77
Visimoli wa tuta mwau
1 Adou kaigagu kaigaveka baisa Yaubada.
Adou kaigagu kaigaveka, e matauna ilagaigu.
2 Wa tuta mwau anigada baisa Guyau.
Wa bogi kwemwaidona ayosali yamagu deli ulo nigada,
mitaga gala wala gagabila babani visimoli.
3 Avai tuta baninamsi Yaubada, batiliawai wala.
Avai tuta biiluyelu nanogu, agu lumkola deli wala ninayuwa.
4 Matauna iyommataigu wa bogi kwemwaidona.
Gala gagabila babigatona paila saina ulo nokubukubu.
5 Aninanamsa paila tuta leimwaim,
deli aluluwai taitu makwaisina omitibogwʹo.
6 Bogi kwemwaidona aninanamsa saina peula.
Iiluyelu nanogu, e baisa makawala akatupoiyaigu titoulegu, kawagu,
7 “Ki, Guyau bogwa wala bipakaitulaidasi?
Ki, gala wala gagabila tuvaila bimwamwasila nanola paila yakidasi?
8 Ki, bogwa leiwokuva la yebwaili paila yakidasi kaina?
Ki, la biga katotila gala bikamokwita?
9 Bogwa eilumwelavi paila binokapisi kaina?
Ki, bogwa wala bigibuluwa bikaimapu la nokapisi kaina?”
10 E oluvi alivala kawagu, “Wa! Yaubada la peuligaga bogwa leiwokuva.
E baisa goli ivigaki agu mmayuyu sainela!”
11 Mwa Yaubada! Tuta komwaidona baluluwai wala avai vavagi topilaveka lokuuvagi.
E baluluwai tuvaila makwaisina kabokatubau lokuuvagi bogwa leimwaim.
12 Baninanamsa paila komwaidona avaka makwaisina lokuuvagi,
e tuta komwaidona biiluyelu nanogu paila m vavagi topilaveka.
13 Mwa Yaubada! Komwaidona vavagi lokuuvagi baisa kwebumabomagYaubada matauna Tobumaboma, e mauula komwaidona vavagi avaka avaka eiuvagi kwaibumaboma wala. wala.
Gala taitala yaubada kala tovakaigaga makawala yoku.
14 Yoku wala Yaubada kammwaleta kuuvagi kabutuvatusi.
Kuyomitali m peuligaga oluwalaisi boda ituwoli ituwoli.
15 Metoya om peula kukwatumovi m tomota,
matausina dalesi Yekobe deli Yosepa.
16 Mwa Yaubada! Avai tuta bolita igisaim ikokola wala,
e deli tukutakula bolita imotatina.
17 E lowalowa ilupisau kuna,
e pilapala iwawai wa labuma,
deli kavikavila ikavili ambaisa ambaisa.
18 Butula m pilapala idududu,
e kavikavila visigala ivisigili watanawa.
Valu watanawa iyega deli imotatina.
19 Yoku kuloula oluwalaisi kaisai.
Kuluvipeili tilibwabwau,
mitaga bakwaim gala igagabila bitagisi.
20 Kukugwai m tomota makawala toyamata bikugwai la sipi,
e kusaiki Mosese sola Eroni kidamwa bikugwaiyaisi matausina.
g77:13 Yaubada matauna Tobumaboma, e mauula komwaidona vavagi avaka avaka eiuvagi kwaibumaboma wala.