୪
୧ ମାପୁରୁଦି ଆଗ୍ଡ଼ି ମାରି ୱିଜୁ ଜିବନ୍ତିକାର୍ ମାରି ସାତିମାନି ଲୋକାଙ୍ଗ୍ ବିସାର୍ କିଦେଙ୍ଗ୍ ମାରି ସାସନ୍ କିଦେଙ୍ଗ୍ ୱାଜିମାନି କ୍ରିସ୍ତ ଜିସୁଦି ଆଗ୍ଡ଼ିନେ, ନାନ୍ ମିଙ୍ଗିଁ ଇୟା ଡାଟ୍ ମାଟା ସିଜିନା, ୨ ବାକ୍ୟ ପ୍ରଚାର୍ କିଦୁ, ବେଡ଼ା ଅବେଡ଼ାଦୁ ବିସାର୍ କିଏଣ୍ଗା, ମିର୍ ସବୁୱାଲେ ଆୟା ବିସୟ୍ ମୁସ୍କୁ ନେସ୍ନି ୱାଜା ବୁଜାକିନିଦେର୍; ସାହାସ୍ତାନ୍ ସିକିୟା ସିଜି, ଏସ୍ତିୱାଲେ ଆଦ୍ରିସ୍ କିଜି ଏସ୍ତିୱାଲେ ମାରି ୱେଡ଼ିକା କିଜି ଆଇୱାରି ମୋନ୍ତୁ ଆୟାଉଣ୍ତିଙ୍ଗ୍ ୱେଡ଼ିକା ପିରିସ୍ନାତ୍ । ୩ ଦିନ୍ ୱାନାତ୍, ଏସ୍ତିୱାଲେ ଲୋକୁ ସତ୍ ସିକିୟାଦୁ ୱେନ୍ଏର୍, ୱାର୍ କେବଲ୍ ନିଜେ ନିଜେଦି ଆସା ବ୍ୟବ୍ହାର୍ କିନି ଉଣ୍ତିଙ୍ଗ୍ ଲାଲାୟ୍ ଆନାର୍ ମାରି ଇୟାଉଣ୍ତିଙ୍ଗ୍ ୱାରିଙ୍ଗ୍ ଲାକ୍ତୁ କିଜିମାନି ଟକେକିନି ଗୁରୁରିଙ୍ଗ୍ ୱାର୍ କୁକ୍ନାର୍ । ୪ ସତ୍ତି ବାକ୍ୟ ୱେନ୍ଏଣ୍ଗା ଲୋକା ମୋନ୍ତି କାତା ୱେନ୍ଡ୍ରେଙ୍ଗ୍ ବଦା କିନାର୍ । ୫ ମାତର୍ ମିର୍ ୱିଜୁ କାସ୍ଟୁଦିଙ୍ଗ୍ ସାସ୍ କିଦୁ; ସୁସମାଚାର୍ ୱେର୍ନିକାନ୍ ମାରି ମାପୁରୁଦି ବିସ୍ବାସ୍ତି ସେବାକିନିକାନ୍ ୱାଜା ମିର୍ ଦୁଃକ୍କାସ୍ଟୁ ବୋଗାଦେଙ୍ଗ୍ ତିଆର୍ ଆଦୁ ।
୬ ନା ଜିବନ୍ତିଙ୍ଗ୍ ସର୍ପେ କିଜି ସିଦେଙ୍ଗ୍ ଇୟା ଦୁନିଆ ଡ଼ିସ୍ସୋ ସନ୍ଡ୍ରେଙ୍ଗ୍ ବେଡ଼ା ୱାତାତ୍ନି । ୭ ଜିବନ୍ତି ନେଗି ଜୁଦ୍ତାନ୍ ନାନ୍ ସାନି ୱାଜା ଜୁଦ୍ କିଜିନା, ଜିବନ୍ ମାନିୱାଲେ ନାନ୍ ତିଆର୍କିତି ସାରି ଜିଣାତାମାନା । ନା ବିସ୍ବାସ୍ତୁ ନାନ୍ ଡାଟ୍ ତେବାତାମାନା । ୮ ଇଲେଇ ନାନ୍ ଦାର୍ମୁପାଣିକିନି ଉଣ୍ତିଙ୍ଗ୍ ଜିଣାନି ପୁର୍ସ୍କାର୍ ଇଟ୍ତାମାନାନ୍, ପେରିଦିନ୍ତୁ ନ୍ୟାୟ୍କିନି ବିସାର୍କିନି ପ୍ରବୁ ନାଙ୍ଗିଁ ଆୟା ପୁର୍ସ୍କାର୍ ସିନାନ୍, କେବଲ୍ ନାଙ୍ଗିଁ ସିଲେ; ଜିବନ୍ନୋନିକା ବକ୍ତିଦି ୱାଲେ ଆମାକାର୍ ୱାନି ୱାନିଦିନ୍ତିଙ୍ଗ୍ କାପ୍କିତା ମାନାର୍, ୱିଜେରେ ଇୟା ପୁର୍ସ୍କାର୍ ପୟ୍ନାର୍ ।
