WAHAYI YAHAYAYE
Wahayi duwon tilan Isa Almasiwu Yahayaro fǝledǝgǝnadǝ
Badiduram
Yahaya, ti kǝngayam Isa Almasiwuye, kitawu adǝa ti kosolan cuku Batmossen duwon alama saa firakkun uwun gai ngawo karmo-a karmolan cidu-a Isayen ruwuyeno. Yahayadǝro fuwura Isa jauro cǝraana cani, koro Linjila kǝndewuye-a wotiya yakku Yahayaye-a yea ruwujǝna. Curo kitawu adǝyen Isa Almasiwu wahayi laan tiro fǝlediye kawuɍi kǝla jama Isaa gawu tulur lardu Asiyayen kiddo, koro mana kǝla awo jaman daryeyen wakkaji ye, jiɍi awo ani kǝnduwonju-a kǝnnasarnju-aa tabbaccagai yeyen kido.
Akko lawarra curo kitawu adǝyen dasaanadǝ:
Badiduram (1.1-20)
Wotiya tulur-a jama Isaa gawu tulur-a (2.1–3.22)
Tamadǝro samelan ambǝttuwu (4.1–5.14)
Karama tulur (6.1–8.1)
Kangadi tulur (8.2–11.19)
Jama Isaa gawu-a kǝnduwo diwiye-a (12.1–14.20)
Masiwa daryeye tulur (15.1–16.21)
Siduwu bǝrni Babilaye (17.1–19.4)
Kǝnnasar daryeye (19.5–20.15)
Same bǝɍin-a cidi bǝɍin-a (21.1-8)
Jerujalem bǝɍin (21.9–22.21)
Wahayi duwon tilan Isa Almasiwu Yahayaro fǝledǝgǝnadǝ
BADIDURAM
1
1 Akko wahayi*1.1 wahayi - Awo laa kǝnnasim gai Ala kamba cakke kǝnǝm cǝdǝnnin curuidǝ. Isa Almasiwuye, wahayi duwon Ala tiro awo tussiwawo fagat wakkajidǝa am tia gawuro fǝlejuworo cinadǝ. Ti ye malaiyanju laaa cunode wolodinju Yahayaro isanoyeyeno. 2 Yahaya ye awo kǝla mana Alaye-a sheda Isa Almasiwuye-ayen curuna sammaa shedayeno. 3 Bargaa kam mana kawuɍi nawinawi adǝyea kǝrajidǝ, koro bargaa ye tayi awo tilan ruwuwadadǝa fanjane ngojaidǝ, dalilnjudǝ sanju karǝnjǝna nangaro.
Lewa
4 Wuma Yahayadǝ jama tulur Isaa gawu cidi Asiyayero:†1.4 Asiya - Kǝrye Rombe kureye. Tidǝ curo cidi duwon ku tiro Tirki canidǝyen kǝrga. Salam! Ala duwon kǝrma ye mbeji, kure yen dǝgana, fuwu yen dǝgaidǝ ser-a nanlewa-a njado! Ruhu tulur fuwu kurisnju kǝrmaiyen dasaanadǝ ye ser-a nanlewa-a njado! 5 Koro Isa Almasiwu shedama amanna, karmolan burwon ciduma, koro maiya dunia sammayea nodomadǝ ye ser-a nanlewa-a njado!
Isa Almasiwu ti duwon andia saraana ye, bunjuyen‡1.5 bunjuyen - Karmonju kǝla kǝskayen nangaro. biwuwandelan sakkaana ye, 6 koro andia nodowu-a ɍimanna-a Ala Bawanjuyero sadǝna yedǝ, tiro daraja-a kǝnduwo-a har abada abadinno tio! Amin.
7 Akko curo fofouyen kǝnde cǝdi. Wundu yaye simnjun tia curui, har am tia sukcanadǝ, koro jama duniaye samma kǝla tiyen casiri. Adǝgaima. Amin.
8 Ala Kǝmandeye: «Wuma burwoye wo, daryeye ye wo,§1.8 Wuma burwoye wo, daryeye ye wo - Tǝlam Gǝresselan arawuwa alfa-a omega-a ruwuwada, koro curo arawuwa sammayen tayidǝ arawuwa burwoye-a daryeye-a. Martawama duwon kǝrma ye mbeji, kure yen dǝgana, fuwu yen dǝgaidǝ wo!» yeno.
