41
La nigada tokatoula
1 Bimwasawasi matausina availa availa ininamsaisi paila tonamakava.
E Guyau bipilasi wala matausina avai tuta bibodasi mwau.
2 Guyau bikoli matausina deli biyamati si momova.
Bivigaki matausina bimwasawasi osi valu,
e gala wala bisilavi matausina bilosi oyumasi kasi tilaula.
3 Guyau bipilasi matausina avai tuta bikatoulasi,
deli biyomovi bibwainasi, e bikaitubwasi.
4 Yeigu akaibiga kawagu, “Mwa Guyau! Bogwa wala lamitugaga omatam.
Mapaila kunokapisaigu deli kukwatumovaigu.”
5 Agu tilaula ililivalasi biga vakatutuki paila yeigu.
Magisi wala bakaliga e bogwa bitotilaki ninasi.
6 Matausina availa availa imaisi igisaigusi gala wala tokwamokwita.
Matausina ikauwaisi biga sopa paila yeigu,
e oluvi ilauwaisi ambaisa ambaisa ililivalaigusi.
7 Komwaidosi matausina availa availa tokukolosi yeigu ikikasilamwaigusi wala.
Oninasi ininamsaisi vavagi saina gaga paila yeigu.
8 Ikaibigasi kawasi, “Katoula wala bogwa bikimati.
Matauna gala tuvaila bikanilavi kabala.”
9 Deli goli lubaigu tatougu, matauna adubumi mokwita,
deli kama kaboma kaitala,
e matauna bogwa goli eitotubulokaigu. 41.9 Md 26.23; Mk 14.18,20; Lk 22.21; Yn 13.18
10 Mwa Guyau! Kunokapisaigu, kuyomovaigu babwaina e bakaitubwa,
e bamapuga yumasi agu tilaula.
11 Matausina gala bitomgwagasi odabagu,
e yeigu banikoli mwada yoku bogwa imwamwasila nanom paila yeigu.
12 E yoku bukupilasaigu, paila uula avagi avaka duwosisia,
e yoku bukusividulaigu taitu taitu.
13 Kala yakaula Guyau, matauna mina Isireli si Yaubada!
Kala yakaula matauna tuta baisa, e tuta gala biwokuva! 41.13 Sam 106.48
Emeni! Emeni!ySam 41 kala vigimkovila mavilela 12, e mavilana mailela 13 baisa kala vigimkovila Sam bukila pilimatala (Sam 1-41).