୫
ସାଉକାର୍ ନାରୁଡ଼ାଦ୍ ସତର୍କ ଗଟ୍
୧ ହୋ ସାଉକାର୍ ନାରୁଡ଼ି, ନା ଗଟି କେଞ୍ଜାଟ୍ । ମିୟାଦ୍ ୱାଦାନ୍ ବିପଦ୍ ସେଙ୍ଗେ କେୟାଟ୍ ନୁ ଦୁଃକାମ୍ ଆୟ୍ମୁଟ୍ । ୨ ✡ମାତିଉ ୬:୧୯.ମିୟାଦ୍ ସମ୍ପତି ମାୟି ଆଦୁତ୍ତେ, ମିୟାଦ୍ ଚକାସିଲେଙ୍କ୍ ହେଲୁମ୍ ତିନ୍ଦୁତ୍, ୩ ମେଣ୍ଡେ ମିୟାଦ୍ ସୁନା ନୁ ରୁପାତାଗ୍ କାର୍କେ ପୟ୍ଦୁତ୍; ଆଗେତାଦ୍ କାର୍କେ ମିୟାଦ୍ ସାକ୍ଷି ଆଦ୍ତେ ନୁ କିସ୍ ଲେକାମ୍ ମିୟାଦ୍ ମେନ୍ଦୁଲ୍ତିଙ୍କ୍ ପୟ୍ତିତ୍ । ଇଦ୍ ତେରାନ୍ ଦିନାତେ ମିଡ଼୍ ଦନ୍ ନେଃଏସ୍ ମିନ୍ଦେଡ଼ି ! ୪ କେଞ୍ଜାଟ୍, ମିୟାଦ୍ ୱାୟାନାଗ୍ ପାଡ଼୍ୟି ମାଡ଼ାନଡ଼୍କିଂଙ୍କ୍ ବୁସା ମାଡ଼ି ମିଡ଼୍ ଅଡ଼୍କିଂଙ୍କ୍ ଦାମ୍ ଇୱିଡ଼୍, ଆଦ୍ କିଡ଼୍କୁତ୍, ମେଣ୍ଡେ ପାଡ଼୍ୟି ମାଡ଼ାନଡ଼୍ତେ ପ୍ରବୁନ୍ କେୱୁଦାଗ୍ ଇଦ୍ ଗଟ୍ ଏୱୁତ୍ତେ । ୫ ମିଡ଼୍ ଜଗତ୍ତାଦ୍ ସୁକାମ୍ତେ ନୁ ବଗ୍ବିଲାସ୍ ତଡ଼୍ ବାଦ୍କ୍ତିଡ଼୍, ଆୱୁକି ତିନ୍ଦାନ୍ ଲେକାମ୍ ମେନ୍ଦୁଲ୍ ଆସ୍ ମିନ୍ଦେଡ଼ି । ଡଲାନ୍ ଦିନେତେ ନିଜେ ନିଜେ ମାନ୍ଦିଙ୍କ୍ ଶାନ୍ତି ମାଡ଼୍ତିଡ଼ । ୬ ମିଡ଼୍ ଦାର୍ମାମ୍ ନାରୁଡ଼୍କିଂଙ୍କ୍ ଦଷି ମାଡ଼ି ଆୱୁକ୍ତିଡ଼୍; ଅଣ୍ଡ୍ ମିକିଂଙ୍କ୍ ବିରଦ୍ ମାଡ଼େ ପାର୍ୱଣ୍ଡ୍ ।
ଦର୍ଯ୍ୟତଡ଼୍ ପ୍ରାର୍ତନା ମାଡ଼ାଟ୍
୭ ଆଦିଙ୍କ୍ ଆ ଦାଦାଲଡ଼ି ନୁ ଏଲାସ୍କ୍, ପ୍ରବୁ ୱାଦାନ୍ ଯାକ ମିଡ଼୍ ଦର୍ଯ୍ୟ ପୟ୍ସ୍ ମାନୁଟ୍ । ଉଡ଼ାଟ୍, ଉଡ଼୍ଦାନ୍ ୱାୟେତାଗାଙ୍କ୍ ଗାଟି ଦାମ୍ କାୟା ଦର୍କ୍ନା ଯାକ ଦର୍ଯ୍ୟ ପୟ୍ସ୍ ମୁନେତ୍ ନୁ ତେରାନ୍ ୱାର୍ସାମ୍ ୱାଦାନ୍ ଯାକ କେପିତଡ଼୍ । ୮ ମିଡ଼୍ ଗାଲା ଶକ୍ତିତଡ଼୍ ପୟ୍ସ୍ ନିଜେତ୍ ନିଜେତ୍ ଜିୱୁଣ୍ଡ୍ତିଙ୍କ୍ କଟ ମାଡ଼ାଟ୍, ବାତେଙ୍କ୍ଇତ୍କେ ପ୍ରବୁ ୱାଦାନାଦ୍ ଦିନାମ୍ ଗାର୍ରେ ଏୱୁତ୍ତେ ।
