26
Tomitukwaibwaila la nigada
1 Mwa Guyau! Kukwamitulaigu tobwaila yeigu,
paila auvagi avaka duwosisia wala,
deli adubumaim mokwitatoula.
2 Guyau, kumitakavataigu deli kuwakolaigu.
Ibodi yoku bukuyakali makwaisina vavagi avaka avaka magigu deli avaka avaka laninamsi.
3 M mitakwai baisa ivakadaigu.
M kimadagi tuta komwaidona ikugwaiyaigu.
4 Yeigu gala avakatu tomota matausina gala isim dimlesi.
Yeigu aleili matausina tokwatudewa gaga.
5 Yeigu saina kwekukologu si vakatu tomitugaga,
e aleili matausina goli.
6 Guyau, ka, awini yamagu paila bikamituli mwada yeigu tobwaila wala,
deli atitavina om kwabolula e atitapwaroru.
7 Avitau pilatala wosila nokagutoki
e deli alivali komwaidona avaka avaka lokuvagi saina kabokatubau.
8 Mwa Guyau! Ayebwaili bwala makwaina lokusisiki,pBwala Kwebumaboma mapilana Yerusalem.
baisa goli bolela kam kwatububula.qBwala Kwebumaboma kala katububula komwaidona baisa kabutuvitusila Yaubada kala katububula.
9 Taga bukukwatumataigu tutala kukwatumati tomitugaga.
Kukolaigu metoya okasi mipuki tokatumata -
10 tomota matausina eiuvagaisi vavagi gaga tuta komwaidona,
e deli itulotulasi paila bikauwaisi avaka katupatula udosi.
11 Mitaga yeigu, ka, avagi avaka duwosisia wala.
Kunokapisaigu deli kukwatumovaigu!
12 Yeigu bogwa lakwala metoya komwaidona kabosilagi.
E osi sigugularMina Isireli tuta tuta bisigugulasi wa Bwala Kwebumaboma bitapwarorusi baisa Yaubada; kugisi Sam 22.22. la tomota ayakawoli Guyau.