1 తెదొడి యేసు వెల్లెల మాన్సుల్‍క దస్సి సంగ, జోవయింక టాలివొ సంగ అన్నె బోదన కెరుక దెర్లన్. తెదొడి కిచ్చొ టాలి ఏక్ సంగిలన్ మెలె, ఇసి జతయ్; “ఏక్ మాన్సు ద్రాచ తోట రోవడ కెర, జాచి సుట్టునంత కోట గలవడ కెర, ద్రాచ రస్సుమ్ కడ గన్న వెల్లొ పత్తుర్ కూనవ కెర, తోట రకితి మాటు రితిసి బందవ కెర, రకితసక నిసాన, జోవయింక జా తోట గుత్త దా, వేరతె ఉట్ట గెలన్.

2 “పంటొ పికిలి పొది, జేఁవ్ గుత్త నఙిలసతె జా తోటచి పంటొ ఏక్ వాట నఙ ఆన్‍తి రిసొ, గొత్తి సుదొ ఎక్కిలొక ఎజొమాని తెద్రయ్‍లన్. జో ఒత్త పాఁవితికయ్, 3 గుత్త నఙిల జేఁవ్ రకిత మాన్సుల్ జో గొత్తి సుదొక దెర, పెట, కిచ్చొ నే దెతె ఉదడ్ల. 4 ఒత్త తెంతొ, అన్నెక్లొ గొత్తి సుదొక జో ఎజొమాని తెద్రయ్‍లన్, గని జేఁవ్ రకితస జోచి బోడి పెట కెర దా, మరియాద నెంతె జోక ఉదడ గెల. 5 పిమ్మట్ అన్నెక్లొక ఎజొమాని తెద్రయ్‍తికయ్, జేఁవ్ రకితస జోక మార గెల. అన్నె ఒగ్గర్‍జిన్‍క తెద్రయ్‍తికయ్, జోవయింతె సగుమ్‍జిన్‍క పెట గెల, సగుమ్‍జిన్‍క మార గెల.

6 “జలె, జో ఎజొమానిక అన్నెక్లొ తిలన్, కొన్సొ మెలె, సొంత ప్రేమ తిలొ పుత్తుసి. ‘అంచొ పుత్తుక మరియాద దెకుల, కిచ్చొగె’ మెన, ఆకర్‍క జోకయ్ తెద్రయ్‍లన్. 7 గని జేఁవ్ గుత్త నఙిలస ‘ఇన్నెకయ్ అబ్బొస్‍చి దనుమ్ కలుగు జయెదె. అల్లె, ఇన్నెక మారుమ, చి ఇన్నెక కలుగు జతి వాట అమ్‍కయ్ దొర్కు జయెదె’ మెన జోవయింక జెఁవ్వి లట్టబన్ల. 8 జేఁవ్ ఎజొమానిచొ పుత్తుస్‍క దెర కెర, మార కెర, పీనుమ్ జా ద్రాచ తోట తెంతొ బార్ కెర వెంట గెల. 9 జలె, దస్సి కెర్లి రిసొ, జా తోటచొ ఎజొమాని కిచ్చొ కెరెదె మెలె, జో జా కెర, జేఁవ్ గుత్త నఙిలసక నాసెనుమ్ కెర, జా తోట వేర మాన్సుల్‍క గుత్త దెయెదె.

10 “అల్లె, ఆఁవ్ అప్పె తుమ్‍క సంగితిస్‍చి రిసొ, దేముడుచి కొడొతె రెగిడ్లిసి తుమ్ కెఁయ్య సదు కెర్సు నాయ్ గె?

12 “అమ్‍చి రిసొయి యేసు సంగితయ్” మెన వెల్లెల మాన్సుల్ చినన కోపుమ్ జా, జోక దెరుక ఉచర్ల, గని ప్రెజల్ కోపుమ్ జా అల్లర్ కెరుల మెన, జోవయింక బియఁ కెర, జోక ముల దా ఉట్ట గెల.