Wahayi Yahayaye
9 Wu Yahaya kǝramindo ye, kamando ye curo bone nja-a nodo bargaa-a nettu-a Isalan dasaanadǝyen, kǝla mana Alaye-a sheda Isaye-ayen cuku Batmos canilan kǝrgakko. 10 Ngai duwon, yim Kǝmayea*1.10 yim Kǝmayea - Ladu. Yim karmolan cidu Isaye taktuwuye. Ruhu Alaye wuro jǝmsiye kowo kura kangadiye gai ngawonin nukci fangekko. 11 Kowodǝye wuro: «Awo rumidǝa kitawulan ruwune jama tulur Isaa gawu bǝrni aniyero juwagǝne: Afisa, Simirna, Birgamus, Tiyatira, Sardis, Filadelfiya, Lawudikiya.»
12 Daji wundu wuro manasiyiro kuroro suworgadakko. Suworgadakkǝniya, fatǝla dinarre tulur kirukko, 13 koro dawunjan awo laa adamgǝna-a camun daada mbeji. Kajǝmu kuruwu luwada, koro bel dinarre nganjinjuro tikkerǝna. 14 Kǝlanju-a kanduɍinju-a bul fok wulu bul gai, simnju ye tǝlam kannuye gai. 15 Sinju ye kullo kagǝlmadin cingada yiyiljiro kalakcǝnadǝ gai, kowonju ye ingi ngǝwu dunoaro cǝgasi gai. 16 Mukkonju kǝmboramlan sillowu tulurra, cinjulan kashagar tǝlam yindia ngǝlaro gallada luwo cǝdi. Fǝkkanju ye jauro nurra kǝngal kausu kǝla dawuye gai.
17 Tia kirukkǝniya, fuwunjun nukkǝna gai bǝp kirukko. Daji mukkonju kǝmboram gǝnasiye wuro: «Bare rinǝmmi! Wuma burwoye wo, wuma daryeye ye wo, 18 wuma Kǝndǝgaimadǝ wo. Calan nukkǝna, amma akkoni har abada abadinno roa kǝrgakko. Adǝgaima mukkonin cuwuram Karmo-a Leira-ayea†1.18 cuwuram Karmo-a Leira-aye - Kǝnduwo am sanunaa karmolan sangoye nanjun mbeji. takkǝna. 19 Adǝ nangaro awo rummadǝa ruwune, awo duwon kǝrma mbeji, koro awo ngawo awo aniyen wakkajaidǝ. 20 Akko maana asǝr sillowu tulur mukkoni kǝmboramlan rummadǝ-a fatǝla dinarre tulurdǝ-ayedǝ: Sillowu tulur ani tayima malaiyawa jama tulur wua gawudǝye wo,‡1.20 malaiyawa jama tulur wua gawudǝye - Kǝngayamba adamgǝna, bi fuwuwu adamgǝna, bi malaiyawa jireye. Koro WY 2.1, 8, 12, 18; 3.1, 7, 14 mane. fatǝla tulur ani ye tayima jama tulurdǝ wo,» yeno.
*1:1 1.1 wahayi - Awo laa kǝnnasim gai Ala kamba cakke kǝnǝm cǝdǝnnin curuidǝ.
†1:4 1.4 Asiya - Kǝrye Rombe kureye. Tidǝ curo cidi duwon ku tiro Tirki canidǝyen kǝrga.
‡1:5 1.5 bunjuyen - Karmonju kǝla kǝskayen nangaro.
§1:8 1.8 Wuma burwoye wo, daryeye ye wo - Tǝlam Gǝresselan arawuwa alfa-a omega-a ruwuwada, koro curo arawuwa sammayen tayidǝ arawuwa burwoye-a daryeye-a.
*1:10 1.10 yim Kǝmayea - Ladu. Yim karmolan cidu Isaye taktuwuye.
†1:18 1.18 cuwuram Karmo-a Leira-aye - Kǝnduwo am sanunaa karmolan sangoye nanjun mbeji.
‡1:20 1.20 malaiyawa jama tulur wua gawudǝye - Kǝngayamba adamgǝna, bi fuwuwu adamgǝna, bi malaiyawa jireye. Koro WY 2.1, 8, 12, 18; 3.1, 7, 14 mane.