6
1 Yakamaisi kawotetilasi gulitinidesi deli Yaubada, e mauula kamnabaimi. Bogwa lokukwauwaisi Yaubada la mitakwai, e gala wala bibodi bukukoumakavaisi. 2 Kulagaisi avaka Yaubada eilivala. Kawala,
“Tuta makwaina eibodi bapilasaimi,
e lalagaimi.
Lapilasaimi goli
yam makwaina akatumovaimi.” 6.2 Ais 49.8
Kugisaisi, baisa tuta ibodi Yaubada bipilasaimi, e yam lagaila ibodi bikatumovaimi.
3 Gala magimasi availa bikagagi ma wotetilasi, e mapaila kavigikonaisi gala bakayomwauwaisi ninasi tomota avai kabommosila. 4 Mapaila vavagi komwaidona kauvagaisi kavitulokaimasi kidamwa Yaubada la towotetila. Kabodaisi uvagila mwau deli kabommayuyu e deli kaboninayuwa bidubadu deli ma peulokaisi kwaiveka. 5 Lakabodaisi kama lewasi, kama katupipisi deli goli kama kominimanisi. Ilagoli kasomatasi paisewa gala goli gagabila bakamasisisi e deli kapusoposumasi. 6.5 VA 16.23 6 Kavitulokaimasi Yaubada la towotetila metoya oma bubunelasi migileu, deli ma kabitamsi, ma peulokaisi e ma mitakwaisi. Tuvaila, metoya baisa Baloma Tobumaboma la sivaduli, metoya oma yebwailisi mokwita, 7 metoya oma kamituli paila bigala mokwita, deli metoya ola peula Yaubada. Bubunela duwosisia kavigakaisi makawala ma kaiyalasi deli ma vayoulasi kidamwa bakakabiliasi deli bakayowolasi metoya baisa makwaina. 8 Kabodaisi kama taimamilasi deli kama mmosilasi. Tuvaila, kama bigigagaisi deli kama yakaulasi. Idokaimasi tosisasopa mitaga kakamokwitasi. 9 Itakainawaimasi, mitaga komwaidosi ivitusaimasi. Idokaimasi tokukwaliga, mitaga ka, kugisaisi - kamwamovasi goli. Imipukwaimasi, mitaga gala wala ikatumataimasi. 10 Kabodaisi kaboninamwau, mitaga tuta tuta kamwasawasi. Tonamakava yakamaisi, mitaga kavigakaisi bidubadu bimili guguwasi. Idokaisi gala kayosisi avai guguwa, mitaga kavagugulaisi wala vavagi komwaidona.
11 E segwaia mina Korinita, bogwa kalivalasi mimilakatila baisa yokomi, e lakalukwaimi ninamaisi komwaidona. 12 Yakamaisi gala kakiwolaisi ninamaisi baisa yokomi. Mitaga yokomi lokukiwolaisi ninami baisa yakamaisi. 13 Baisa tuta alilivala baisa yokomi makawala yokomi litugwa. Ibodi bukuvitulokaimasi kami lumkola paila yakamaisi makawala goli kalumkolaisi paila yokomi. Bukulukwaimasi ninami komwaidona.
Taga bukusivadulisi deli matausina gala todubumi
14 Taga bukusivadulisi deli matausina gala todubumi,rKugisi 1 Kr 5.9 kala katumiki paila 2 Kr 6.14—7.1. paila gala gagabila bitavagi makawala. Paila ammakawala si daili tomitukwaibwaila deli tomitugaga? Kaina ammakawala si kalubaila uvagila lumalama deli uvagila dudubila? 15 Ammakawala Keriso sola Diabolo bininabwailasi gulitinidesi? Ammakawasiga matausina todubumi bininatalasi deli matausina gala todubumi? 16 Ammakawala kala sepituki Yaubada la bwala kwebumaboma deli tokolu? Paila yakidasi la bwala kwebumaboma Yaubada. Makawala Yaubada titoulela eilivala, kawala, 6.16 Tol 26.12; Isi 37.27; 1 Kr 3.16; 6.19
“Bamili valu baisa matausina e basigaga deli matausina.
Yeigu wala si Yaubada, e matausinaga uli tomota.”
17 E mapaila Guyau ikaibiga, kawala,
“Ibodi bukusilavaisi matausina,
e bukutavileiyaimi metoya baisa matausina.
Gala bukuvagaisi avaka bomikikila,
e yeigu bogwa bakabwailimi. 6.17 Ais 52.11
18 E mauula yeigu Tumami,
deli yokomi tauwau vivila litugwa wala.
Ka, Guyau Topeuligaga bogwa lalivala.” 6.18 2 Sml 7.14; 1 Lil 17.13; Ais 43.6; Yer 31.9