SUNAPULA
Kabovitouula
Mapilana buki yagala Sunapula, paila baisa bitakalawa liliusi mina Isireli eisunapulasi metoya mapilana Itipita, mapilawena goli eisisuaisi okatupipi. Buki mapilana katupwaila katupotolu, baisa makawala.
1) Yaubada itaneku mina Isireli metoya osi katupipi, e oluvi ililoulasi ilosi wa Koya Sinai.
2) Yaubada ikabutu deli la tomota mapilana Koya Sinai, e metoya baisa isaiki karaiwogala si kidakeda, deli si valu la karaiwaga, deli tuvaila karaiwaga paila si tapwaroru kidikedala.
3) Livalela si kabotapwaroru kala kaliai, deli avaka ibodi biyoudilaisi paila guguwala tapwaroru, e tuvaila karaiwaga ituwoli ituwoli paila tolula deli paila ammakawala bitapwarorusi baisa Yaubada.
Kala kukugwa, buki mapilana ikamitububuli avaka Yaubada bogwa leivagi tutala itaneku la tomota metoya okatupipi e ivigaki matausina budotala boda, deli ikaimilivau si pikwaku paila avaka bibanaisi tuta oluvi.
Olumoulela buki mapilana bitabani oluwalaisi mina Isireli taitala tau kala nikoli sainela, matauna yagala Mosese, matauna goli Yaubada bogwa leinagi paila bivisunupuloi la tomota metoya Itipita.
E kwaitala vavagi kwedabala olumoulela buki mapilana, baisa makwaisina Karaiwaga Kwailuwotala. Bidubadu mina watanawa kaina gala itapuloki ninasi buki mapilana, mitaga inikolaisi makwaisina Karaiwaga Kwailuwotala wala.
Buki kala katumimisa
Mina Isireli isilavaisi Itipita 1.1—15.21
a) Si wotetila baisa mina Itipita 1.1-22
b) Mosese la kaloubusi deli la momova 2.1—4.31
c) Mosese sola Eroni ikominimanaisi guyoula Itipita 5.1—11.10
d) Luvapela Pakala, e isilavaisi Itipita 12.1—15.21
Metoya viluwela sopi yayana bila Koya Sinai 15.22—18.27
Karaiwaga deli Kabutu 19.1—24.18
Guyau la Buliyoyova deli Tapwaroru kala katuloluta 25.1—40.38
1
Mina Isireli eibodasi mwau mapilana Itipita
Yekobe litula eigalasi eilosi mapilana Itipita deli matauna, e matausina taitala taitala deli wala litusia. E matausina yagasi 1.1-4 Vit 46.8-27 Rubeni, Simioni, Libai, Yuda, Isaka, Sebuloni, Beniamina, Dani, Napitalai, Gada, deli Asera. E matausina Yekobe dalela kasi bawa tailuwolima tailuwoyu.a Kugisi Vit 46.27. E latulaga Yosepa bogwa wala eisibogwa mapilana Itipita. E igau matubona Yosepa deli tuwala ikaligasi, e tuvaila kesala tubwa matubona. Taga tubusia iunigeyaisi bidubadu gugwadi, e mabudona mina Isireli dalela saina budoveka, e matausina ivakasauwaisi Itipita. 1.7 VA 7.17
E oluvi taitala giyouvau ikaraiwogi Itipita. E matauna gala wala inikoli Yosepa livalela. 1.8 VA 7.18 Iluki la tomota kawala, “Ka! Mina Isireli saina bidugaga deli saina budoveka, e bogwa bikaiyoulaidasi. 10 E gala tagigisi kidamwa kabilia bima, e kaina bikommolaisi boda kwaitala deli kada tilaulasi, e bikabiliasi deli yakidasi, e baisa makawala bisakaulasi metoya oda valusi. Mapaila ibodi bitanevisi avai nanamsa bitavagaisi bitasilibodaisi mwada taga tuvaila kasi bawa bibidubadu.” 1.10 VA 7.19 11 Mapaila mina Itipita isailisi kasi tokaraiwaga odubasi, kidamwa mina Isireli bivigaki bipupaisewasi mwau sainela paila bilamamsi komwaidosi. Mina Isireli eikaliaisi valu mapilasina Pitom deli Ramesa, mwada mapilasina bivigaki guyau la bomileilai. 12 Taga mayogagela wala mina Itipita iyogagaisi mina Isireli, e mauvagila goli kasi bawa ibidubadu, e tuvaila wala isilomlasi olopola valu. Mapaila mina Itipita ikukolaisi mina Isireli. 13-14 Ivigaki si sisu mwau sainela metoya si komikikana baisa matausina olopola paisewa mwau. Ivigakaisi mina Isireli si tokwaliai e deli si tobagula. Deli gala wala sitana si nokapisi baisa matausina.
15 E tuta matutona mina Itipita si guyau ilivala baisa minasina vilesi Iberu tokaivalulu. Natana yagala Sipara, nayuwela yagala Puwa. 16 E guyau matauna ikaibiga kawala, “Ka, kugisaisi. Matutona yokomi kukwavilulaisi vilesi Iberu - ka, kidamwa gwadi tau bikaloubusi, kukwatumati. Kidamwaga magudina vivila wala, e desi wala, bimova.” 17 Mitaga minasina tokaivalulu ikukolaisi Yaubada, e gala wala bikabikuwolaisi guyau. E mapaila gugwadi tauwau iyomovaisi wala. 18 E matauna guyau idou minasina tokaivalulu e ikatupoi kawala, “Avaka uula kuuvagaisi baisa ke? Avaka uula kuyomovaisi magudisina tauwau?”
19 E ivitakaulokaisi kawasi, “Ka, vilesi Iberu gala makawala vilesi Itipita. Paila vilesi Iberu si kaivalulu gagabila, e bogwa bivilulubogwasi oluviga yakama bakasusuvi.” 20-21 E mapaila Yaubada imitukwaii minasina tokaivalulu, paila uula minasina ikukolaisi Yaubada, e itagwala biunaisi litusia titoulesi. E mina Isireli tuvaila iunigeyaisi saina bidugaga, deli saina budoveka goli. 22 E kala vigimkovila, guyau matauna isaiki la tomota komwaidosi kasi karaiwaga. Kawala, “Bukuyosisi magudisina gudipwapwawa tauwau mina Iberu e bukulavaisi bilosi wa Waya Naili. Vivila wala bimovasi.” 1.22 VA 7.19

1:1 1.1-4 Vit 46.8-27

a1:5 Kugisi Vit 46.27.

1:7 1.7 VA 7.17

1:8 1.8 VA 7.18

1:10 1.10 VA 7.19

1:22 1.22 VA 7.19