ଯୋହନ ଲିଖିତ ପ୍ରଥମ ପତ୍ର
ଯୋହନ୍ ଲେକ୍ତାଦ୍ ପ୍ରତମ୍ ଚିଟି
ଯୋହନ୍ ବଇ ବିଷୟ୍ତେ ଅଣ୍ଡୟ୍ ପଦ୍
ମୁନେତ୍ ଯୋହନ୍ତେ ଚିଟି ଜିସୁ କ୍ରିଷ୍ଟନ୍ ଜନମ୍ତେ ପେର୍କେ ୫୦ ରୁ ୧୦୦ କ୍ରିଷ୍ଟାଦ୍ଦ ଲୋପେ ପ୍ରେରିତ୍ ଯୋହନ୍ତଡ଼୍ ଲେକା ଆସ୍ମାତ୍ତେ । ଯୋହନ୍ ନିଜେତିଙ୍ଗ୍ ଲେକକ୍ ଲେକାମ୍ ପରିଚୟ ଇୱଣ୍ଡ୍, କିନ୍ତୁ ପ୍ରତମ୍ ଅଦ୍ୟାୟତାଗ୍ ଅଣ୍ଡ୍ ଜିସୁ କ୍ରିଷ୍ଟନ୍ ଜିୱୁଣ୍ଡ୍ ନୁ ପୁନରୁତ୍ତାନ୍ତେ ଅଣ୍ଡ୍ ଉଡ଼୍ତେନଣ୍ଡ୍ ସାକ୍ଷି ଇଞ୍ଜ ପୁନ୍ଦାନଙ୍କ୍ ଆଦ୍ତେ ୧:୧-୩ । ପ୍ରତମ୍ ଯୋହନ୍ ଲେକା ଆତ୍ତାଦ୍ ପ୍ରଣାଲି ଯୋହନ୍ ଲେକ୍ତାଦ୍ ସୁସମାଚାର୍ ଲେକା ଆତ୍ତେ ପ୍ରଣାଲି ଲେକାମ୍ ତନ୍ଦିତ୍ । ଇଦ୍ ବିଶ୍ୱାସ୍ ମାଡ଼ାନଙ୍କ୍ ଆଦ୍ତେ ଯେ ବେସୁଟ୍ ଅଣ୍ଡ୍ ଏଫିସିତାଗ୍ ମାତ୍ତଣ୍ଡ୍ ଅଣ୍ଡ୍ ଯୋହନ୍ ଲେକାତ୍ତାଦ୍ ସୁସମାଚାର୍ ମେଣ୍ଡେ ଯୋହନ୍ ତାଦ୍ ମୁଣ୍ଡୁ ଚିଠି ଲେକିମାତ୍ତନ୍ ଆୱୁ ୧ ଯୋହନ୍, ୨ ଯୋହନ୍, ୩ ଯୋହନ୍ ।
ଆଜ୍ଞାବାଦୀ କେସ ମାନ୍ଦାନ୍ ମାନ୍ଦେ ନାରୁଡ଼୍ ତଡ଼୍ ମଣ୍ଡଲି ସମସ୍ୟା ଆଦାନ୍ ସମୟତେ ଯୋହନ୍ ସାରେ କ୍ରିଷ୍ଟାୟାନ୍ ନାରୁଡ଼୍କ୍ ଇଦ୍ ଚିଠି ଲେକିମାତ୍ତନ୍ । ଅଡ଼୍ ବିଶ୍ୱାସ୍ ମାଡ଼ିତଡ଼୍ ଯେ, ଜିସୁ ନିଜାମ୍ ୱେରଣ୍ଡ୍ ଇଶ୍ୱର୍ କିନ୍ତୁ ଜଗତ୍ତାଗ୍ ମାନ୍ଦାନ୍ ୱେଲେ ଅଣ୍ଡ୍ ନେତୁର୍ ଆୱୁଙ୍ଗ୍ ପଇସ୍ ମାନ୍ଦାନ୍ ନାରୁଣ୍ଡ୍ ଆୟଣ୍ଡ୍ । ଯୋହନ୍ ଜିସୁ କ୍ରିଷ୍ଟନ୍ ଉଡ଼୍ତେ ସାକ୍ଷି ମେଣ୍ଡେ ଅନ୍ୱାଦ୍ କାୟ୍ ଜିସୁଙ୍କ୍ ଇଟି ମାନ୍ଦାନ୍ ସେଙ୍ଗେ ଅଣ୍ଡ୍ ଇଦ୍ ଲେକିତନ୍ ୧:୧-୩ । ଯୋହନ୍ତେ ଇଦ୍ ଚିଠି ଲେକାନାଲ୍ଦ୍ ବାତେଙ୍କ୍ଇତ୍କେ ଅଦୁତ୍ ଅନାଦ୍ ୱେଡ଼୍କେ ପୁରା ମାଡ଼ାନାଦ୍ ୧ ଯୋହନ୍ ୧:୪ ମେଣ୍ଡେ ବିଶ୍ୱାସିଡ଼୍କିଙ୍କ୍ ପାପାମ୍ତାଗାଙ୍କ୍ ୱେରେ ମାଡ଼ାନ୍ ସେଙ୍ଗେ, ୧ ଯୋହନ୍ ୨:୧ ନୁ ମିଚ୍ ଶିକ୍ଷାତାଗାଙ୍କ୍ ବିଶ୍ୱାସିଡ଼୍କିଙ୍କ୍ ସୁରକ୍ଷା ଇଦାନଙ୍କ୍ ୧ ଯୋହନ୍ ୨:୨୬ ମେଣ୍ଡେ ବିଶ୍ୱାସିଡ଼୍କିଙ୍କ୍ ସୁରକିତ୍ ଇଞ୍ଜ ନିଜାମ୍ ମାଡ଼ାନଙ୍କ୍ ୫:୧୩ ।
ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ
୧. ଯୋହନ୍ ତାନ୍ ଚିଠିତେ ପରିଚୟ ଇଦାନ୍ ତଡ଼୍ ଲେକାତାଦ୍ ଉଦେଶ୍ୟ ଲେକିତଣ୍ଡ୍ । ୧:୧-୪
୨. ଇଶ୍ୱର୍ ବେଲା ୱେସ୍ ଆଦ୍ତଣ୍ଡ୍ ବୁଜା ମାଡ଼ି ଜିସୁନ୍ ଲେକାମ୍ ଜିୱୁଣ୍ଡ୍ ବାଦ୍କାନଙ୍କ୍ କେତିତନ୍ । ୧:୫–୩:୧୦
୩. ଇଶ୍ୱର୍ତିଙ୍କ୍ ପ୍ରେମ ମାଡ଼ାନ୍ ବିଷୟ ମାନାଙ୍କ୍ ମନେ ୱାଟିଦୁତଣ୍ଡ୍ । ୩:୧୧–୫:୧୨
୪. ଅଣ୍ଡ୍ ତାନ୍ ଲେକା ତେର୍ସ୍ପିତଣ୍ଡ୍ । ୫:୧୩-୨୧
୧
ଜିୱେ ମାନ୍ଦାନ୍ ବାକ୍ୟ
୧ ✡ଯୋହନ୍ ୧:୧.ନାର୍ଗେ କାଲାକଞ୍ଜ ବେନ୍ ମିନ୍ଦେ, ଆଦ୍ ଜିୱେତେ ବାକ୍ୟ ବିଷୟତେ ମାମେ ଲେକାନଙ୍କ୍ ଅଦୁତମ୍ । ଅନ୍ ଗଟି ମାମେ କେଞ୍ଜ୍ତମ୍, ଅଙ୍କ୍ ମାମେ ଉଡ଼୍ତମ୍ ଇଦ୍ ନିଜାମ୍, ନିଜେତ୍ କଣ୍ଡେତେ ଉଡ଼୍ତମ୍ ନୁ ଅଙ୍କ୍ ଇଟ୍ତମ୍ । ୨ ✡ଯୋହନ୍ ୧:୧୪.ଜିୱେତେ ଆଦ୍ ବାକ୍ୟ ବେସୁଙ୍କ୍ ତଅନ୍ଦ୍ତେ, ମାମେ ଆଦିଙ୍କ୍ ଉଡ଼୍ତମ୍; ଆଦିଙ୍କ୍ ଅଦିନ୍ ବିଷୟତେ ମାମେ ଇଦ୍ ଗଟି ସାକ୍ଷ୍ୟ ଇସ୍ କେସମିନ୍ଦେମ୍ ଯେ, ଅନନ୍ତ ଜିୱୁଣ୍ଡ୍ ଲେକାମ୍ ଆ ବାବାଲ୍ ଇଶ୍ୱର୍ ତଡ଼୍ ସାରେଦାମ୍ ମାନ୍ତେ ନୁ ଅଣ୍ଡ୍ ମାନ୍ ଗାରେ ତଅନ୍ଦିମିନ୍ଦେଣ୍ଡ୍ । ୩ ବାତେ ମାନାଡ଼୍ ନିଜାମ୍ତେ ଉଡ଼ୁତାଡ଼୍ ନୁ କେଞ୍ଜୁତାଡ଼୍, ମାତର୍ ଆଦ୍ ଗଟ୍ ମିଇ ଗାରେ କେତୁତମ୍ । ଇଦ୍ କେଞ୍ଜି ବାବାଲ୍ ଇଶ୍ୱର୍ ନୁ ତାନ୍ ମାର୍ ଜିସୁ କ୍ରିଷ୍ଟନ୍ ତଡ଼୍ ମାମେ ବେନ୍ ସାରେ ବିଷୟ ମିନ୍ଦେ, ଆଗେ ମିଡ଼୍ ବାଗିଦାର୍ ଆଦ୍ତିଡ଼୍ । ୪ ମାନ୍ୱାଦ୍ ୱେଡ଼୍କେ ବେଲାକି ପୁରା ଆଦ୍ତେ ଅଦିନ୍ ସେଙ୍ଗେ ମାନାଡ଼୍ ଇୱୁସାରେ ଲେକୁତାଡ଼୍ ।