୯ ଆ ଦାଦାଲଡ଼ି ନୁ ଏଲାସ୍କ୍, ମିଡ଼୍ ବେଲା ବିଚାର୍ ଆୟ୍ୱିଡ଼୍, ଆଦିନ୍ ସେଙ୍ଗେ ନିଜେତ୍ ନିଜେତ୍ ଲୋପେ ପେର୍ଲ୍ମାଟ୍, ଉଡ଼ାଟ୍, ବିଚାର୍ କର୍ତ୍ତାଲ୍ ମାର୍ ଗାରେ ନିସ୍ ମିନ୍ଦେଣ୍ଡ୍ । ୧୦ ଆ ଦାଦାଲଡ଼ି ନୁ ଏଲାସ୍କ୍, ବେନ୍ ବାବବାଦିଡ଼୍ ପ୍ରବୁନ୍ ପେଦେର୍ତେ ଗଟି କେସ୍ ମାତ୍ତଡ଼୍, ଅଡ଼୍କିଂଙ୍କ୍ ଦୁଃକାମ୍ ନୁ ଦର୍ଯ୍ୟତାଦ୍ ୱେଷଡ଼୍ ଇନା ପୟ୍ମୁଟ୍ । ୧୧ ଉଡ଼ାଟ୍, ବେନଡ଼୍ ଗାଡ଼୍ସ୍ ଆସ୍ ମାତ୍ତଡ଼୍ ଅଡ଼୍କିଂଙ୍କ୍ ମାମ୍ମେ ଦନ୍ୟ ଇଞ୍ଜ କେତିତମ୍ । ମିଡ଼୍ ଆୟୁବନ୍ ଗାଡ଼୍ସ୍ ଗଟି କେଞ୍ଜି ମାତ୍ତିଡ଼୍, ମେଣ୍ଡେ ପ୍ରବୁନ୍ ତେରାନ୍ ପାଡ଼୍ୟି ଉଡ଼ି ପୁତ୍ତିଡ଼୍ ଯେ, ଅଣ୍ଡ୍ ଦୟାତଣ୍ଡ୍ ନୁ କୃପା ମାଡ଼ାନଣ୍ଡ୍ ।
୧୨ ✡ମାତିଉ ୫:3୪-3୭.ଆଦିଙ୍କ୍ ହୋ ନା ଦାଦାଲଡ଼ି ନୁ ଏଲାସ୍କ୍, ଶପତ୍ ମାଡ଼୍ମାଟ୍, ସ୍ୱର୍ଗତାଦ୍ ଆୟି ବା ପୃତିବିତାଦ୍ ଆୟି କି ମେଣ୍ଡେ ବାତ୍ ବିଷୟ ଅସ୍ ଶପତ୍ ମାଡ଼୍ମାଟ୍; ଆଦିଙ୍କ୍ ମିଇ ଗଟି ହଁ ତାଦ୍ ହଁ ଆୟି, ଇଲ୍ଲେ ତାଦ୍ ଇଲ୍ଲେ ଆୟି, ବେଲାକି ମିଡ଼୍ ବିଚାର୍ ମାଡ଼ାନାଗ୍ ଦଣ୍ଡ୍ ଆୟ୍ୱିଡ଼୍ ।
୧୩ ମିଇ ଲୋପେ ବାତ୍ ବେନ ଦୁଃକାମ୍ ପାଏମ୍ ଆଦୁତନ୍ ? ଅଣ୍ଡ୍ ପ୍ରାର୍ତନା ମାଡ଼ିଣ୍ଡ୍ । ବେନବା ୱେଡ଼୍କ୍ ମିନ୍ଦେଣ୍ଡ୍ ? ଅଣ୍ଡ୍ ପାଟା ପାରି ପ୍ରଶଂସା ମାଡ଼ିଣ୍ଡ୍ । ୧୪ ✡ମାର୍କ ୬:୧3.