13 ‘యేసుక కొడొతె అడ్జవ నేరిమ్ వయడుమ’ మెన, సగుమ్‍జిన్ పరిసయ్యుల్‍క కి హేరోదు పచ్చెన జతస సగుమ్‍జిన్‍క కి, జేఁవ్ కోపుమ్ జల వెల్లెల మాన్సుల్ తెద్రయ్‍తికయ్, 14 జేఁవ్ యేసుతె జా కెర, “గురుబాబు, తుయి సత్తిమ్‍చొ మెన జానుమ్. తుయి మొకమాటుమ్ నే దెకితె, వెల్లెల మాన్సుల్ కిచ్చొ ఉచరుల మెన నే బితె, దేముడు దెకయ్‍లి వాట్‍చి రిసొ సత్తిమ్ తెన్ బోదన కెర్తసి మెన అమ్ జానుమ్” మెన పులయ్‍తి రితి సంగ, అన్నె, “రోమ్ దేసిమ్‍చి ప్రబుతుమ్‍చొ కైసర్ రానొక అమ్ *12:14 ఇన్నె ‘సిస్తు’ మెలె, జా ఏలుప కెర్తి ప్రబుతుమ్‍చి సిస్తు.సిస్తు దెంక నాయిమ్ గే, నాయ్ గె? అమ్ జా సిస్తు దెంక గే పోని గే? సంగు” మెన యేసుక సంగిల. 15 ఇసి సంగితికయ్, యేసు జోవయించి ఉప్రమెన్సు జాన, “అంక కిచ్చొక పరిచ్చ కెర్తసు? డబ్బుల్ కాసు ఏక్ అంచితె ఆన దెకవ” మెన సంగితికయ్, ఆన్ల. 16 జేఁవ్ జో తెన్ జా కాసు ఆన్‍లి పొది, జా కాసు దెకవ, “ఇన్నె కచి పోలిక, కచి నావ్ డీస్తయ్?” మెన జోవయింక పుసిలన్, చి జేఁవ్ జోక, “కైసర్ రానొచి” మెన సంగిల. 17 యేసు జోవయింక, “కైసర్‍క దెతిసి కైసర్‍క, దేముడుక దెతిసి దేముడుకయ్ దెంక అస్సె” మెన, జోవయింక జబాబ్ దిలన్. దస్సి జబాబ్ దెతికయ్, వెల్లెల మాన్సుల్ తెద్రయ్‍ల మాన్సుల్ ఆచారిమ్ జల.

18 తెదొడి, ‘మొర గెలెగిన అన్నె జీవ్ జంక నెంజె, అన్నెక్ లోకుమ్‍తె గెచ్చుక నెంజె’ మెన ప్రెజల్‍క సికయ్‍త సద్దూకయ్యులు సగుమ్‍జిన్ యేసుతె జా కెర, 19 “గురుబాబు, ఈందె, ‘ఎక్కిలొచొ అన్నొసి బోదల్ నెంతె మొర గెలె, తేర్సిక ఎక్కిల్‍క ముల దా గెలెగిన, జోచొ బావొసి అన్నొస్‍చి తేర్సిక ఆనన, అన్నొస్‍చి నావ్ తెన్ బోదల్ పాయిక అస్సె’ మెన మోసే పూర్గుమ్‍చొ అమ్ యూదుల్‍చి రిసొ రెగిడ్లొ గెద? 20 జలె సత్తుజిన్ బావుడ్లు తిల. జోవయింతె తొల్సుర్ తెర్ని ఆనన, బోదల్ నెంతె మొర గెలన్. 21 ఒత్త తెంతొ, జో మాన్సుచి పట్టి జెర్మిలొసొ జా తేర్‍బోదక ఆనన, జో కి బోదల్ నెంతె మొర గెలన్. జోచి పట్టి జెర్మిలొసొ కి దస్సి కెరన దస్సి జలన్. 22 జేఁవ్ సత్తుజిన్ బావుడ్లు ఎత్కిజిన్ వర్స తెన్ దస్సి కెరన మొర గెల. జేఁవ్ ఎత్కిజిన్ మొర గెతికయ్, జా తేర్‍బోద కి మొర గెలి. 23 జలె, మొర గెలస అన్నె జీవ్ జతి పొదిక, జోవయింతె కక్క తేర్సి జా తయెదె? జేఁవ్ సత్తుజిన్ వర్స తెన్ జా తెన్ పెండ్లి జల గెద?” మెన యేసుక పుసిల. 24 ఇసి జతికయ్, యేసు జోవయింక, “తుమ్ పొరపాట్ జా గెతసు. కిచ్చొక గే తుమ్ ఉచర. మెలె, దేముడు పూర్గుమ్ రెగ్డయ్‍లిసి సదు కెర్లె కి, ఒత్త తిలిసి అర్దుమ్ కెరన్సు నాయ్, చి జో కెరయ్‍త కమొ దెకిలెకి, జోచి సెక్తి అదికారుమ్ చినుస్ నాయ్. 25 మెలె, మొర గెచ్చ అన్నె జీవ్ జతిస్‍తె పెండ్లివొ నే జతె, పరలోకుమ్‍తె మాన్సుల్ దూతల్‍చి రితి దస్సే తవుల. 26 పడ్తొ, ‘మొర గెలస అన్నె జితి నాయ్’ మెన ఉచర, తుమ్ అన్మానుమ్ తెన్ అస్సుస్. గని జా సుట్టు, పూర్గుమ్, రూకు తెడి జా ఆగి లగితె తిలిస్‍చి రిసొ రెగిడ్లిస్‍తె

28 ఈంజ కోడుచి రిసొ జేఁవ్ సద్దూకయ్యుల్ తెన్ పరిసయ్యుల్ గగ్గొల్ జంక దెర్ల. ఇసి జతికయ్, మోసే తెన్ దేముడు దిలి ఆగ్నల్ సికడ్తొసొ ఎక్కిలొ సూన, జోవయించి నెడిమి జా కెర, జేఁవ్ వెల్లెల మాన్సుల్‍చ పరిచ్చల్‍క యేసు చెంగిల్ జబాబుల్ దెతయ్ మెన దెక, జోక, “ఆగ్నల్ ఎత్కితె ముక్కిమ్‍చి కేన్?” మెన పుసిలన్. 29 యేసు జోక, “ముక్కిమ్‍చి ఇసి జతయ్;

32 జలె, జో మోసే తెన్ దేముడు దిలి ఆగ్నల్ సికడ్తొసొ యేసుక “నిజుమి, గురుబాబు. ‘జో ఎక్కిలొయి’ మెన, ‘అదికారుమ్ తిలొ దేముడు అన్నె కోయి నాయ్’ మెన తుయి సత్తిమ్ సంగిలది. 33 అన్నె, ‘ఒండి పెట్టి తెన్, తుమ్‍చి ఒండి బుద్ది తెన్, తుమ్‍చి ఎత్కి సెక్తి తెన్ జోక ప్రేమ కెరుక’ మెన, అన్నె ‘తుమ్‍క తుమి కెద్ది ప్రేమ కెరంతసుమ్ గే, పక్కయ్‍చక తెద్ది ప్రేమ కెర్తె తంక ముక్కిమ్’ మెన తుయి అన్నె మాన్సుల్‍క సంగిలిసి సత్తిమ్. బలి గట్ర ఎత్కిచి కంట ఈంజేఁవ్ దొన్ని ఆగ్నల్ రితి కెరుక విలువ” మెన మోసే తెన్ దేముడు దిలి ఆగ్నల్ సికడ్తొసొ ఒప్పన యేసుక జబాబ్ దిలన్. 34 ‘ఇసి సంగ బుద్ది తెన్ జబాబ్ దిలొ’ మెన యేసు దెక, జోక “దేముడుచి రాజిమ్‍క తుయి దూరి నాయ్” మెన సంగిలన్. జలె, యేసు బలే బుద్ది తెన్ ప్రస్నల్ ఎత్కిక బులవ సంగితికయ్, మోసే తెన్ దేముడు దిలి ఆగ్నల్ సికడ్తొసొక, జో జా కోడు సంగిలి తెంతొ, కో కి కేన్ కోడుక కి యేసుక పుసుక దయిరిమ్ కెర్తి నాయ్.