ଲୋକ୍ତି ମାଟା
୯ ନା ଲାକ୍ତୁ ବେଗି ୱାଦେଙ୍ଗ୍ ତିଆର୍ ଆଦୁ । ୧୦ ✡କଲସିୟ ୪:୧୪; ପିଲିମନ ୧:୨୪୨ କରିନ୍ତିୟ ୮:୨୩; ଗାଲାତିୟ ୨:୩; ତିତସ ୧:୪.ଦିମା ଇୟା ଇଲେଇତି ଦୁନିଆଦିଙ୍ଗ୍ ଜିବନ୍ନୋଜି ନାଙ୍ଗିଁ ଡ଼ିସ୍ତାସରା ମାନାନ୍, ୱାନ୍ ଇଲେଇ ତେସଲନିକିୟାଦୁ ସର୍ଆମାନାନ୍, କ୍ରେସ୍କେନସ୍ ଗାଲାତିଆଦୁ ମାରି ତିତସ ଡଲମାତିଆଦୁ ସର୍ଆମାନାର୍ । ୧୧ ✡କଲସିୟ ୪:୧୪; ପିଲିମନ ୧:୨୪ପ୍ରେରିତ ୧୨:୧୨,୨୫; ୧୩:୧୩; ୧୫:୩୭-୩୯; କଲସିୟ ୪:୧୦; ପିଲିମନ ୧:୨୪.କେବଲ୍ ଲୁକ ନା ଲାକ୍ତୁ ମାନାନ୍ । ମିର୍ ଅର୍ସେ ମାର୍କଙ୍ଗ୍ ଆସ୍ସି ୱାନିଦେର୍; ମାତର୍ ୱାନ୍ ନାଙ୍ଗିଁ ନା ପାଣି ସାହାଜ୍ୟ କିଦେଙ୍ଗ୍ ଆଟ୍ନାନ୍ । ୧୨ ✡ପ୍ରେରିତ ୨୦:୪; ଏପିସିୟ ୬:୨୧,୨୨; କଲସିୟ ୪:୭,୮.ତୁକିକସଦିଙ୍ଗ୍ ନାନ୍ ଏପିସ୍ଦୁ ପୋକ୍ତାମାନା । ୧୩ ✡ପ୍ରେରିତ ୨୦:୬.ତ୍ରୋୟା ଗାଡ଼୍ତୁ କାର୍ପସ୍ଦି ଲାକ୍ତୁ ନାନ୍ ଆମା ଆଙ୍ଗିଁ ଡ଼ିସ୍ତା ୱାତାମାନା, ମିର୍ ୱାନିୱାଲେ ତାନିଙ୍ଗ୍ ଅର୍ସେ ଆସ୍ସି ୱାନି । ନା ବଇଙ୍ଗ୍ ନି ତଲୁବଇଙ୍ଗ୍ ବା ଆସ୍ସି ରାଆ ।
୧୪ ✡୧ ତିମତି ୧:୨୦ରୋମିୟ ୨:୬.କଂସାରି ଆଲେକ୍ଜାଣ୍ତର୍ ନାଙ୍ଗିଁ ନାଣ୍ତ୍ କାସ୍ଟୁ କିତାମାନାନ୍, ପ୍ରବୁଦିମାଣାନ୍ ୱାନ୍ ନିଜେଦି ପାଣି ଇସାବ୍ତାନ୍ ୱାନ୍ ଦଣ୍ତ୍ ପୟ୍ନାନ୍ । ୧୫ ମିର୍ ବା ୱାନି ଲାକ୍ତୁରାନ୍ ଜାଗ୍ରାତା ମାନ୍ଡ୍ରୁ, ଇରିଙ୍ଗ୍ ୱାନ୍ ମା ସୁସମାଚାର୍ ୱେର୍ତେଙ୍ଗ୍ ନାଣ୍ତ୍ ବିରୁଦ୍ କିଜିମାର୍ହାନ୍ ।