ମିଇ ଲୋପେ ବାତ୍ ବେନ ରୋଗି ମିନ୍ଦେଣ୍ଡ୍ ? ଅଣ୍ଡ୍ ମଣ୍ଡଲିତେ ନେତା ନଡ଼୍କିଂଙ୍କ୍ କାର୍ଙ୍ଗିଣ୍ଡ୍; ଅଡ଼୍ ପ୍ରବୁନ୍ ପେଦେର୍ତେ ନିୟ୍ ଉଃସି ଅନ୍ ସେଙ୍ଗେ ପ୍ରାର୍ତନା ମାଡ଼ିଣ୍ଡ୍ । ୧୫ ବିଶ୍ୱାସ୍ତାଦ୍ ପ୍ରାର୍ତନା ଆଦ୍ ରୋଗିଙ୍କ୍ ରକ୍ଷା ମାଡ଼ିତ୍, ମେଣ୍ଡେ ପ୍ରବୁ ଅଂକିଙ୍କ୍ ତେଏତିତଣ୍ଡ୍; ମେଣ୍ଡେ ଯଦି ଅଣ୍ଡ୍ ପାପ୍ ମାଡ଼ିମାନ୍ତଣ୍ଡ୍, ଆଲେକେ ଅଂକିଙ୍କ୍ କ୍ଷମା ହିଦ୍ତଣ୍ଡ୍ । ୧୬ ଆଦିଙ୍କ୍ ନିଜେତ୍ ନିଜେତ୍ ଲୋପେ ପାପ୍ ସ୍ୱୀକାର୍ ମାଡ଼ାଟ୍, ମେଣ୍ଡେ ସାୟେ ଆଦାନ୍ ସେଙ୍ଗେ ନିଜେତ୍ ନିଜେତ୍ ଲୋପେ ପ୍ରାର୍ତନା ମାଡ଼ାଟ୍ । ଦାର୍ମାମ୍ ନାରୁଣ୍ଡ୍ତେ ପ୍ରାର୍ତନା ନାର୍ଗେ ପାଡ଼୍ୟି ମାଡ଼ାନଙ୍କ୍ ପାର୍ଦ୍ତେ । ୧୭ ଏଲୀୟ ମାନ୍ ରକମ୍ ନାରୁନ୍ ମାତ୍ତଣ୍ଡ୍, ୱାର୍ସାମ୍ ୱାଡ଼୍ମାକି ଇଞ୍ଜ ଅଣ୍ଡ୍ ଅଣ୍ଡୟ୍ ମାନ୍ତେ ପ୍ରାର୍ତନା ମାଡ଼୍ତଣ୍ଡ୍, ମେଣ୍ଡେ ମୁଣ୍ଡ୍ ଏଣ୍ଡ୍କ୍ ନୁ ଆରୁ ନେଲ୍ଞ୍ଜ୍ ଯାକ ଦେଶ୍ତାଗ୍ ୱାର୍ସାମ୍ ୱାଡ଼; ୧୮ ଅଣ୍ଡ୍ ମେଣ୍ଡନ୍ନ୍ଦାମ୍ ପ୍ରାର୍ତନା ମାଡ଼୍ତାଙ୍କ୍ ମୟଲ୍ତାଗାଙ୍କ୍ ୱାର୍ସାମ୍ ୱାତ୍ତେ, ମେଣ୍ଡେ ବୁମ୍ତାଗା ପସଲ୍ ଆଦ୍ତା ।
୧୯ ଆ ନା ଦାଦାଲଡ଼ି ନୁ ଏଲାସ୍କ୍, ମିଇ ଲୋପେ ବେନ ଯଦି ସତ୍ ହାର୍ଦିଙ୍କ୍ ବୁଲ୍କା ଆଦ୍ତନ୍, ମେଣ୍ଡେ ବେନ୍ ଅଂକିଙ୍କ୍ ସତ୍ ହାର୍ଦାଗ୍ ମାଲ୍ପି ତାତିତଣ୍ଡ୍, ୨୦ ✡୧ ପିତର୍ ୪:୮.ଆଲେକେ ଅଣ୍ଡ୍ ପାପି ନାରୁଙ୍କ୍ ବୁଲ୍କା ହାର୍ଦାଗାଙ୍କ୍ ମାଲ୍ପି ତାତ୍ତଣ୍ଡ୍, ଅଣ୍ଡ୍ ଯେ ତାନ୍ ଆତ୍ମାତିଙ୍କ୍ ଡଲାନାଗାଙ୍କ୍ ରକ୍ଷା ମାଡ଼୍ତଣ୍ଡ୍ ନୁ ନାର୍ଗେ ପାପ୍ତିଙ୍କ୍ ୱିଡ଼୍ସିଦ୍ତଣ୍ଡ୍, ଇଦ୍ ପୁତ୍ତିଡ଼୍ ।