayaye cade kayenniya, na adǝ ruwuwadadǝa kiwando. Tiye:

20 Daji kitawudǝa jakce kistuwumadǝro kalakciye napkeno.*4.20 napkeno - Sayinna napcǝna duwon, jamadǝa alamdu badiji. Am samma dandaldǝn tiro sim fijaana duwon, 21 tayiro: «Kuma awo kitawulan ruwuwada sǝmondon fanuwwa adǝ wakkajǝna,» yeno. 22 Tayi samma kǝla mana serra cinjun culuwuna adǝyen ajapcane tia jajakcane amanjaro: «A! Kam attǝ tada Isuwuyedǝma, gǝna?» cani. 23 Daji Isaye tayiro: «Fagatto karau adǝa sǝdduwe: “Karwunma, kǝlanǝm isangaane!” Koro wuro: “Awo ajabba ajabba bǝrni Kafarnaamben dimma faniyenadǝa bǝlande yen de, ruiye!” nuwi. 24 Jiremaro nayiro wulnjagakki, nawi fimaa bǝla wurajǝnalan kasaccanni.

25 «Jiremaro nayiro wulnjagakki, kuren jaman Nawi Iliyayen lardu Israyilayen kamuwa kwa faccaanaa kada mbeji, koro kǝrwu yakku redaaro ingi duro waje lardu sammaro kǝna kura kǝrgawo. 26 Adǝ yaye kamu kwa faccǝgǝnaa laa bǝla Sarepta lardu Sidonnedǝro†4.26 lardu Sidonne - Lardu yaudiyaye gǝni, kǝrdiyaye. gǝnia, Ala Nawi Iliyaa na wundunjamayero cunodǝnni. 27 Koro jaman Nawi Iliyasayen lardu Israyilayen am barasua kada mbeji. Adǝ yaye Naaman kam lardu Siriyayea‡4.27 lardu Siriyaye - Lardu kǝrdiyaye. gǝnia, Nawi Iliyasa wundunjamaa isangajǝgǝnni,» yeno. 28 Adǝa fangeranniya, am dandalnin dasaana samma tiro fum gǝrgayeyera. 29 Cijane tia cadane ngawo bǝlayero cattuluwe ci kau kura bǝlanja kǝladǝn garjanadǝyero kesado. Nadǝn tia cidiyaro gǝptuwu majai duwon, 30 Isa dawunjayen reje koje leyeno.

31 Daji Isa bǝrni Kafarnaambe cidi Galileyero kadio. Yim tustuye kidǝnniya, dandallo ngaye jamaa alamdu badiyeno. 32 Jamadǝ alamdunjudǝa ajapkera, kǝnduwoaro manaji nangaro. 33 Curo dandaldǝyen karuwama laa mbeji, kamdǝ burwu dunoaro cakke: 34 «A! Isa kam Najaratte, awi lambonǝm andiro? Andia siduwuro wa kadim? Nia asunjǝkkǝna, nima Tayir Alayedǝ wo!»§4.34 Tayir Alayedǝ - Biwubawoma, am gade-a gade. yeno. 35 Amma Isa sedandǝro jǝkkade mana dapciye: «Cinǝm jange kamdǝa kolle luwe!» yeno. Sedandǝ kamdǝa dawunjan cidiro yapkeyenniya, tia lorujǝnnin kolje kiluwo. 36 Tayi samma ajapcane amanjaro: «Attǝ mana jiɍi fi? Kǝnduwoaro sedansoro wada ciya, caluwi!» cani. 37 Lawar Isaye cididǝ ngaro tatargaada.

38 Isa dandaldǝn kiluwunniya, fado Simannero leyeno. Ya kǝsai Simannedǝ dondi, kange tia jauro cǝdana. Daji Isaro lawarnju wulyeyeranniya, 39 ise tiro ngujiye kangedǝro kikkado. Kangedǝ tia kolje, ya kǝsai ye sadǝman cije tayia sosayeno.

40 Kǝngal kikkurunniya, amnja dondi kasuwa jiɍi jiɍia sammaa na Isayero kewudo. Wundunja yayero mukko gǝnajiye isangayeyeno. 41 Sedanna ye am ngǝwun caluwe yiljaiaro: «A! Ni Tada Alaye!» cani. Amma Isa tayiro jǝkkade manadu amarjǝgǝnni, ti Almasiwuro nojana nangaro.

42 Wajǝnanjua suwa lǝp Isa cije culuwe na wunduma baworo leyeno. Am ngǝwu tia madaro keluwo. Kewandǝnniya, bare tayia koljǝnniro tia roduro mayera. 43 Amma Isaye tayiro: «Dole bǝlawa gadero lekke kawuɍi kǝji nodo bargaa Alayedǝa wulgǝkki. Adǝma nangaro Ala wua sinodo,» yeno. 44 Adǝgaima cidi Yahudiyaye yen dandalnjan jamaro kawuɍi kǝjidǝa wulyeyeno.