35 యేసు దేముడుచి గుడితె అన్నె బోదన కెర్తె తత్తికయ్, “రచ్చించుప కెర్తొసొ జలొ క్రీస్తు దావీదు రానొచి సెకుమ్‍తె జెర్మ జోక పుత్తుసి జయెదె మెన మోసే తెన్ దేముడు దిలి ఆగ్నల్ సికడ్తస కీసి సంగుక జతయ్? 36 మెలె, దేముడుచి సుద్ది తిలి ఆత్మ దావీదుచి పెట్టి సికయ్‍తికయ్

38 యేసు అన్నె బోదన కెర్తె తిలి పొది ఇసి మెలన్. “దిగిల సూటిచ పాలల్ గలంత గవురుమ్ ఉచరంత మోసే తెన్ దేముడు దిలి ఆగ్నల్ సికడ్తసచి రిసొ తుమ్ జాగర్త తెన్ తా. జేఁవ్ సంతవీదులె టీఁవ, మాన్సుల్ ఎత్కి అమ్‍క జొకర్తు మెన కోర్‍ప జతతి. 39 సబ గెరలె ముక్కిమ్‍చ టాన్లుతె, విందుల్‍తె ముక్కిమ్‍చ టాన్లుతె వెసుక కోర్‍ప జతతి. 40 జేఁవ్ మోసిమ్‍లు కెర రండెల్ మాన్సుల్‍చ గెరల్ విక కతతి, అన్నె ఉప్రమెన్సుక దిగిల ప్రార్దనల్ కెర్తతి. దస్సి, జోవయించి పాపుమ్ ఒగ్గరి, చి వెల్లి సిచ్చ సేడుల” మెన జేఁవ్‍చి రిసొ యేసు సంగిలన్.

41 తెదొడి యేసు దేముడుచి గుడితె తతి, దేముడుచి కామ్‍క కానుక దెతి డబ్బుల్ పెట్టెల్‍చి మొక్మె వెసిలన్. ఒత్త వెస, బెర అయ్‍ల మాన్సుల్ ఒత్త డబ్బుల్ గల దెతిసి దెకితె తిలొ.

జలె, ఒగ్గర్‍జిన్ సొమ్సార్లు ఒగ్గర్ డబ్బుల్ జేఁవ్ పెట్టెల్‍తె గల్తె తతికయ్, 42 ఎద్గరె నెంజిలి రండెల్ మాన్సు ఎక్లి జా కెర, దొన్ని ఇదుల రాగి కాసుల్ పెటెతె గలిలి. 43 గల్తికయ్, యేసు జోచ సిస్సుల్‍క పాసి బుకారాన, “ ‘ఈందె, జేఁవ్ సొమ్సార్లు ఎత్కిజిన్ మొత్తుమ్ దిలిస్‍చి కంట ఈంజ ఎద్గరె నెంజిలి రండెల్ మాన్సు ఒగ్గర్ దా అస్సె’ మెన కచితుమ్ సంగితసి. 44 కిచ్చొక మెలె, జోవయించి ఎదివాట్ సొమ్సారుమ్ తెంతొ సేఁసిలిసి జా దా అస్తి. ఇన్నెక, కిచ్చొ నెంజిలె కి, కలుగు జలిసి ఎత్కి దా గెల అస్సె” మెన సిస్సుల్‍క బుద్ది దెకయ్‍లొ.