୧୬ ଆଗ୍ଡ଼ିନେ ଏସ୍ତିୱାଲେ ନାଙ୍ଗିଁ ନିଜେଦି ତରିନ୍ ସାମ୍ନା କିଦେଙ୍ଗ୍ ପଡ଼ାତାମାର୍ହାତ୍, ଏନ୍ ନା ଲାକ୍ତୁ ତେବାଏତାର୍, ୱିଜେରେ ନାଙ୍ଗିଁ ଡ଼ିସ୍ତା ସର୍ହାର୍ । ମାପୁରୁ ୱାରି ଇୟା ଦୋସ୍ତିଙ୍ଗ୍ ଆସ୍ମାକିନ୍ । ୧୭ ମାତର୍ ମାପୁରୁଦି ୱାଲେ ଏତ୍କିଜି ଅଣଜିହୁଦିରି ମାନୁ ନେଗିକାବୁର୍ ପ୍ରଚାର୍ କିନି ଉଣ୍ତିଙ୍ଗ୍ ନାନ୍ ନାଣ୍ତ୍ ସାକ୍ତି ପୟ୍ତାମାନା ମାରି ନାନ୍ ପାର୍ଟାନରେସ୍ତି ୱେୟୁଦାନ୍ ବା ରକିୟା ପୟ୍ତାମାନା । ୧୮ ନା ବିସ୍ବାସ୍, ପ୍ରବୁ ନାଙ୍ଗିଁ ୱିଜୁ ତାଗ୍ଇ ପାଣିଦାନ୍ ରକିୟା କିଜି ସାରାସାରିୱେନ୍କା ୱାନି ମୁସ୍କୁପୁର୍ତି ରାଜିଦୁ ଅନାନ୍, ୱାନ୍ ଜୁଗ୍ ଜୁଗ୍ ୱାନି ଗୌରବ୍ ଆପିତ୍ ! ଆମେନ୍ ।
ସାରାସାରି ନେଗିମାଟା
୧୯ ✡ପ୍ରେରିତ ୧୮:୨୨ ତିମତି ୧:୧୬,୧୭.ପ୍ରିସ୍କିଲା, ଆକିଲା ମାରି ଅନିସିପର୍ଦି ଇଲୁପରିବାର୍ତୁ ନା ମାଡ଼ିସ୍କିନିକା ୱେର୍ତୁ । ୨୦ ✡ପ୍ରେରିତ ୧୯:୨୨; ରୋମିୟ ୧୬:୨୩ପ୍ରେରିତ ୨୦:୪; ୨୧:୨୯.ଏରାଷ୍ଟ କରନ୍ତିଦୁ ତେବାତା ମାନାର୍, ତ୍ରପିମସ୍ଙ୍ଗ୍ ୱାନି ନବ୍ତି ଉଣ୍ତିଙ୍ଗ୍ ନାନ୍ ମିଲିଟସ୍ଦୁ ଡ଼ିସ୍ତା ୱାତାମାନା । ୨୧ ପିନି କାଡ଼ା ଆଗ୍ଡ଼ିନେ ଇବେନୁ ୱାଦେଙ୍ଗ୍ ସେସ୍ଟା କିଦୁ ।
ଇଉବୁଲସ୍, ପୁଦେନସ୍, ଲିନସ୍, କ୍ଳାଦିଆ ମାରି ଇବେଣିକାର୍ ଆଇଆଇ କ୍ରିସ୍ତବିସ୍ବାସ୍ସିର୍ ତଡ଼ାନ୍କୁ ମିଙ୍ଗିଁ ମାଡ଼ିସ୍କିନିକା ଜାଣେକିଜିନାର୍ ।
୨୨ ପ୍ରବୁ ମି ଆତ୍ମାଦୁ ତେବାପିନ୍ ।
ମାପୁରୁଦି ଦୟା ମି ୱିଜେରି ୱାଲେ ମାନିତ୍ ।
✡୪:୧୦ କଲସିୟ ୪:୧୪; ପିଲିମନ ୧:୨୪୨ କରିନ୍ତିୟ ୮:୨୩; ଗାଲାତିୟ ୨:୩; ତିତସ ୧:୪.
✡୪:୧୧ କଲସିୟ ୪:୧୪; ପିଲିମନ ୧:୨୪ପ୍ରେରିତ ୧୨:୧୨,୨୫; ୧୩:୧୩; ୧୫:୩୭-୩୯; କଲସିୟ ୪:୧୦; ପିଲିମନ ୧:୨୪.
✡୪:୧୨ ପ୍ରେରିତ ୨୦:୪; ଏପିସିୟ ୬:୨୧,୨୨; କଲସିୟ ୪:୭,୮.
✡୪:୧୩ ପ୍ରେରିତ ୨୦:୬.
✡୪:୧୪ ୧ ତିମତି ୧:୨୦ରୋମିୟ ୨:୬.
✡୪:୧୯ ପ୍ରେରିତ ୧୮:୨୨ ତିମତି ୧:୧୬,୧୭.
✡୪:୨୦ ପ୍ରେରିତ ୧୯:୨୨; ରୋମିୟ ୧୬:୨୩ପ୍ରେରିତ ୨୦:୪; ୨୧:୨୯.