ଇଶ୍ୱର୍ ଆଦୁତଣ୍ଡ୍ ୱେସ୍
୫ ଇଶ୍ୱର୍ତେ ମାର୍ ଜିସୁ କ୍ରିଷ୍ଟନାଗାଙ୍କ୍ ମାମେ ବେନ୍ ଗଟି କେଞ୍ଜି କେତୁତମ୍, ଆଦ୍ ଅଦୁତ୍, ଇଶ୍ୱର୍ ଆଦୁତଣ୍ଡ୍ ୱେସ୍ ଅନାଗେ ଅଣ୍ଡୟ୍ ବିନ୍ଦୁ ମିକା ଇକାଡ଼୍ ଇଲେ । ୬ ଅନ୍ ତଡ଼୍ ମାୟାଦ୍ ନିଜମ୍ ସତ୍ ସମ୍ପର୍କ ମିନ୍ଦେ ଇଞ୍ଜ କେସ୍, ଯଦି ଇକାଡ଼୍ତାଗ୍ ମାନ୍ତାଡ଼୍, ଗଟ୍ତେ ନୁ କାମ୍ତେ ମାନାଡ଼୍ ମିତ୍ୟାବାଦିଡ଼୍ ଆଦ୍ତାଡ଼୍ । ୭ ବାତେଙ୍କ୍ଇତ୍କେ ଇଶ୍ୱର୍ତେ ଲେକାମ୍ ମାନାଡ଼୍ ଯଦି ୱେସିନାଗ୍ ମାନ୍ତାଡ଼୍, ମାନାଡ଼୍ ନିଜେ ନିଜର୍ ଲୋପେ ସାହାଯ୍ୟ ଦର୍କିତ୍ ନୁ ତାନ୍ ମାର୍ ଜିସୁନ୍ ନେତୁର୍ ମାନଙ୍କ୍ ସାରେତ୍ ପାପତାଗାଙ୍କ୍ ପରିଷ୍କାର୍ ମାଡ଼ିତେ ।
୮ ମାନାଡ଼୍ ଯଦି ନିଜେତିଙ୍କ୍ ପାପିଆୟ ଇଞ୍ଜ ଏର୍କେ ମାଡ଼୍କେ, ଆଲେକ୍ ନିଜେ ନିଜର୍ ଲୋପେ ମିଚ୍ କେତୁତାଡ଼୍ ମାନାଗେ ସୁଦୁର୍ ବା ସତ୍ ଇଲେ । ୯ ବାତେଙ୍କ୍ଇତ୍କେ ଇଶ୍ୱର୍ତେ ଗାରେ ଯଦି ମାନାଦ୍ ପାପ୍ ସ୍ୱୀକାର୍ ମାଡ଼ିତାଡ଼୍, ଇଶ୍ୱର୍ ତାନ୍ ଅନ୍ ଆଦେଶ୍ତେ ମାନ୍ ପରୁ ନ୍ୟାୟତେ ବ୍ୟବହାର୍ ମାଡ଼ିତନ୍ ଅଣ୍ଡ୍ ମାନ୍ ପାପ କ୍ଷମା ମାଡ଼ି ସାରେ ଅଦର୍ମତେ ମାନାଙ୍କ୍ ପରିଷ୍କାର୍ ମାଡ଼ାନଙ୍କ୍ ବିଶ୍ୱସ୍ତ ବା ନ୍ୟାୟବାନ୍ ଆଦ୍ତଣ୍ଡ୍ । ୧୦ ମାନାଡ଼୍ ପାପ୍ ମାଡ଼ାୱାଡ଼୍ ଇଞ୍ଜ ଯଦି କେତିତାଡ଼୍, ଇଶ୍ୱର୍ତିଙ୍ଗ୍ ମିତ୍ୟାବାଦି ଇଞ୍ଜ ଲିନ୍ଦେ ମାଡ଼ୁତାଡ଼୍ ମେଣ୍ଡେ ଅନ୍ ବାକ୍ୟ ମାନ୍ ହୃଦୟତାଗ୍ ଇଲେ ।